ليله ليلاء....

ليله ...لا منذ بدأ اليوم

جو ساحن خانق

ثم تحول الى عواصف بارده

كانها بدايه الشتاء وليس الربيع

زوجى اخبرنى ان الليله

يبدأ التقويم الصيفى!!

الهواء يحدث اصواتا تعنى لى الكثير

تبعه الرعد اسمع فيه..انهااحدى الليالى التى يحدد فيها المصير

مصيرى ومصير هذا الكائن بداخلى

والله اعلم بما يصير

اسفه ان كنت لفظتك

وحتى الان لا اعلم

اعرف ان ما حدث ينبىء بالخطر الجثيم

اردد لا حول ولا قوة الا بالله

اعتصمت بمن لا يضيعنا وارتضيت القضاء

اللهم لك الحمد على ما قضيت

----------------------------

جنينى تمسك

الا تشعر بمن احسك

الا تعلم كم انتظرتك

الا تعلم انى اتوق للمسك

كم اشتقت ان اتنفس نفسك

ارجوك تمسك

يا من نميت بين طيات لحمى

لا استطيع ان ابخل عليك بدمي

خذ ما شئت ولا تتخلى عنى

اختبىء بداخلى لن اضيق بحملك

ارجوك تمسك

حبه قلبى انت يا انا

ان اضمك الىَ ..كل المنى

فلا تضن على بلحظة هنا

الا تعرف من فى حشاها تضمك؟؟

انا امك..رفقا بامك

ارجوك تمسك

انفض هذا الضعف عنى وعنك

تمسك..لا تفطر قلب امك

---------

الاحتساب والصبر

هو الشىء الجميل الذى ارفقه الله بالابتلاء

جوابات

هى فكره والا اكتر؟؟
من فتره كده جاتلى فكره انى اكتب لصاحبتى جوابات!!
لاسباب مرفقة طيه واحلى حاجه اكتشفتها بعد ما بدأت ابعت الجوابات..ان الجواب شىء جميل ممكن الاحتفاظ به وده يعنى يفضل ذكرى تفكرنا بحاله وظرف وبينا ..فى وقت كتابه الجواب كانت خبراتنا ايه ..يعنى لقيت ان كتابه الجوا بات تشجع احد عاداتى التى لا استطيع تفسيرها وهى الاحتفاظ باشياء لتذكرنى باشياء ..تسمى فى الاول تذكارات ثم تتحول الى كراكيب من وجهه نظر المحيطين!!
ولكنى كنت ولا زلت احب اشيائى الروبابيكيااااااااااااااا

اول جواب

نسيت اخد العنوان عشان ابعت الجواب كمان مش عارفه منين اجيب طابع بوسطه!!ولا فين الصندوق!!!!

قررت اكتب هنا عشان يبقى اسمى بدأت سلسله من الجوابات لصاحبتى...اللى انا وهى عايشين فى نفس المدينه!!وعندنا تليفونات ارضيه وموبيلات وايميلات ولابتوبات.....والتعلب فات فات.
ليه؟؟؟
لانى دايما عندى حنين لزمان وكل الحاجات الحلوه بتاعت ايام زمان اللى عشناها وشفناها واللى بس سمعنا عنها واتخيلناها
حجات حلوه كلها خير وبركه ومليانه فرح ومشاركه..... احلى اوقات واحنا صغيرين وطول الوقت مع الجدات الله يرحم الجدات.....
سبب تانى ان ربنا اكرمنى بحاجات ..وطبعا اتباعا لقوله" واما بنعمه ربك فحدث" لازم اقول
اول نعمه والحمد لله عليها وعلى انى مدركه ان ربنا اكرمنى بيها هى "عقلى" ناس كتير اوى ناسيه النعمه دى ..بس انا الحمد لله فاكرها واكيد حتكلم عنها كتير
وكمان ربنا اكرمنى بصاحبتى اللى حبعتلها الجوابات اللى هى عندى غاليه اوى وقريبه اوى اوى من غير ما تعرف...ودى من اكبر النعم ..مش سهل نلاقى حد فى الزمن ده نرتحله ونطمن له ونتواءم معاه ويمكن كمان نتتوءم معاه
وده كمان كتير حتكلم عليه حكم انا رغايه!!!
والسبب التالت وحعتبره موضوع الجواب..ان لعنه الله على الكى بورد!!!
طول عمرنا نروح مدارس ويطلع عينا صحيان بدرى وسندوتشات...وجرس وشرابات!!!تفانين فى تعذيب الاطفال وطبعا حدث ولا حرج عن الواجبات واللا نسيتوا الواجبات
درس القرأه كان بيتكتب كام مره؟؟؟؟
واللا الشنطه اللى جابت لنا أتب!!!!!
وقلم جاف وقلم رصاص ..استيكه وبرايه وباقى الادوات.....كل ده بجرة كى بورد لاغيناه ونسيناه؟؟؟
فين ايام ما كان القلم سلاح
الله يمسيك بالخير انت وقلمك الرصاص ياعم حمدى قنديل.. والمسا طبعا مدام نجلاء
انا بلعن اختراع الكى بورد ده حيجيبلنا اعاقه وايدينا حتصدى... بجد بجد حننسى حاجه اسمها نكتب بالقلم
ولو ايدك فقدت مهارتها فى الكتابه حتبقى اضعف فى حاجات تانيه كتير اوى.....

--------------------------------------------------------

ملحوظه:كل جواب مذيل بكلمه موجهه خصوصى لصاحبتى

تحيه منى لمستقبله الجواب

ابعتيلى العنوان بسرعه ولكى الشكر من اعماق يداى

شرح وشكر

شرح وشكر..

العالم السحرى هو عالم المدونات الذى يشبه منطقه بين الكواكب والنجوم عالم ملىء بالحوريات والحواديت كل شىء براق..حتى الدموع لألىء..حيث اللقاء وردى والفراق يلازمه امل فى لقاء جديد اكثر ثراء

ارى ان المدونه فرصه لتكوين صدقات وعرض وجهة نظر وقراءة وجهه نظر الاخرين..وهو ما قد يكون شبه مستحيل فى الواقع..فلنحتجب ونختبىء كى نتواصل ا لمهم ان نتصل ونتواصل ان نبنى جسور محبه بيننا وبين من لا يجمعنا بهم المكان والزمان ..انما يجمعنا العالم السحرى

_الشكر لله اكرمنى بصديقتى النادره الوجود جاد على بها زمن قلما يجود..اخت لم تلدهاأم..صديقه فى زمن ندرة الصدق والصداقه

الجميله قلبا وقالبا حتى فاض جمالها على كل محيطها وعلى كل ما يقترب من عالمها"مى بهاء"

لا اكتفى ابدا بما اقوله عنكى والاكثر انك كنت بوابتىللعالم السحرىاهدى اليك خلاصه عقلى وانت الادرى بعقلى.