2008/04/26

ليله ليلاء....

ليله ...لا منذ بدأ اليوم

جو ساحن خانق

ثم تحول الى عواصف بارده

كانها بدايه الشتاء وليس الربيع

زوجى اخبرنى ان الليله

يبدأ التقويم الصيفى!!

الهواء يحدث اصواتا تعنى لى الكثير

تبعه الرعد اسمع فيه..انهااحدى الليالى التى يحدد فيها المصير

مصيرى ومصير هذا الكائن بداخلى

والله اعلم بما يصير

اسفه ان كنت لفظتك

وحتى الان لا اعلم

اعرف ان ما حدث ينبىء بالخطر الجثيم

اردد لا حول ولا قوة الا بالله

اعتصمت بمن لا يضيعنا وارتضيت القضاء

اللهم لك الحمد على ما قضيت

----------------------------

جنينى تمسك
الا تشعر بمن احسك

الا تعلم كم انتظرتك

الا تعلم انى اتوق للمسك

كم اشتقت ان اتنفس نفسك

ارجوك تمسك

يا من نميت بين طيات لحمى

لا استطيع ان ابخل عليك بدمي

خذ ما شئت ولا تتخلى عنى

اختبىء بداخلى لن اضيق بحملك

ارجوك تمسك

حبه قلبى انت يا انا

ان اضمك الىَ ..كل المنى

فلا تضن على بلحظة هنا

الا تعرف من فى حشاها تضمك؟؟

انا امك..رفقا بامك

ارجوك تمسك

انفض هذا الضعف عنى وعنك

تمسك..لا تفطر قلب امك

---------

الاحتساب والصبر

هو الشىء الجميل الذى ارفقه الله بالابتلاء

هناك 15 تعليقًا:

sebofy7alo يقول...

أول تعليق
أسلوبك جميل .
أستمري ولك تحياتي

غني يابهيه يقول...

ربنا يرزقك الذريه الصالحه

تحيات بهيه

فاتيما يقول...

dodda
يا حبيبتى الف مبروك على المدونة الجديدة علينا و لينا ...
انتى شخصية لطيفة قوى
و أقولك انا شوفتك قبل كدا و كنتى صاحبة إبتسامة جميلة
إبتسمتيلى من غير ما تعرفينى
فاكرة ساقية الصاوى يوم غادة و غادة و رحاب ....
كنت موجودة و شفتك و انتى بتسألى غادة عبدالعال
و إذا مكنتش غلطانة كنتى بتسأليها عن تكنيك كتابتها للبوستات ...صح ؟؟
انا مبسوطة بيكى و بمعرفتك
و اتمنى للمدونة الوصول لأعلى مكانة
و البوست دا عن تجربة شخصية بحتة و لا شطحة فكرية فى يوم عاصف
لو تجربة شخصية لأ بقى طمنينا عليكى و على ولى العهد
و لو شطحة فكرية يبقى برافو عليكى عيشتينى رعب اللحظة و التمنى الخالص
تحياتى يا دودا

dodda يقول...

sybofy7alo
ميرسى لذوقك ..انت كمان شد حيلك

dodda يقول...

بهيه جايه سيرتها فى البوست القادم
...ربنا يكرمك ويسمع منك بس الحمد لله يظهر مكنش صالح المره دى

dodda يقول...

فاتيما
ياحوستى يا اماااااااا
اول ما دخلت من باب البيت فتحت اطمن انك رجعتى وانتى اصلا فاكرانى حد تانى!!!!!
انا مش بتاعت الساقيه
انا حد تانى..ارجعى للبوستات اللى فاتوا حتلاقينى كاتبالك كتير.
للاسف مش شطحه...مفيش ولى عهد يا ام يوسف..مصر لسه مش مستعده لاستقبال ابنى...
انه قضاء الله لم تكن له ذراعان ليتمسكّ!!

فاتيما يقول...

dodda
يا حبيبتى أنا أسفة مرتين
مرة عشان تخيلتك حد تانى بس
و مرة اكبر عشان البيبى
بصى أنا سعيدة بيكى حتى و لو كنتى عمرى ما هشوفك و انشاءالله دا ميحصلشى و نتقابل فى أقرب لقاء عام للمدونين
و أنا عاوزاكى تبقى جدعة و تشدى حيلك كدا عشان إنتى دلوقتى بقالك ضهر فى الجنة ...
أيوه ربنا كرمك بولد فى أحلى مكان يدعيلك فيه ...
و ربنا يخلف عليكى يا رب و يعوضك عنه بولاد و بنات تفرحوا بيهم إنتى و جوزك و يقر عينكم بيهم يا رب
تحياتى يا حبيبتى
و خللى بالك من صحتك بقى عشان المرة الجاية

راجى يقول...

قدر الله وماشاء فعل
وان شاء الله ترزقى وزوجك بذرية صالحة وتكون تربيتهم فى ميزان حسناتك

لكى التحية والتقدير

dodda يقول...

العزيزان فاتيما وراجى...
الحمد لله انا بخير
وانتظر ان يبدلنى الله خيرا
-ما احمد الله عليه من اعماقى ان ايمانى لم يخوننى..وهو ما كنت اخشاه طيلة حياتى الا اصبر حين ابتلى
الحمد لله

mostafarayan يقول...

بصرف النظر عن اجهاض المولود كمافهمت من التعليقات الأخري
إلا ان هذه القصيدة قصيدة جميلة تحمل مشاعر صادقة
تحياتي لك

wanna b a physician يقول...

جميل اوى كلامك وربنا يرزقك بالذرية الصالحة

dodda يقول...

من قلبى بشكرك يا مصطفى ريان
الكلام اللى مرتيط بمشاعر حقيقيه بيبقى من القلب وده من كلى مش من قلبى بس...ربنا يكرمك

dodda يقول...

الطبيب..ربنا يكرمك بالسماعه بقى
بس اوعى تتخصص نسااااااا
خلينا نفضل صحاب
قلبى عندك ومع كل من يحمل او يحاول ان يحمل لقب طبيب

ابو حنين يقول...

علشان ربنا كريم قوى انا متأكد بطمعى فى رحمتة وكرمة انة هيرزق مولودك بيكى لأنى كمان متأكد ان طفلك هيكون سعيد بيكى اكتر من سعادتك بية,,,,
اعتقد كمان ان كل زوار مدونتك كانوا يتمنوا انك تكونى امهم وانا اولهم طبعا
مع ارق امنباتى بالستر والستر

dodda يقول...

ابو حنين..

اعجز عن الرد..
واطمع ان يكرمنى بيحى...
بارك الله فى حنين واخواتها...
وايش اكون انا فى الوالده؟؟؟

اللهم ارحمنا جميعا اموات واحياء

الحمد لله انى مش مامتك اكيد كنت حتجننى بالشقاوه;O)