2008/07/12

ازواج....وزوجات





زوجك ..


اذا رأيتيه الافضل على الاطلاق...لن يرى غيرك من النساء على الاطلاق


واذا ما قارنتيه بأياً من يكن... لن تكون المقارنه لصالحك على الاطلاق!!!


-----------


هو تجاوز السبعين من عمره...هى تصغره بعدة سنوات
خرجت الى الشرفه لتنشر الغسيل..تبعها جلس على الكرسى بجوارها دون ان يتكلم حتى انهت ما تفعله اخذها الى الداخل واغلق الشرفه
بعد مده وقد بدأ الصيف يفتح الشيش بحذر لاتريد ان يراها احد بقمص نوم منتهى الرقه بدون اكمام ..اطمئنت على غسيل قد نشرته وتسللت الى الداخل.


--------------



هو ابن ناس يريد الزواج..هى بنت ناس انبهرت بعائلته وغناه
تزوجته مرت الحياه وهى غارقه فى عملها ..قارئه جيده للصحف ومحلله سياسيه ..

ام لبنتين اخذاتاها من كل شىء حتى نفسها
لامتاها على صمته ودوره اللا موجود فى حياتهما...


قالت سبقته ولم انتظر لنقوم بكل شىء معا لكن حيث لا ينفع الندم
تزوجت البنات وبقى هو معها !!!


صامتا كالمعتاد...


--------------



هو عرفها وجد فيها ما يتمناه وأكثر...هى تزوجته وفرحت كثيرا به فهو من كانت تنتظره منذ زمن
تقاربا تحابا اتفقا الى ابعد الحدود ...


بعد شهر كانا كالمتزوجين منذ سنوات...


شهور قليله وتزوجا
حريصين على صلاه الجماعه طالما تواجدا معا فى وقت الصلاه
بعد شهور من الزواج


لا يمر يوم الا وهو يربت خديها قائلا
بحب شكلك اوى بطرحة الصلاه البيضا ...عاوزين نحج بقى.


--------------



هى طبيبه ناجحه..هو مجرد مهندس
زواج دام 20 عاماهى تعمل وكل ما تكسبه للبيت والاولاد لم تلتفت ابدا الى ما يجلبه هو من عمله
اقل القليل كانت تظهره وتكثره امام ابنائها..هى جميله من الداخل والخارج
هو حلو العشره لا يؤخر لها طلبا...يساعدها حتى فى الاعمال المنزليه
تحبه!!


يعشقها...ويكفيها كل الكفايه انه اب ناجح جدا
بعد 20 سنه جواز...تدخل لتوقظه من نوم الظهيره..


ياللا يا حبيبى قبل القهوه ما تبرد


------------
الى الصديقه الجميله
اعتقادى الشخصى


ان كل منا يختارما تتصف به عشرته
اما ان تكون حلوه او صامته




*ملحوظه: مازال كل ما يكتب فى المدونه جواباتى لصديقتى العزيزه ...


واللى ميعرفش يرجع لبوست جوابات

هناك 37 تعليقًا:

blue-wave يقول...

الللللله
بجدبجد
مفيش بعد كدا كلام
ربنا يكرمك

dido يقول...

السلام عليكم
دودا بجد بدخل المدونه بتاعتك بهدي معرفش ليه بحس ان فلبك ابيض اووووووووووي لدرجه انه باهت علي المدونه:)
كلامك رائع وبستني اقرا كل جديد ليكي ربنا معاكي ويخليكي لينا
اما بالنسبه لمادو فهو كويس الحمد لله واول ما اكلمه هقولك الاخبار
الي الامام يا دودا

إبن مصر يقول...

السلام عليكم
انتى قولتى كل حاجه حلوه ومش لاقى اى كلام حلو اقوله ويابخت صديقتك اللى بتستقبل الجوابات
بس ياترى مدونتى مش عجبتك ولا ايه لأنك مش زورتينى من زمااااان
اتمنى ان يكون المانع خير
تحياتى

nageh

HERO يقول...

والله قعلا في قصص بين الازواج ممكن تتعمل افلام
وفي حاجات من دي موجودة في الواقع وكتير
ولغاية 70 سنة عايشين كأنهم متجوزين امبارح

تحياتي

شفـقــة و إحســــان يقول...

بحيكى على كتابتك الهايلة

أحمد بكر يقول...

مشاعر حلوه اوى
بس اول مره اخد بالى انك من المعادى
انا كمان شغلى فى المعادى و ساكن قريب منها هدور عليكى بين الشجر

snohe يقول...

لتمنى للجميع التوفيق فى اختيار شريك حياته
لان الزواج قد يكون جنه او نار والعياز بالله
اسلوبك رائع
تحياتى

عين فى الجنة يقول...

طبعا نحلم زى مااحنا عاوزين ان النماذج دى موجودة لكن الواقع مرير يا عزيزتى

العلاقة بين زوجين تمر بمراحل كثيرة ولا يستطيع الصبر فيها الا القريب من الله ، فامام المشاكل يصبر ويشكر وفى حالات اليسر يؤثر ويفضل الاخر على نفسه

طبعا الكلام سهل لكن التجارب الحياتية شاقة جدا

ارجو الله ان يمتعك بحياةطيبة

me يقول...

كلامك جميل اوى و نماذج فعلا موجودة

انا عاجبنى اوى الراجل الكبير اللى عنه 70 سنة و مراته و انا نفسى ابقى الاتنين دول و ربنا ميكتب على حد الصمت

سعدت دوما و اسعدتينا

تشااااااااااوووووووووو

غير معرف يقول...

ايه يعني جواب ليها مانعلقش احنا نتركن
طب انا هعلق برضو رخامه

أحم أحم

انتي معاكي حق على فكرة المعاملة هى اللي بتفرق اه والله

تعرفي اني مش عارفة اعلق مع ان كان في كلام كتير في دماغي
اتنكست!

اصل بصراحة كلامك مفيش بعده فهروح ألعب فوداني بئى

غير معرف يقول...

انا اللى اسمى واحد من طنطا
وكنت كاتب تعليق على مدونه ابن مصر
ومش بحب ان حد يعلق على التعليق بتاعى
ده رأى والرأى له احترامه
ومره تانيه خلى تعليقك على الموضوع مش على تعليقات الناس

sebofy7alo يقول...

موضوع لذيذ وشيق وموضوعي جدا

funckydoctor يقول...

زوجك
اذا رأيتيه الافضل على الاطلاق...لن يرى غيرك من النساء على الاطلاق

واذا ما قارنتيه بأياً من يكن... لن تكون المقارنه لصالحك على الاطلاق!!!

حلوة فعلا

مواطن مصرى نايم يقول...

لا مش حينفع اقول غير رائعة
بجد كتاباتك روعة
و بوست بجد اكثر من رائع
و اسلوبك تحفة
تحياتى
اسلام

tarek alghnam يقول...

رائع ماقرائته ببوستك
ماشاء الله
عليكى تملكين اسلوب خاص
تحياتى لكى

KING TOOOT يقول...

العشرة بين زوجين بالمعروف ما تتقدّر
عنقود دهب مجدول بفصوص من المرمر
لو مر بينهم طيف م الهم و دايقهم
الحب بينهم يخللي الشوك ربيع أخضر
و عجبي
KING TOOOT

dodda يقول...

د عمرو

ربنا يكرمك ويبارك فيك
ويارب يكون ده النظام بينك وبين زوجتك ان شاء الله

dodda يقول...

payday loans
hello
u got the site name on every photo

dodda يقول...

dido
ازيك يا جميله؟؟
وشى احمر من الاطراء الرقيق ده
ويارب يكون الكلام بينفع الناس
نورتى
ومستنيه الاخبار

dodda يقول...

ابن مصر..

انا دايما بزور مدونتك ..
واذا قى تأخير سامحنى

واشكر كلامك الجميل وربنا يكرمك بزوجه صالحه..

dodda يقول...

hero
ازيك؟؟
اللى يعيش ياما يشوف
والنفوس الطيبه بتبقى عشرتها طيبه حتى لو عمزوا لحد 100 سنه

نورتنى

dodda يقول...

شفقه واحسان
شكرا
وتحيه منى انا كمان لفكرة المدزنه الزوجيه!!!

ربنا يهديكوا لبعض

dodda يقول...

بيكر
ربنا يحلى دنيتك ويرزقك زوجه صالحه

ومستنيه المقابله ..
بس دور كويس

dodda يقول...

سنوهى

الاخلاص فى الدعاء بالزوج الصالح والزوجه الصالحه..مهم جداااا

اتمنى لك كل الخير

dodda يقول...

الباشمهندزز راجى...

مالى ارى الكلام محمل بالخلاف ؟؟!!

اعتقد ان السعاده الزوجيه
اختيار
تبدأباختيار الشريك
ثم اختيار الخطوط العريضه للعلاقه
وطريقة التعامل
وحتى طرق الاختلاف فى الرأى...
وهكذا فعلت انا والحمد لله

اعرف ان القاعده ليست للتعميم
ولكن..المحاوله باصرار هى افضل طريق
نورت

dodda يقول...

مروه مدحت..
انا مبسوطه اوى انك تختارى النموذج ده
وربنا يروقك خير زوج ام شاء الله

والعشره بينكم هى اختياركم ومسؤوليتك فيها اكبر منه..لازم نحافظ على تركيزنا لتحقبق رغباتنا الجميله

dodda يقول...

نوره هانم الخشن

الجواب بعته ليها من زمان
وده اصلا لو رجعتى للبوست بتاع الجوابات حتفهمى....

بس متلعبيش فى ودانك عشان انا بقالى كذا سنه ودانى مش كويه ومفيش فى مصر حد بتاع انف واذن كويس

dodda يقول...

غير معرف...
يا فندم احنا بلديات
وتعليقى مش مهاجمه ليك خالص
انا قصدت اتكلم عن صفه فينا كمصريين بنشوف ذوقنا هو الاحسن
والمفروض نقول عاجبنى او لا مش نقول وحش او حلو
لان اللى ميعحبكش ممكن يعجب غيرك..
بدليل ان انت ميعجبكش انى اعلق على تعليقك
وانا ميعجبنيش انك تطلب منى اعلق على ايه ومعلقش على ايه...
المدونات فرصه للحوار والمناقشه المفتوحه...

ونورت يا فندم

dodda يقول...

سيبو فحالو..
اشكرك
نورت بعد طووووول غياب

dodda يقول...

funckydoctor
دى الحكمه الخاصه بيا انا واللى لله الحمد ناجحه جدا لحد دلوقتى..

ربنا يهدى سر كل المتزوجين
ويكرمك بزوجه صالحه

dodda يقول...

مواطن مصرى نايم

يا اهلا وسهلا
اشكرك على كل الكلام الحلو ده
اخجلتنى

وربنا يكرمك ويرزقك زوجه صالحه

dodda يقول...

طارف الغنام
اشكر مرورك الجميل
ورأيك اسعدنى جدا
ليتنى استطيع اسعاد كل الناس

واتمنى ان تكون الكلمات نافعه

dodda يقول...

king tooooooooot
ياه فينك من زماااان
لسه كنت بفكر يا ترى وليد لما بيعلق برباعيات..
بيكتبها ويحتفظ بيها؟؟؟
والا حيجى يوم نقعد نلف على كل المدونات نجمعها؟؟؟

ماهو الكلام الحلو ده لازم يتعمل كتاب..

وبيتهيئلى الحكايه اللى كان لازم ازودها فى البوست ده حكايتك انت وبوبو
ربنا يبارك فيكو وفى عمر

غني يابهيه يقول...

اكتر حاجه عجبتنى
هى موضوع المقارنه ده

لان فعلا بيعمل مشاكل كتيييير
حتى لو هزار

dodda يقول...

غنى يا بهيه..

انت فينك؟؟
الاجازه كانت واخداك؟؟
اكييد اذا ربنا اراد يربط بين اتنين..لازم ينسوا وجود الاخرين ويكون فيه اكتفاء بالشريك
درءا للمشاكل

Amgad يقول...

معاكي حق فعلا في موضوع المقارنة
افتكر هو ده سبب هدم كل البيوت
وانا معاكي ان كل واحد لو بص في مميزات مراته وصفاتها الجميلة هيبلافيها اجمل ست في العالم والعكس

وانا افتكر في واخده كانت كاتبه علي مدونتها لو هتقارني بهيفا هقارنك ببراد بت
طبعا الموضوع غلط م الاساس

جميل اوي سردك للعلاقة الانسانية الجميلة بين الازواج
واتمني لكي حياة سعيده دائما
خالص تقديري وتحياتي

dodda يقول...

amgad
الحمد لله ان كلامى ممكن ينفع الناس

واشكرك على مرورك الجميل