2008/10/07

يا الله


يا عزيز جئتك ببضاعةٍ مزجاة فأوف لىَ الكيل وتصدق على انت اكرم الاكرمين....




اللهم ما سجد وجهى لغيرك



..اللهم لا تكلنى لغيرك



ولا تحرمنى خيرك



اللهم استرنى بسترك



واجرنى من غضبك وسخطك



اللهم لا تحرمنى نعمه النظر لوجهك



امين









الغفله..اكتشفتها ومازلت اصارعها قبل ان تصرعنى



اللهم خذ بأيدينا اليك اخذ الكرام عليك



اللهم لا منجى وملجأ منك الا اليك ..ربما لا تخزنا يوم العرض عليك



تمر الايام وتقترب النهايه ولا اريد لنفسى ما ارتضاه الكثيرين...



اللهم آعنى على ذكرك وشكرك وحسن عبادتك



وآعنى على نفسى فحسبى انها لوامه وليست آمارةٍ بالسوء واعوذ بك ان تكون



------------



كلما خلوت بنفسى اشعر انى اكتب نعيها



فلست ادرى متى تكون النهايه ولكنى اسأل الله حسن الخاتمه



لم اعد احتمل تقصيرى مع الله ..يكاد الحياء منه يقتلنى



فكم عصيت وسترنى وكم قصرت فجبرنى



وكم كم....



ولكن املى ورجائى فيه لا ينفذ



وها انا اهم بنفسى لبارئها...



"عجلت اليك ربى لترضى"



يا ليتها كانت شعارى منذ الصغر



ليتنى حفظت القرآن....


وبما انى لم احفظه فى الوقت المناسب...فلأتدبره كما يجب قبل ان يضيع عمرى دون ذلك


كرم ربى ورحمته ملء السماء والارض!!!


وكل حرف بحسنه وكل حسنه بعشر والله يضاعف لمن يشاء....




"ألا اكون عبدا شكورا"...


شكر النعمه بالنعمه..وقد انعم الله علينا بالقرآن فليكن لكلام الله ما يستحق منا


حسن التلاوه..الترتيل ..التدبر... العمل بما تعلمت


التجويد وقواعده ذهب العلماء الى انه فرض


الترتيل هو امر فى القرأن ولم يأمرنا الله فقط بالقراءه


"ورتل القرآن ترتيلا"




واما عن التدبر فما افهمه من الآيه "افلا يتدبرون القرآن ام على قلوبٍ اقفالها" ان عدم التدبر والفهم يجعلنا بعيد عن القرآن فتكون قلوبنا حائل بيننا وبين كلام الله...


كما حال النفاق بين القلوب المريضه بالنفاق وبين دين الله ورسوله....


" ألم يأن للذين آمنوا ان تخشع قلوبهم لذكر الله وما نزل من الحق ولا يكونوا كالذين اوتوا الكتاب من قبل فطال عليهم


الأمد فقست قلوبهم وكثير منهم فاسقون"


"وقال الرسول يا رب ان قومى اتخذوا هذا القرأن مهجورا"

اللهم انى اعوذ بك ان يشملنى هذا القول واعوذ بك الا اتخذ مع الرسول سبيلا..


اللهم ردنا جميعا الى دينك دين الحق

اللهم علمنا ما ينفعنا وانفعنا بما علمتنا


نيتى لله ان ابدأ فى ختم القرآن ولكن ليس فى شهر وانما كما يحب الله

بالتدبر والفهم والله المستعان على العمل به...لا احصى ولا اعد الايام وانما احصى العلم والفهم فيما بقى من العمر

وعن من يقرأ..قبل ان تنتقل لصفحه اخرى على النت ...اعقد نيه لله تزحزحك ولو شبرعن النار

"اتقوا النار ولو بشق تمره..ومن لم يجد فبكلمه طيبه" صدق رسول الله صلى الله عليه وسلم


ولا تنسى ان كل عملك ما هو الا بضاعة مزجاه لا تزيد ملك الله ولا تنقصه

لا تستوى ونعمه واحده من نعم الله...

فالحمد لله على ما انعم به على خلقه والحمد لله على رحمته بنا ونحن لم يسلم احدنا من الذنوب

سبحانك اللهم وبحمدك لا اله الا انت استفقرك واتوب اليك.












































2008/08/30

افلا تعقلون....

اول الكلام ... بدعى ربنا من كل قلبى يوفقنى اكتب اللى جوايا بشكل يأثر مع كل اخ واخت فى الله يمروا على مدونتى ويقرأوا كلامى


اللهم وفقنى لما ترضى..


رب اشرح لى صدرى ويسر لى امرى واحلل عقدة من لسانى يفقهوا قولى..


امين


انا ححكيلكوا حكايه صحابى جليل من صحابه الرسول عليه الصلاة والسلام


احد الذين صدقوا الله وصدقهم..قصته أثرت فيا جدا واعتقد انها مش معروفه لكتير مننا


الصحابى هو عاصم بن ابى الاقلح


هو من المسلمين الاوائل حضر بدر مع رسول الله وحارب بشكل يرضى الله


تحت لواء الاسلام


وحضرأُحد وكان من الصحابه اللى ثبتوا مع رسول الله


بعد الفتنه بين الرماه وترك اماكنهم..


وقد كان خبيرا بأمور الحرب


فى ليلة بدر سأل الرسول الانصار


كيف تقاتلون؟؟


فقام عاصم وقال"اذا كان بيننا وبين القوم قريب المائتى ذراع كان الرمى(النبال والاقواس)


واذا دنوا حتى تنالهم الرماح فالمداعسه حتى تقصف الرماح فاذا تقصفت أخذنا السيوف وكانت المجالده


فقال الرسول صلى الله عليه وسلم هكذا نزلت الحرب


من قاتل فليقاتل مثل عاصم


---


وفى اُحد قاتل بضراوه وقتل الكثير من الكفارمنهم مسافح بن طلحه واخاه الجلاس بن طلحه


قذف بسهمه على كلاهما فيأتى امه "سلافه" فتسأله يا بنى من اصابك


فيقول سمعت رجل رمانى يقول خذها وانا ابن ابى الاقلح


فنذرت انها ان تمكنت من رأس عاصم ان تشرب فيها الخمر


-----


جاء الى الرسول صلى الله عليه وسلم رجال يعرضون نصرهم واسلامهم


وقالوا يا رسول الله ان فينا اسلام فابعث معنا نفراً من الصحابه يعلمونا القرآن وتعاليم ديننا


فأرسل الرسول سته من خيرة صحابته


وكان عاصم فيهم


فما ان وصلوا الى" ماء الرجيع"منطقه بين المدينه ومكه

ظهرت الخدعه
غدر القوم بصحابه رسول الله
واحاطوهم بالسيوف من كل جانب
فأخذ الصحابة الاطهار السيوف لقتالهم
فقال لهم المشركون
"انا والله لا نريد قتلكم ولكننا نريد ان نصيب بكم شيئامن اهل مكه
ولكم عهد الله وميثاقه ان لا نقتلكم"
استرجع الصحابى ما مر به ببدر واحد
وهو الذى عاهدالله ان لا يمسه مشرك او ان يمس مشركا نجساً
فكيف الان ينزل فى ذمه مشرك..دون الجلاد والطعان!!!
صاح وصحابيين"والله لا نقبل من مشرك عهدا"
واستلوا السيوف لقتال عنيف شديد
بين جم غفير من المشركين
وثلاثه من الصحابه
وقتل عاصم وهو يقول
"اللهم انى حميت دينك اول نهارى..فاحم لى لحمى اخر نهارى"
اقبل المشركون ليأخذوا رأسه ليبيعوها سلافه
ولكنهم لم يعلموا بأن الله منعهم جسده ..
لم يعلموا بأنه صدق الله فصدقه
فقد احاطت الدبر"الدبابير"بجسده فلم بكونوا ليقربوه
قالوا دعوه حتى يمسى فينصرف عنه
فنزل المطر بأمر الله وبعث الله الوادى
فاحتمل جسد عاصم!!!
ها قد اقبل رمضان
الا نصدق الله كما صدقه هؤلاء..فى ابام معدودات؟؟
ومن احق من الله لنصدقه؟؟
اللهم اهدنا لما تحب وترضى
اللهم خذ بأيدينا اليك اخذ الكرام عليك
اللهم اعنا على ذكرك وشكرك وحسن عبادتك
اللهم اجعل اعمالنا خالصه لوجهك الكريم
اللهم اكفنا شر الرياء
اسأل الله ان يتقبل صالح اعمالنا
امين
اوصيكم بقيام الليل
والالحاح فى سؤال الله
فانه هو القريب المجيب




2008/08/20

يعنى ايه؟؟؟



يظهر انى بقيت زى اهل الكهف!!!!



انا اتجننت والا اكتئبت والا ايه؟؟



طب كل ده كان امتى وليه؟؟



طب اعمل ايه واقول ايه؟؟


طب مين بيعمل ايه؟؟


منين يودى لفين واخرة المتمه ايه؟؟؟




سامحونى فى اللفظ ..


احيه..


كيلو اللبن بقى ب6 جنيه!!!!!


طب اخبار السيراميك ايه؟؟


طب نعمل حمله ونبطل النسكافيه؟؟


والعيال الصغيرين نشربهم ايه؟؟!!




بورررريه من دى بلد ومن ده شعب ومن ايه والا ايه...




2008/08/12


من قصص الحيوان فى القرآن
غراب ابنى آدم
قال تعالى: " فبعث الله غرابا يبحث فى الارض ليريه كيف يوارى سوأة أخيه ,
قال: يا ويلتا أعجزت أن أكون مثل هذا الغراب فأوارى سوأة أخى " ا
الحديث على لسان غراب ابنى آدم
كنت شاهد الاثبات الوحيد فى اول جريمة قتل ترتكب على الارض
شاهدت اول دم انسانى يسفك غدرا وكنت اعرف ان الله سبحانه وتعالى
يسمع ويرى ويشهد
اعرف ان الشيطان السبب
ما اغرب تصرفات الشيطان وما اسهل انقياد ابناء ادم له
يحب الله الناس ويعصونه ويكرهون الشيطان ويطيعونه
ما اغرب هذا النوع المسمى بالانسان وما افدح تناقضاته
وما اعظم حلم الله عليه ورحمته به
كانت الارض سلاما عظيما قبل هبوط الانسان فوقها
كان بكاء ادم وحواء على الارض مشهدا مؤثرا للغاية
عرفت من صوت الدموع قدر الذنب ومعنى العصيان وصدق التوبة
كانت دعوتهما معا لله " ربنا ظلمنا انفسنا وإن لم تغفر لنا وترحمنا لنكونن من الخاسرين " ا
وضعت حواء اول بطن لها وكانت تضع فى البطن الواحد ولدا وبنتا
وفى البطن الثانى ولدا وبنتا
وكان ولد البطن الاول يحل له بنت البطن الثانية
ولدت حواء قابيل واخته اقليما
وولدت هابيل واخته ليوثا
كبر الاخوة معا
كان احد الاخوين رقيقا كزنابق الحقل ويبدو الثانى قاسيا كشوك الجبال
كان قابيل لايشبه هابيل
وكانت اقليما شقيقة قابيل لاتشبه ليوثا شقيقة هابيل
كان قابيل اقسى من هابيل
وكانت ليوثا اقل جمالا من اقليما
وكان المفروض ان يتزوج هابيل من اقليما ويتزوج قابيل من ليوثا
صرخ قابيل (وقد كان الشيطان يقف وراء كلماته) انا خيرا من هابيل لن اتزوج ليوثا ساتزوج اقليما
كانت معى فى بطن واحدة وانا اولى بها
افهمه آدم ان اخته لا تحل له ورفض قابيل ان يتزحزح عن موقفه
قال آدم لابنيه : ليقرب كل منكما قربانا الى الله ومن يتقبل الله منه قربانه
كان على الحق وتنحى آدم عن الفصل بينهما وترك ذلك للسماء
جاء هابيل يحمل اسمن كباشه ووضعه على الجبل وصلى لله تعالى ان يتقبل
وجاء قابيل بقمح لم يزل اخضر فى سنابله لم ينضج بعد وقدم قربانه ومضى
لم اكن اعرف كيف يتقبل اللع تعالى القربان
وقف الشقيقان بعيدا
هبطت من السماء نار اكلت قربان هابيل اشارة الى القبول وصرخ هابيل وحمد الله وصرخ قابيل وفكر فى القتل
ويصرخ قابيل لاقتلنك
قال هابيل لقابيل ان الله يتقبل من المتقين
عاد قابيل يتمتم ساقتلك
رد هابيل "لئن بسطت الى يدك لتقتلنى ما انا بباسط يدى اليك لاقتلك ....انى اخاف الله رب العالمين ... انى اريد ان تبوء بإثمى وإثمك فتكون من اصحاب النار وذلك جزاء الظالمين " ا
انصرف هابيل مع زوجته اقليما .. تزوجا وعاشا اياما وقد ظهرت عليها اعراض الحمل فى نفس الوقت كانت نفس قابيل طوعت له قتل اخيه
استلقى هابيل على الارض بعد عمل يوم شاق واستغرق فى النعاس
انحدرت الشمس نحو الغرب
وكان قد مات حمار فى الغابة فاكلت السباع لحمه واكلت النسور ماتبقى منه وشربت الارض دمه وبقى فكه العظمى ملقى على الارض
حمل قابيل اول سلاح فى الارض وراح يمضى باحثا عن شقيقه ووجده نائما
استيقظ هابيل من نومه وفتح عينيه
ارتفعت يد قابيل بالفك العظمى وهوت بسرعة
انبثق الدم من وجه هابيل وملأ صدر قابيل
عادت اليد الاثمة تهوى على الوجه الطيب وفى الضربة الخامسة
ارتطمت يد قابيل بطين الحقل
سكنت حركة هابيل وايقن قابيل ان اخاه قد مات
جلس واجما امام ضحيته لا يعرف ماذا يفعل به ولا يعرف كيف يتصرف
وكان لنا معشر الغربان قوانيننا الخاصة بنا حين يغتصب احد الغربان عش الاخر او يتعدى على طعامه او يحاول اغتصاب انثى غراب آخر فيتم الاقتصاص منه وقد كان بيننا غراب ادناه وحكم عليه بالقتل ونفذ فيه الحكم
وقد وكلت بان احمله لدفنه فى مكان بعيد
لم اكن انوى وانا احمل الغراب القتيل بمنقارى ان اتجه نحو قابيل
لكن امر جليل يعلو على ادراكى ويوجه اجنحتى امرنى به احد الملائكة الكرام
ايها الغراب .. ان الله تبارك وتعالى يبعثك لترى ابن ادم كيف يوارى سوأة اخيه
هبطت على الفور بحملى امام قابيل
ووضعت الغراب الميت امامى ورحت احفر الارض
حفرت الارض بمخالبى ومنقارى
ساويت اجنحة الغراب الميت الى جواره
رفعته بمنقارى فى لحده
صرخت صرختين قصيرتين ثم هلت التراب عليه
بعدها نظرت لابن ادم
وبعدها طرت فى الهواء
سمعت وانا اطير مبتعدا فى السماء
قول قابيل :" يا ويلتا اعجزت ان اكون مثل الغراب فأوارى سوأة اخى" وكانت صرخة تحترق بالندم
اكانت صرخى ندم لانه جهل كيف يدفن اخيه؟
اكان نادما لانه قتله بغير حق؟
لا اعرف
كل ما اردت ان اعرفه هو حال زوجة هابيل
ملانى السلام حين عرفت انها تنتظر الوضع
اردت ان اطمئن على الجنس البشرى واتاكد انه ينحدر من صلب رجل كريم يخاف الله
اعرف ان ابناء قابيل القاتل سيملأون الارض
واعرف ان الصراع لن يتوقف بينهم وبين ابناء الشهيد الطيب
وربما تكررت مأساة الاب مع الابناء
اعرف هذا كله واجهل الحكمة من وراء هذا كله
ليست وظيفتى المعرفة
شاهدا كنت على ابن ادم
واستاذا له لحظة من الزمن
لكن مهمتى ليست هى المعرفة
غراب ابنى ادم
من كتاب قصص الحيوان فى القرآن
أحمد بهجت

ناقة صالح..


من قصص الحيوان فى القرآن


ناقة صالح.....
هذا اسمى فى التاريخ البشرى

قال تعالى: " هذه ناقة الله لكم آية فذروها تأكل فى أرض الله ولا تمسوها بسوء فيأخذكم عذاب أليم " سورة الاعراف -آية 73


الحديث على لسان ناقة صالح

لست غير خير محض لا يعرف الشرور
براءة البراءة.....هذه انا
لم اؤذ احدا قبل ان اولد...ولم اؤذ احدا بعد ان ولدت....ورغم ذلك ادركنى الذبح دون اى ذنب جنيت ...رغم تحذير الله لمن يفعل ذلك
رغم هذا ذبحت

كان معنى ذبحى يشبه معنى ذبح البراءة على الارض
او ربما كان ذبحى هو بداية القانون الذى يجبر الخير ان يقدم دمه على مذبح الحياة

ولدت من احضان جبل شاهق بكلمة من الله .... كنت جزءا من الصخور وتحولت من طيات الصخر الجامد الى لحم لين
وتدفقت الدماء فى العروق وراح الدم يصنع اللبن... امتلأت اثدائى باللبن... كنت احمل وليدى فى بطنى فلما ولدته دررت اللبن الذى باركه الله وسقيت الاف الجوعى والظائمين من اللبن كنت اسقيهم يوما واسقى وليدى الصغير يوما

ناقة صالح.....هذا اسمى فى التاريخ البشرى
ناقة الله.....هذا اسمى فى كتاب الله

"ويا قوم هذه ناقة الله لكم آية"

نسبنى الله عز وجل الى اسمه تشريفا لى واعلاء لشأنى حيث اننى اية من ايات الله

كنت حبا محضا يواجه الكراهية البحتة


ولدت فى قوم ثمود ...... هؤلاء قوم اقوياء الشهوات ضعاف العقول
وقد زادت مأساتهم بثرائهم فأضيف لقوة الشهوات قدرة عليها

كان هؤلاء القوم يعبدون الاصنام
الاغلبية كانت انجرفت الى عبادة المصالح الخاصة والذهب وكل اوثان النفس ورغابتها التى لا تحد
كان لهؤلاء القوم واغنيائهم قصور فى سهول المدينة وكانت بيوتهم منحوتة فى الجبال

ثم شاء الله تعالى ان يبعث نبيا الى ثمود
اصطفى منهم اكثرهم توحيدا ونقاء وصلاحا وبعثه الى قومه
كان اسمه يحمل حقيقة جوهره

صالح ..... كان هذا اسمه

قال صالح عليه السلام لقومه "ياقوم إعبدوا الله ما لكم من اله غيره" نفس الكلمة التى قالها قبله هود ونوح وكل انبياء الله ورسله
قبله وبعده لاتتغير الكلمة من نبى الى نبى
امانة النبى فى جوهرها تكمن فى تسع كلمات
يا قوم اعبدوا الله ما لكم من اله غيره

كان اول سلاح وجهه القوم الى صالح قولهم : اثبت انك نبى

وقالوا: " يا صالح ..قد كنت فينا مرجوا قبل هذا.. اتنهانا ان نعبد ما يعبد اباؤنا... واننا لفى شك مما تدعونا اليه مريب"

سأل صالح وصدره مازال على اتساعه لقومه
ماذا تريدون ان اقدم؟
قالوا: قدم بينة على نبوتك
سألهم : ماذا تريدون؟
قالوا نحن لا نريد ان نعجزك ولكن نريد امرا خارقا لم يحدث من قبل نريد اية من الله على نبوتك

سالهم: ماذا تريدون؟
قالوا هذا الجبل القريب لماذا لا يلد ناقة لماذا لا تدعو الله ان ينشق الجبل عن ناقة تخرج منه؟

سالهم : وتصدقون اننى مرسل من الله لو فعلت؟
قالوا: نعم
قال لهم صالح : انتم تطلبون اية مادية خارقة للناموس وليس من ادب العباد ان يطلبوا من ربهم خرق الناموس ليؤمنوا به

قالوا: من حقنا ان تقدم الينا الدليل على دعواك
قال صالح : اخشى لو اجبتكم ان تكفروا بهذه الاية واخاف عليكم من عذاب الله لو فعلتم
حين ادرك صالح انهم مصرون دعا ربه ان يجيب القوم طلبهم

وخرجت من الصخور وولدت سطعت الخارقة امام اعينهم فبهرتهم
قال صالح لقومه : ان الله يعدكم بعذاب قريب اذا مس احدكم الناقة يسوء واعترفوا له انهم لن يمسوها بسوء

مكثت فيهم وبعد مرور يوم من المعجزة كانوا يتأملونى بدهشة بالغة وابهار مطلق
ثم ولدت صغيرى فى اليوم الثالث من ظهورى فى ارض ثمود
وبدأت ارضع وليدى وتأمل قوم ثمود اللبن وجرى ريقهم اليه واسرعوا الى نبيهم صالح
وحدثوه من اخبار البعير الذى ولد واللبن الذى يتدفق من اثدائه
قالوا نريد ان نستفيد من ناقة الله ان ابنها لن يشرب كل لبنها ولعل لبنها مبارك
حدثهم صالح ان لبنى مباح لهم برحمة من الله لكنه قسمه بينى وبينهم
قال: تتركون الماء للناقة يوم تشربه وتشربون انتم من لبنها
وفى اليوم الثانى تشربون الماء وتتركون اللبن لوليدها
ووافق القوم على اقتراح نبيهم واقروه

كان لبنى ثرى المذاق وكان من يشربه لا يظمأ ولا يجوع

وكنت كريمة معهم

ومرت الايام واحبنى القوم
احبنى الفقراء المؤمنون الذين اتبعوا صالحا وكانوا يسموننى ناقة الله

بينما كان رؤساء المجتمع وحكامه واثرياؤه يسموننى ناقة صالح
ومع الوقت احسست بشىء من الكراهية يحيط بى و يحاصرنى

ثم وقع حوار بين المؤمنين بصالح وآيته والكافرين بالله

"قال الملأ الذين استكبروا من قومه للذين استضعفوا لمن آمن منهم : اتعلمون ان صالحا مرسل من ربه , قالوا إنا بما ارسل به مؤمنون قال الذين استكبروا : إنا بالذى آمنتم به كافرون"

وبدأ اجتماع تاريخى من سادة ثمود ورؤسائهم وكانوا جميعا لا يؤمنون بدعوة صالح
قال رئيس القوم : ان وجود ناقة ترعى بحريتها قد نزع كل سلطان لنا
وان وجود الناقة تذكير مستمر للناس بآية الله وتصديق دائم بنبوة صالح
قال اشدهم قسوة: يجب التخلص منها
وتم الوصول الى قرار بشأنى فى الاجتماع التاريخى الشهير الذى عقده قوم ثمود

كان القرار هو الذبح
فى البداية فزع الحاضرون من فكرة الذبح وقالوا ان صالح حذر من لمس الناقة وتوعدنا بعذاب
رهيب يحل بعد ثلاثة ايام
وراحوا يفكرون فى محاولة للتخلص منى

ولعبت الخمر برؤسهم وقال قائدهم: ليس هناك غير ذبح الناقة ان وجودها يهدد النظام الحاكم كله بما فيه من شيوخ ورؤساء واغنياء لهم مصالح

ان المجتمع كله مهدد بسبب هذه الناقة

كان السؤال كيف نقتل الناقة ومن الذى سنكلفه بقتل الناقة؟

بوصفى رمزا للبراءة لم اكن اعلم السبب فى ارادتهم ذبحى وماذا فعلت لهم من شر ليبرر ذبحى؟

لم يكن هناك جواب لسؤالى

واحنيت رأسى ومضيت اقدم اللبن والحنان
احسست ان قرار ذبحى قد صدر ولم يعد الا تنفيذه

واحسست بالحزن
وذات ليلة وابنى الصغير يستدفىء فى صدرى احسست بالحزن على مصير البراءة

لماذا يذبح الناس البراءة فى هذا العالم؟

ومرت ليلتان وجاءت الثالثة واحسست انها ليلتى الاخيرة وسط قوم ثمود

انتهى الامر وتم اتفاق الملأ مع تسعة من كبار المجرمين فى المدينة
وانتخب التسعة من بينهم اشدهم شراسة وقوة وعهدوا اليه بمهمة قتلى

سيذكرهم الله تعالى فى السياق ويغفل اسماءهم

"وكان فى المدينة تسعة رهط يفسدون فى الارض ولا يصلحون"


كان هؤلاء هم اداة الجريمة اما المنفذ فكان رجلا اشير اليه بوصفه صاحبهم

"انا مرسلوا الناقة فتنة لهم, فارتقبهم واصطبر ونبئهم ان الماء قسمه بينهم كل شرب محتضر, فنادوا صاحبهم فتعاطى فعقر , فكيف كان عذابى ونذر"

وقفت حين دخل القاتل رفع يده بالسف فأسرعت احمى صغيرى امتد سيفه الى قدمى ففصلها عن جسدى
ووقعت على الارض ساجدة

تجمع عذاب رهيب يفصله عنا ثلاثة ايام
رأيت قسوة العذاب فأشفقت على من يصيبه مثل هذا العذاب

اهاج مرأى الدم النافذ من قدمى عقل القاتل
فرفع سيفه وهبط به على عنقى

بماذا احسست؟

احسست بالراحة والعذوبة والرضا

كان الشعور رائعا


لحظات الاستشهاد دائما رائعة

تحولت مع وليدى الى جزء من صخور الجبل

وبقى معنى البراءة مذبوحا على الارض
اما قوم صالح فقد تحولوا الى خبر يرد فى كتاب الله باختصار


"إنا أرسلنا عليهم صيحة واحدة فكانوا كهشيم المحتظر"

من كتاب قصص الحيوان فى القرآن
أحمد بهجت
---------
بعد حيره شديده بين الكتابه عن اكثر من موضوع
تعرضت له فى الفتره الاخيره
وجدت هذه القصه تقفز الى عقلى لتفرض نفسها
آية من آيات الله
لعلها تكون عبره لمن يتفكرون بالآيات
ويعتدون بالعبر

2008/08/04

لبيك اللهم لبيك



لبيك اللهم لبيك ..لبيك لاشريك لك لبيك
ان الحمد والنعمةَ لك والملك
لاشريك لك
لا اله الا الله وحده
انجز وعده ونصر عبده واعز جنده وهزم الاحزاب وحده
لا اله الا الله
---------------
اللهم لك الحمد طيبا كثيييرا مباركا فيه
ملؤه السماوات والارض وما بينهما
وملء ما شئت بعد
اللهم لك الحمد كماترضى وحتى ترضى
ولك الحمد ابدا ابدا
---------
استحيت من ربى
كلما سألت اُعطيت
وانا اذا عبدت ما كفيت
واذا حمدت وحمدت ما وفيت
رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ (19) النمل
اللهم اكتب زيارة بيتك لكل من طلبها باخلاص
امين

2008/07/16

salty coffee





salty coffee



He met her on a party. She was so outstanding, many guys chasing after her,while he so normal, nobody paid attention to him



At the end of the party, he invited her to have coffee with him, she was surprised, but due to being polite, she promised



They sat in a nice coffee shop, he was too nervous to say anything, she felt uncomfortable, she thought, please, let me go home


suddenly he asked the waiter. "would you please give me some salt? I'd like to put it in my coffee


Everybody stared at him, so strange!


His face turned red, but still, he put the salt in his coffee and drank it


She asked him curiously; why you have this hobby? He replied: "when I was a little boy, I was living near the sea, I like playing in the sea, I could feel the taste of the sea, just like the taste of the salty coffee. Now every time I have the salty coffee, I always think of my childhood, think of my hometown, I miss my hometown so much, I miss my parents who are still living there". While saying that tears filled his eyes


She was deeply touched.That's his true feeling, from the bottom of his heart


A man who can tell out his homesickness, he must be a man who loves home, cares about home, has responsibility of home. Then she also started to speak, spoke about her faraway hometown, her childhood, her family. That was a really nice talk, also a beautiful beginning of their story


They continued to date. She found that actually he was a man who meets all her demands; he had tolerance, was kind hearted, warm, careful. He was such a good person but she almost missed him


Thanks to his salty coffee!


Then the story was just like every beautiful love story , the princess married to the prince, then they were living the happy life... And, every time she made coffee for him, she put some salt in the coffee e, as she knew that's the way he liked it


After fourty years.... he passed away


left her a letter which said: "My dearest, please forgive me, forgive my whole life lie. This was the only lie I said to you...


the salty coffee


Remember the first time we dated? I was so nervous at that time, actually I wanted some sugar, but I said salt It was hard for me to change so I just went ahead.I never thought that could be the start of our communication! I tried to tell you the truth many times in my life, but I was too afraid to do that, as I have promised not to lie to you for anything..Now I'm dying, I afraid of nothing so I tell you the truth: I don't like the salty coffee, what a strange bad taste... But I have had the salty coffee for my whole life! Since I knew you, I never feel sorry for anything I do for you. Having you with me is my biggest happiness for my whole life. If I can live for the second time, still want to know you and have you for my whole life,even though I have to drink the salty coffee again".Her tears made the letter totally wet


Someday, someone asked her: what's the taste of salty coffee?It's sweet. She replied






Love is not 2 forget but 2 forgive



not 2 see but 2 understand



not 2 hear but 2 listen



not 2 let go but 2 HOLD ON

2008/07/12

ازواج....وزوجات





زوجك ..


اذا رأيتيه الافضل على الاطلاق...لن يرى غيرك من النساء على الاطلاق


واذا ما قارنتيه بأياً من يكن... لن تكون المقارنه لصالحك على الاطلاق!!!


-----------


هو تجاوز السبعين من عمره...هى تصغره بعدة سنوات
خرجت الى الشرفه لتنشر الغسيل..تبعها جلس على الكرسى بجوارها دون ان يتكلم حتى انهت ما تفعله اخذها الى الداخل واغلق الشرفه
بعد مده وقد بدأ الصيف يفتح الشيش بحذر لاتريد ان يراها احد بقمص نوم منتهى الرقه بدون اكمام ..اطمئنت على غسيل قد نشرته وتسللت الى الداخل.


--------------



هو ابن ناس يريد الزواج..هى بنت ناس انبهرت بعائلته وغناه
تزوجته مرت الحياه وهى غارقه فى عملها ..قارئه جيده للصحف ومحلله سياسيه ..

ام لبنتين اخذاتاها من كل شىء حتى نفسها
لامتاها على صمته ودوره اللا موجود فى حياتهما...


قالت سبقته ولم انتظر لنقوم بكل شىء معا لكن حيث لا ينفع الندم
تزوجت البنات وبقى هو معها !!!


صامتا كالمعتاد...


--------------



هو عرفها وجد فيها ما يتمناه وأكثر...هى تزوجته وفرحت كثيرا به فهو من كانت تنتظره منذ زمن
تقاربا تحابا اتفقا الى ابعد الحدود ...


بعد شهر كانا كالمتزوجين منذ سنوات...


شهور قليله وتزوجا
حريصين على صلاه الجماعه طالما تواجدا معا فى وقت الصلاه
بعد شهور من الزواج


لا يمر يوم الا وهو يربت خديها قائلا
بحب شكلك اوى بطرحة الصلاه البيضا ...عاوزين نحج بقى.


--------------



هى طبيبه ناجحه..هو مجرد مهندس
زواج دام 20 عاماهى تعمل وكل ما تكسبه للبيت والاولاد لم تلتفت ابدا الى ما يجلبه هو من عمله
اقل القليل كانت تظهره وتكثره امام ابنائها..هى جميله من الداخل والخارج
هو حلو العشره لا يؤخر لها طلبا...يساعدها حتى فى الاعمال المنزليه
تحبه!!


يعشقها...ويكفيها كل الكفايه انه اب ناجح جدا
بعد 20 سنه جواز...تدخل لتوقظه من نوم الظهيره..


ياللا يا حبيبى قبل القهوه ما تبرد


------------
الى الصديقه الجميله
اعتقادى الشخصى


ان كل منا يختارما تتصف به عشرته
اما ان تكون حلوه او صامته




*ملحوظه: مازال كل ما يكتب فى المدونه جواباتى لصديقتى العزيزه ...


واللى ميعرفش يرجع لبوست جوابات

2008/07/05

طب يرضى مين انى اروح النار؟؟؟؟؟




لما تكون ماشى فى الشارع فى امان الله...


ويجيلك ذنب يروح راكب فوق نفسك مفطسك ..ده يرضى مين؟؟؟




لما تبقى لسه بتقول يا فتاح يا عليم وتلا قيك فى النار رغم انفك وانف اللى يتشددلك!!!


طب ده يرضى مين؟؟؟؟




صباح يوم ما فى الاسبوع اللى فات


نزلت انا وجوزى العزيز مسافرين لمامتى..


واحنا خارجين م المعادى بمنتهى السعاده صاحيين بدرى ومدينها نسكافيه وكله تمام


نلاقى الكورنيش زحمه شويه...


وال ايه فى لجنه..


الباشا سيادة الامين..بيصطاد مش سمك ولا بط


لا بيصطاد فى ميه عكره


يعنى بيقلب الناس اللى رايحه واللى جايه ببساطه..


الباشا بيعمل سبوبه عالصبح!!!!


عدى ناس كده وجه علينا وقال لجوزى الرخص!!!


قاله خير فى حاجه ؟؟


قاله "الفيميه "اللى ورا ممنوع..الازاز الاسود ومنيل اللى ورا


جوزى طيب جدا اداله الرخص وبيتكلم معاه ..ولان جوزى العزيز عقليه المانيه على ارض مصريه


كان بيتكلم بالمنطق..


قاله انا سألت وقالولى ما دام العربيه كلها مكشوفه مش مشكله


رد الباشا وقاله لا غلط وحسحب الرخص...


قاله انا مسافر ومش حينفع اسيبلك الرخص


قاله يبقى فى غرامه فوريه 100 جنيه...


قاله طيب ادفع... مش بقولكوا طيب


قاله طب حضرتك تدفع 50 جنيه وتتفضل!!!!!!!!!


وجوزى بمنتهى الطيبه راح جاى واخد 50 جنيه م المحفظه واداهم للباشاوخدنا الرخص ومشينا.....


انا طبعا قعدت افرك ومبقتش على بعضى ...


قلتله يعنى رشوه؟؟؟


بدأنا نضرب اخماس ف اسداس وهو يقولى دى اتاوه ..فِرده.. جبايه ...ومسميات متعدششششش


قبل ما نوصل اى حته ..كلم واحد صاحبه وحكا له


صاحبه قاله كان لازم تفاصل معاه...يعنى كفايه 20 والا30 جنيه!!!!


وقبل ما نوصل اى حته هو قالى طالما مش قانونى نشيله...قصده الازاز الاسود ومنيل اللى ورا


ووصلت عند مامتى وحكينا الست بقت تضرب كف على كف


وبعد ما قررنا نا وجوزى ان ده مش حيتكرر تانىواناا حندفع الغرامه الرسميه وناخد وصل
بحكى لخالتى قالتلى...


حتدفعى ال100 جنيه وتاخدى وصل
واول ما تمشى يعملك مخالفه ب500 جنيه ومش هو اللى حيكتبها اى واحد زميله فى اى حته تانيه..


مانتى نفعتى الحكومه وهو لا!!!!!!


طب انا اتعكننت ودفعت 50 جنيه


واتعكننت وانا بقول انهم رشوه


واتعكننت انى لو دفعت الغرامه او مدفعتهاش حتأذى وحيكتبلى مخالفه انتقاميه....


طب يرضى مين اتعكنن كل ده؟؟؟


ويرضى مين ان الرشوه الاجباريه اسمها برضه رشوه


والراشى والمرتشى فى النار




طب يرضى مين ان انا اروح النار؟؟؟؟


حسبى الله ونعم الوكيل


2008/06/28

قل ولا تقل


تحديث...
قرأت موضوع جميل ارجو ان يطلع عليه الجميع
فى مدونة يحي..

خرجت مع امرأه غير زوجتى



















2008/06/26


اللهم أحينى
مسكينا

وأمتنى
مسكينا

وأحشرنى
فى زمرة المساكين

امين

2008/06/18

devoir>>homework >>>>واااجب


لما كوين فاتيما تقرر تلبس برنسيس دوددا تاج
يبقى لا مفررر
برنسيس دوودا لازم اسمع الكلام او تبقى ادب يوك اخلاق يوك!!!!
تااااج الاحلام.....
أذكر 5أحلام تخص ماضيك
كنت هتتخلى عن إيه فيها و هتتمسك بإيه لحد دلوقتى
اول حلم ان يكون عندى اخت بنت...
وده فشلت فيه تماما لان مامتى كانت اصلا مش عابزه بيبيهات بعد اخواتى الاتنين لدرجة ان ربنا يسامحها بقى كانت بتحاول تتخلص من الحمل...
فطبعا الحلم ده كان مرفوض مرفوض مرفوووووض
كنت بحلم اتجوز واحد كريم الخلق انسان متحضر ومتوافق معايا ومكنتش مستعجله على الجواز خالص
كنت دايما بدعى فى صلاة القيام يا رب لو مكتوبلى اتجوز يبقى زوج يرضيك عنى....
ولله الحمد ربنا اكرمنى ولم يخذلنى ابدا..فزوجى ولو ان شهادتى فيه مجروحه فاق كل احلامى ولا يكفى ابدا ان احمد الله كل لحظه كرمه معى فى اختيار الزوج
كان ليه امنيه غريبه جدا ..كنت دايما افكر فى انى افقد النطق وكذا مره عملت مقلب فى ناس ميعرفونيش انى بكماء
والمشكله ان الناس كانت بتتعلق بيا جدا وتحاول تتواصل معايا اوى ويتصدموا جدا لما يعرفوا انى طبيعيه وبتكلم وارغى
يقولولى حرام عليكى ..بس انا كنت صغيره
والحمد لله دلوقتى بقيت بتواصل مع كل ذوى لاحتياجات الخاصه
بطبيعة دراستى..وبتكلم شويه بلغة الاشاره
كنت بحلم ان يبقى ليا اصحاب كتير.. يحبونى واحبهم تعويضا عن الاخت بس للاسف مع نظام بيتنا منفعش لان ماما كانت مقفلاها عليه اوى..
ربنا اكرمنى بصحبات قليلين جدا بس مش صحوبيه والسلام
الحمد لله
كنت بحلم ان بابا الله يرحمه يفضل موجود معايا..كان نفسى اتعلم منه حاجات كتير اوى
بفرح اوى لما اتصرف بطريقه واكتشف ان ليه اثر فى تصرفى ده
بس لكل اجلِ كتاب .. ربنا كتب عمره كده وانا الحمد لله دايما راضيه بقضاء الله
------------------------------------------------
أذكر خمس أحلام تخص مستقبلك و ما تتمناه منه
اول حاجه بتمناها..ان ربنا كتبلى اعمل عمره الشهر الجاى ده
ربنا ييسرها من عنده..واللى عنده اى معلومه تفيدنى ازاى اطلع عمره بسرعه ومع شركه كويسه يقول وله الثواب
حلم حياتى اللى عندى يقين ان ربنا مش حيخيب املى فيه انى اجيب ولد اسميه يحي لانى بحب سورة مريم ودايما بتأثر بقول الله تعالى
"يا يَحْيَى خُذِ الْكِتَابَ بِقُوَّةٍ وَآتَيْنَاهُ الْحُكْمَ صَبِيًّا (12)
وَحَنَانًا مِّن لَّدُنَّا وَزَكَاةً وَكَانَ تَقِيًّا (13)
وَبَرًّا بِوَالِدَيْهِ وَلَمْ يَكُن جَبَّارًا عَصِيًّا (14)
وَسَلَامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا "صدق الله العظيم
يا رب ترزقنى بيه وتلهمنى فى تربيته باللى يرضيك عنى وتجعله تذكرة دخولى انا وباباه الجنه امين
بحلم ان حال بلدى ينصلح ويرجع الخير والزراعه والناس تشبع وتعيش مستوره وسعيده
وكل الناس نبقى راضيه ومبسوطه...الابتسامه الحلوه.. الرضا بالحال وشكر النعمه يبقى فى كل القلوب
بتمنى ان ربنا يستخدمنى ..واكون نافعه للاسلام والمسلمين
وبرضاه على يرزقنى حسن الخاتمه مرافقة الرسول فى الجنه وينعم على برؤيه وجهه الكريم سبحانه وتعالى
اللهم امين
وحلم دنيوى شويه بي من زمان بيراودنى..انى اكون حازمه شويه واخس عشره كيلو!!!
ده بقى حلم عارفه ان اخرته هأأأوووو :O(
----------------------------
أذكر شخصين - على الأقل - متواجدين فى حياتك كنت تتمنى وجودهم من قبل
اول شخص بجد كان نفسى تكون صحبتى من زماااان اوى "مى"
بحس ان تأثيرنا على بعض حلو ولوكان من بدرى شويتين كان حيفرق كتير اوى معانا احنا الاتنين
بس ملحوقه والحمد لله ان ربنا وفقنا لبعض
هو مش واحد دول اتنين..
الدكتور عمر عبد الكافى..والشيخ حازم ابو اسماعيل
ربنا يكرمهم ويبارك فى عمرهم ويديهم الصحه...
حسيت منهم" قلب الدين" ومسمعتش منهم ابدا كلام غير مقنع
ربنا يجعله فى ميزان حسناتهم...
خصوصا الدكتور عمر عبد الكافى.. اللى عايز يوصل للايمان مش بس يبقى مسلم يسمع دروسه
وفيه واحده بقى مش حتكلم عنها كتير عشان لازم اعملها بوست لوحدها"حماتى"
--------------------
أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك
طبعا بابا الله يرحمه كان نفسى يشوفنى وانا عروسه ويشوف ولادى ان شاء الله موعدنا الجنه
وجدتى نفس الكلام ..
الشخص اللى نفسى اشوفه بقى ويشوف ولادى لما يجوا ان شاء الله..عمر اخويا ربنا يهديه ويديله الصحه
هو فى امريكا من كذا سنه وحشنى اوى
ولو مجاش انا حاضطر اخد العيال بقى واروحله!!!
اومال مين يعلمهم اللماضه والشقاوه؟؟؟
اخيرا لمن تهدى التاج
-----------
انا عملت الواجب يا فاتيما حتدينى ستار واكسلنت؟؟؟

2008/06/15

حصن حصين

وما الذى قد يضير
اذا ما حصنت احبابك بالرُقيه
من قلبك
فى اى وقت
ضعى اليد اليمنى على رأس طفلك
اقرئى
الفاتحه
المعوذتين
آية الكرسى
قولى حصنتك بالحى القيوم
"الله خيرٌحافظا وهو ارحم الراحمين"
ابنك زوجك اخوك انت نفسك
كل من تحبين
احتمى بحصن الله الحصين

--------------------------------------
اللهم أنت ربى لا اله الا أنت



خلقتنى وأنا عبدك



وأنا على عهدك ووعدك ما استطعت



اعوذ بك من شر ما صنعت



أبوء لك بنعمتك على وأبوء بذنبى



فاغفر لى



فانه لا يغفر الذنوب الا انت
يا أرحم الراحمين





__________________

ربى انى ظلمت نفسى ظلماً كثيراَ

ولا يغفر الذنوب الا أنت

فاغفر لى مغفرةً من عندك
وارحمنى

انك أنت الغفور الرحيم
------------------------


2008/06/04

عَمره..


عَمره


طبعا كلنا سمعنا كلمة العَمره ...

العربيه لما تقعدك كل يومين تلاته عند الميكانيكى والا الكهربائى والا غيرهم من المتخصصين

(فى تطليع العين والفلوس)...

تبقى فتحت بقها..ورقعت بالصوت الحيانى

"يا عم انت ملكش اخوات عربيات"

محتاجه عَمره لله

ومن قدم شىء بيداه التقاه(قلبت شحاتين) هى فعلا ممكن تكون مكلفه..

بس بعدها ترجع العربيه مشدوده ولا الزيرو..وعلى رأى الميكانيكى

"عروسه"


لما دماغى تقولى ان كل حاجه ليها عمر افتراضى..

وكل حاجه بعد وقت من استعمالها

"وخصوصا مع المصريين"


يلزمها عَمره

بصدق دماغى جداً


العَمره اللى انا بتكلم عنها بقى..

مش عَمره للعربيه..لاااااا دى عَمره للنفس


ماهى كمان النفس البشريه ليها طاقه يعنى احتمال ..يعنى عمر افتراضى


يعنى بتحتاج عَمره ونص كمان


بتتحمل النفس كتير معانا !!


معاناه نفسيه ومشاكل ضغوط ومتطلبات حياتيه لا تنتهى


خلافتنا مع الناس اللى حوالينا والاكتر خلافتنا مع نفسنا


الحاله الاقتصاديه العجيبه اللى كلنا بقينا فيها!!


والله بتشيل كتير النفس دى معانا!!!


تستاهل انك كل ما تقدر.. تديها

" واحد عَمره وصلحه "

مش كده؟؟؟


مش عند الميكانييييييييكى


العَمره النفسيه ليها مميزات جاااامده جدااااً


اولها:انت اللى تعملها بنفسك....


تانى حاجه :منغير فلوووووس خاااالص


وثالثا :ترجع النفس بعدها"عروسه"او عريس :O)

كل المطلوب تركيز وصفو النيه..واختيار الوقت المناسب

("بالليل الساعه2:30انسب ميعاد عن تجربه")وياريت يوم خميس

تبدأ المرحله الاولى للعَمره فى الحمام..

تاخد دش دافى وحاول تطول شويه تحت الميه وتسترخى ...

ممنوع التفكير..لازم تفصل المخ عشان السلوك الملمسه ترتاح

تخيل ان كل متاعبك تراب وبينزل مع الميه..

فى اخر الدش تتوضى وتستحضر نية التوبه

تطلع من الدش ملكش دعوه بحد...تدخل مكان لوحدك

صلى ركعتين لله بنية التوبه برضه..

الذنوب لما تتوب عنهاوتستغفر.. الحمل حيخف من على كتافك

ارمى حمولك على الله

سمى بالله كده وامسك المصحف..اقرأ من الاول خاااالص "الفاتحه"

ونيتك انك تبدأ خاتمه جديده....اقرأ بتأنى وتدبر ماتيسر

خلصت قرأه...ندخل على الذكر بقى...سبحتك معاك

سبَح استغفر..وحِد الله وصلى على الرسول..احمد ربنا على النعمه قد ماااا تقدر

اهم جزء بقى...الدعااااااء

اللى ربنا يفتح عليك بيه من الادعيه المأثوره والادعيه اللى من القرآن

ودعائك انت لنفسك ولاهل بيتك وكل اللى تفتكرهم من اصحابك وقرايبك

حتى اللى بينك وبينهم مشاكل ادعيلهم"ومتنسانيش"

اطلب اللى نفسك فيه.. دى الحاجه الوحيده اللى مطلوب منك تلح فيها..

من قلبك

اختم الدعاء بحمد الله والصلاة على الرسول..

خلصت العَمره

(لو بدأت فى الميعاد المتفق عليه ...حتخلص مع صلاة الفجر)

صلى الفجر وناااام

************

*ملحوظه:بعد العَمره بتاعت العربيه بيكتبوا "عفواًالسياره فى التليين"....

بعد العَمره النفسيه

" التليين "

انك تداوم على قرأة القرأن

مش لسه مبتدى فى خاتمه فوق اهه؟؟

كل عَمره وانت طيب

اللهم تقبل صالح اعمالنا

"ربنا لا تزغ قلوبنا بعد اذ هديتنا وهب لنا من لدنك رحمةًانك انت الوهاب"

امين








2008/05/27

عم عدس

عم عدس

مش عارفه ايه الحكايه
انا قولتله انى حكتب عن حد ..انت فكرتنى بيه
وسافرت يومين ..طول اليومين جالى مليون فكرة بوست
على شوية ابيات احساسهم جوايا بس الكلمات اتبخرت ..كنت بطبخ والشفاط شغال :o)
الغريبه ان من ساعة ما قلتله ..لعنة هذا البوست اصابت الافكار والكلمات
يبقى الحل ..احرر بوست حتى تعيش افكارى وكلمتى واشعارى بسلام...


انا مش بنت ماما ..انا بنت نانا

جدتى هى احلى حاجه فى الدنيا..وانا طول حياتى كنت معاها

بيت بابا وماما كان فى نفس الشارع..وانا جدو ونانا استولوا عليا لان بابا وماما كانوا مشغوووولييين اوى

دكاتره بقى حنعمل ايه؟؟؟

فى البيت الكبير..

اللى فعلا كبير

7 اوض!!!

كنت بلاقى مليون حاجه اعملها والعب واتشاقى وادعبسسس

وانا صغيره اتعودت اسمع الباعه الجائلين من جوه البيت لانه دور اول

ودايما كانوا يطلعوا يخبطوا يمكن الست "نانا"ترضى تشترى منهم
طول النهار..

بعد المغرب ..كنت بسمع صوت..متقدرش تميز اذا كان ست والا راجل والا طفل!!

انا كنت بترعب اول ما اسمعه و يا فكيييك
تلاقينى تحت السرير...

سنين طويله والصوت لا يعنى لى الا الرعب..خصوصا انه بيبقى فى وقت متأخر ومش فاهمه بيقول ايه؟؟؟
بدأت بعد كده بدل تحت السرير مبقاش مريح زى زمان (الحجم له احكام)

اطمن نفسى بانى ابقىى جنب حد من الناس اللى فى البيت

لحد اولى ثانوى

تاتااااا
اكتشفت ان صاحب الصوت بيقول"تسالى يالووووووووووز"
وان ده" عم عدس"...بتاع السودانى

بدأت انزل مع الداده نجيب سودانى منه وكانت المفاجأه

عم عدس اللى طول عمرى بجرى استخبى منه..راجل وشه شبه البيبيهات

عينيه ملونه ووشه مدور وشعره ابيض كله خفيف وقصير

حاجه كده بونبونى خالص متخوفش

ومن كتر ما هو ابيض ..كان تحميص السودانى كل يوم حوله للون احمر تحب تبصله

والسوددانى كان دايما سخن...
بيبيعه بطريقه غريبه جدا!!!

معاه علبة صلصه من الصغيره اوى دى بيملاها سودانى ..تاخدلها يالكتييير حبتين او تلاته سودانى بقشره

ونانا كانت تحب الكتير.. كده عشان اللمه

يفضل يملى العلبه ويحطلى فى الكيس وانااصلا مش ببقى شايفه العلبه مليانه والا لا!!
يطلع عينه فى العد وانا مبسوطه انى شايفه هذا الرجل الجميل...بس الوقفه جنبه تنقط....
فضلت اشترى منه بنفس لحد ما دخلت الجامعه...

وبعدين بطلتت بقى عشان حجمى مش ناقص..دايت وكده

الناس كانت بتحكى عن عم عدس العجب

انه غنى وعنده عمارات..ولاده اللى دكتور واللى مهندس !!

لكنه ِبقى على شغلته اللى عمل منها كل ده!!

مرت الايام واختفى صوت عم عدس ..

لا اعلم ان كان على قيد الحياه او لا

رحمه الله حيا او ميتا...

وما اعرفه انه حيا فى ذاكرتى..اللى يقابلنى قريب ممكن اقلدله صوت "عم عدس"


اهداء الى" البجعه السمراء"بلون الطيبه والحكمه
اتمنى ان يفصل بيننا وبين اجمل تغريداتك الكثيييييير من الايام والليالى




2008/05/23

خبر جامد جامد جااااااااامد


انا شفت فاتيمااااا يا منززززززززز


مش عارفه اقول ايه بس ملحقتش اقولها واقولها

بس على الاقل شفتها


بعد ما كانت فاتيما عندى روح وكلام مكتوب على خلفيه بنى وبيج

كانت بتلفنى بدفا قلبها وهى بتلف على المدونات كلها

تقرا وتعلق بكل امانه

بعد ما كانت بس صورة واحده لابسه ابيض وشايله بيبى وباصين من الشباك!!


مش مصدقه..نص دقيقه..واختفت

وطمعانه فى مرات كتير نتقابل فيها..مش حفقد الامل


قلتلها فتفوته من اللى حسيت بيه نحيتها من قبل ما شوفها

(لو ربنا رزقنى بولاد نفسى ابقى ام زيك..يا ام يوسف...ولو ينفع نختار كنت اتمنى انك تبقى ماما)

بجد بجد كلام من قلبى ..ومش حخبى ان قلبى معبى

مليان حب وتقدير لانسانه..بجد انسانه

وبجد تستاهل التقديروالحب وكل الخير

ومن كل قلبى بدعى ان كل امنياتك تتحقق...عشان عارفه ان كل اللى فى قلبك خير


واوعى تعيطى يا فاتيما

افرحى

والله يا طمطم الفرحه من حقك....احمدى ربنا على قد مااااتقدرى

اللى ربنا يرضى عليه يحبب فيه خلقه..وانت بقى ماشاء الله

عيشى

ربنا ادالك نعمة الحياه...

"وان شكرتم لأزيدنكم "

اطلعى من القمقم و صدقينى حتقابلى اللى انت بتدورى عليه..


لونى قلب حزاينى ليه كده

دا انا فرحانه اوى ى ى ى ى ى

دا انا قابلت فاتيما يا منزززززززززززززز