عدت سنه وانا وسطكم....

التورته ربيع والجو فظيع
وانتو احلى من كل المواضيع...

موسم التزاوج..وشوية حاجات...

موسم التزاوج

مع ان الدنيا مش راضيه تبقى ربيع
والجو يرفض ويأبى ان يكون بديع

الا ان الطيور مش سايبه حقهم
اللى جه وقته وأن اوانه

موسم التزاوج عند الطيور
اوعى تفوتك الظاهره دى

الكروان والبلبل والحسون والعندليب
مش فى الحواديت بس..
لا اليومين دول تشوفهم
كده ع الشجر
اخر مزاج وسلطنه
والحان ملهاش مثيل

ليه بقى؟؟
بيطلبوا الود من صاحبات العصمه
وبيخطبوهم بالطريقه الاكثر رومانسيه على الاطلاق
والا اليمام مش ححكيلكم عن اليمام بقى॥
الرقه والهيام والحاجات دى بقى
اوعى تفوتك الظاهره
الفجريه والمغربيه
وم الاخر العرض مستمر
كل عام وانتم بخير
وعقبال عندكوا
------------------

شوية الحاجات بقى
انى مقدمه على طلب اجازه
تدوينه
لان المزاج مش تمام
وهذا للعلم
والمطلوب من كل اللى بيزورونى حاجه واحده بس
دعوات مكثفه
بس
اشوفكم بخير
والسلام ختام

تحرش ونص.......

ايه رأيك يا بنت الحلال

تبطلى تتحرشى بالرجال

وتغطى يا حلوه الجمال

الستر مش شيفون ولا فوال

وبلاها قلنا وقال

وذنوب عمال على بطال

كفايه ضيعتوا العيال

والعرى عمره ما كان جمال

والا خلاص رفعنا الاريال؟؟؟؟؟

رررروووووج---lip stick

جالى ميل عجيب!!!

جيء بالخبر من شخص يعمل في وحدة سرطان الثدي في مستشفى Mt..Sinai


في Toronto


من الطبيبة / ناهد نيمان


فإن كانت هناك سيدة أو آنسة تهمك فلا تبخل عليها بهذا الإيميل


منذ فترة ظهرت ماركة جديدة في عالم الماكياج اسمها Red Earth


لديها منتج ملون شفاه ( Lipstick ) خفضت من سعره ليصبح من $16 دولار لـ $ 9.90 دولار






والسبب احتواءه على مادة (( الرصاص ))


وهذه المادة سبب رئيسي لسرطان الثدي


وستتعجب عندما تعلم أنا هناك العديد من الماركات المعروفة التي تحتوي على هذه المادة السامة وهي:


o كريستيان ديور
o استي لودر
o شانيل (مرطب شفاه)
o
أكتر كمية من (الرصاص) وجدت في ملون الشفاه في ماركة ايف سان لوران


هل تريد أن تجرب بنفسك؟؟؟؟؟


إليك الطريقة :

1. ضع قليلا من ملون الشفاه على يدك

2. أحضر خاتم من الذهب واجعلها تحتك بملون الشفاه

إذا تغير لون ملون الشفاه للون الأسود فهذا يعني احتواءه على مادة
(الرصاص )!!!!

حاجات مفرحه...

الورد اللى فى الصوره ده جوزى جابهولى
"قل اعوذ برب الفلق"
(الله اكبر محدش يحسدنى)
اكيد دى حاجه مفرحه

الورد ده جه البيت هنا يوم الاربع 18 \2
كان كله براعم زى اللى فى الصوره الصغيره
الغريب ان الورد كان معاه كارت ضمان لمدة اسبوع!!
ومعاه كمان كيس قد بتاع الكاتشب كده فيه حاجه نحطها فى الميه

انا بالفعل حطيت السائل فى الميه وكانت المفاجئه
الورد سبحان الله فضل يفتح كل يوم بشكل غير عادى ودى حاجه مفرحه
وانا متابعاه بسعاده لا توصف..
لحد ما فتح97% منه
انا كنت مسافره رايحه لمامتى ماهنش عليه اسيبه..
شيلته على قلبى طول الطريق ده على اساس انه حيدبل وارميه هناك

ماشاء الله فضل تحفه زى ما هو.. ودى انا بسميها برضه حاجه مفرحه
وطبعا شيلته على قلبى وانا راجعه من السفر تانى..
والغريبه ان عدى عليه دلوقتى اسبوعين ولسه زى يجنن وتحفه

طول الاسبوعين دو ل جوزى كل ما يعدى من جنبى اقوله ميرسى عالورد ربنا يخليك ليه
كل يوم بمعدل 20- 30 مره او اكتر
وغالبا انا والورد بقينا الظاهره اللى هو بيتابعها...
انا اتنطط من الورد والتغيرات اللى بتحصله وهو يتفرج عليه وع الورد
ودى مجازاَ تعتبر حاجه مفرحه

النهارده عمل حاجه غاظتنى اوى
وانا بقوله ميرسى اوى..سألنى بكل براءه ع الورد؟؟؟
وده كان كفيل انى انسى الغيظ
وافتكر الورد الجميل اللى ممكن يكون تمنه مش كتير
الا انه فرحنى لمده اكتر من 15 يوم...فرحه بمليون جنيه
وكفايه ان جوزى ربنا يخليهولى ويبارك فيه هو اللى جابه
لو ان بعد كل الشكر اللى شكرتهوله اشك انه حيجيب ورد تانى

اللهم لك الحمد على كل حاجه مفرحه

يوم فى الحسين..

مش عارفه قلبى كان حاسس والا ايه؟؟؟؟!!!

انا قضيت اليوم النهارده فى الحسين!!!
لا جديد تحت الشمس...

اول ما رحت كان كلى عيون مستنيه اشوف اى اثار للموضوع اللى حصل امبارح وسألت الناس اللى كانوا فاتحين المحالات فى خان الخليلى.. ضحكوا !!! لان الموضوع لا يتعدى كونه "بمبه"

حاجه لعب عيال
انا شخصيا كنت زمااااااان بعملها بعلبه صفيح وافضى فيها محتويات كيس من البمب وارميها فى الشارع فى رمضان ساعة المدفع
وكان اللى بيحصل لا يمكن ان يوصف بأقل من انفجااار
اللى حصل فى الحسين مش ازيد من كده...
طب الست ماتت ازااااااى؟؟؟؟؟
لعب العيال قلب بجد فحدث ما لا يحمد عقباه
ال"بمبه"
فرقعت ع الارض والناس كانوا قاعدين ع الرصيف حجر الرصيف اللى اتكسر نزل عليها قضاء وقدر.. حتى اذا جت csi حيقولوا كده والاصابات اللى قالوا عليها طفيفه شوية خرابيش.....

المكان مليان عساكر بشكل مضحك
وفيه سياح عدد معقول زى العادى من اول السنه مش خايفيين ومرعوبين
بس مبحلقين فى الكاميرات اللى بتصور طول النهار "ولا حاجه" ايه القناوات اللى ماصدقت دى؟؟
ومبحلقين اكتر فى العمال اللى بيصلحوا الرصيف مع ان اللى حصل فيه كان صعب تلاحظه الا اذا دققت اوى...

بالذمه مش حاجه تكسف؟؟؟
مصر تهتز بهذه القوه...
من اجل" بمبه"!!!!!!!!!!!!!!!!!!!!!!!!!!!!!!!!!!

fire worksفى الحسين

انفجار حى الحسين!!
اخر مسمار
فى
نعش السياحه
المصريه
......
يا ترى اللى ضرب البمبه مين؟؟
ا-الارهابى المعتوه
ب-اللى قتل هبه ونادين
ج-انا وانت ورقصهم يا جدع
------

قِسمه...

القِسمه قسمت الناس نصين

نص طحين

ونص ملتوت فى العجين

متقولش انت مين وانا مين

كلنا فى الرحايا مطحونين

كلنا من طين مش من عجين

فوق يا مسكين

كلنا لها

كلنا بنحبها..

جوايا قلب شجر مقلوع
بعطش اليكى واحن واجوع
يا اللى انت حبك حريه
فى العشق اه ولا شىء ممنوع
يا سمره
شافيفك لما بتتنهد
انا بستشهد وبعيش فى النار
عيونك لما بتتلفت
انا بتفتفت ملحقش احتار
ضمينى خدينى انا لاجئ
لاول مره بكون صادق
موتنى العشق ومش فارق
ليل والا نهار
يا سمره
الجنه قصادى بتتفتح
عينيكى بتسكت وتلمح
وتقول اسرار
هزينى بسحرك من جوه
دا انا قلبى لا حول ولا قوه
ضد التيار
انا عارف انى ماليش دية
فى عنيكى ديه
ف اخر المشوار
ضمينى خدينى انا لاجئ
ولاول مره بكون صادق
موتنى العشق ومش فارق
ليل والا نهار

يا سمره

he is free....

الحمد لله فيليب خرج امبارح
10000 مبروك
هل استعاد حريته..لا احد يعلم

عقبال باقى الناس اللى جوه من غير اى سبب وجيه.......

وربنا يستر ع اللى بره



حمدالله على سلامتك يا فيليب

تضامننا مع فليب رزق سجين فلسطين وضد سياسة الاحتجاز والاختفاء القسرى

تضامننا مع فليب رزق سجين فلسطين وضد سياسة الاحتجاز والاختفاء !!!!

فليب رزق

طالب بالجامعة الامريكية - دراسات عليا

مخرج افلام تسجيلة

ناشط باللجنة الشعبية لمساندة الشعب الفلسطينى
تهمتة ...
الدفاع عن الشعب الفلسطينى
تهمتة الدفاع عن الانسان المقهور فى كل مكان ...
تهمتة انه لا يرضى بالظلم والقهر والحصار على غزة
فليب رزق مصرى جديد فى سجون مبارك
اختطف يوم الجمعة 6 فبراير بعد احدى فاعليات اللجنة الشعبية لمساندة الشعب الفلسطينى
فليب الذى كان يحاول بقدر ما امكنته المحاولة فى الدفاع عن المحاصرين فى غزة وضد الهجمة الصهيونية والحرب البربرية
بالتظاهر والمسيرات وبالكاميرا يرصد وقائع الانتهاك والقمع والترحيل
الحرية لفليب
الحرية والخبز لكل الشعب

--------------------------------
اللينك ده عن فيلمه الرائع "صمود"
من قلب غزه اثناء الحصار...
http://www.elbadeel.net/index.php?option=com_content&task=view&id=42779&Itemid=40


هو مخطوف ليه وازاى؟؟؟؟؟؟؟

http://anhri.net/egypt/nadeem/2009/pr0207.shtml

انا ام العروسه

مش حاقدر احكى فرحتى لان الفرحه بس تتحس والحمد لله الاحساس وصل لاصحابه...

كأنه كان حلمى انا
بجد انا حسيت انى ام العروسه...
مي صحبتى وغاليه عندى بلا حدود
اللى هى كتبته كنت حريصه انى ماقراهوش قبل ما تنشره...
وكان عندى حق انى احكم فضولى واهتمامى
ضبط النفس
والنهارده لما قريت اللى اتكتب مصدقتش نفسى!!!!!
نقطه ميه فى قلب الصحرا تبل الريق
نسمه بارده فى عز الصيف ..وانت عرقان وزهقان..
شال كشمير دافى وناعم يلفك وانت بترتعش من البرد
لاااااااااا
اللى مي كتبته احلى من كده
عارف حلاوه ونعومه الشوكلاته السوسريه المفتخره
لما تكون مستفرد بيها
وف نفس ذات الوقت بتسمع فيروز
فى بلكونه والدنيا بتمطر
وانت ورا الازاز
دايب فى الشكولاته والمطر وصوت فيروز
لاااا لاااا لاااا
اللى مى كتبته احلى بكتييييير من كده
مش مصدقين؟؟
اللى مي كتبته

ختم مغادره

لازم تقروه والحكم ليكوا انتوا
ومين يشهد للعروسه؟؟؟؟؟!!!!!
اما عن مشيره...
مش عارفه اقول ايه البنت اضمحلت من الكسوف
لدرجه ان حفل التوقيع كان سرى!!
محدش قالها غير قبلها بيوم...
وتقريبا كانت بتفقد 1\4 متر من طولها
كل ما حد يقولها وقعى!!!

الا انى اتنبأ من اول كلمه كتبتها انها حتبقى كاتبه كبيره اوىىىىىىىىىىىىىىىىىىىىىىىىىىىىىىى
وده ان شاء الله قريب اوىىىىىىى
فاتيما روح القلب سربت حبه حاجات من الكنترول...
والنصيحه اوعى يفوتك الكتاب ده...
وسيب الكلام الحلو يطبطب على روحك شويه

حاجه سابت عندى علامه مش عاديه
ان توصف مؤلافاتهم من ناقد قدير بالطازجه.. الناضجه..البكر

فهى خلطه من التميز لا يستهان بها....
ربنا يوفقهم ويحميهم
وعقبال عندكووووووووو جميعا

اخييييييرا

احساس جميل ان اعز اصحابك يكون فرحان

انه يوصل لتحقيق حلمه...
الجميله
الحبيبه
مي هانم بهاء
توقع على اول انتاجها
بالمشاركه
مع
مشيره هانم محمود
فى دويتو رائع التناغم
من القصه القصيره والاشعار
حفل التوقيع

حفل التوقيع يوم السبت السابع من فبراير

بالمركز الدولي للتنمية الثقافية بالدقي الساعة
6
ميدان فينى

اعترافات ....

شهد شاهد من اهلهم.. ربنا ياخدهم كلهم

اولا قرأت بوست جميل عند حره المداد.
..اجبارى تقرأوه

وجالى ميل بكلام برضه كويس اننا نعرفه

وشهد شاهدا !!!!!

أهم مقابلة تليفزيونية فى التاريخ !!!

هل تتخيلون رجل دين يهودى يعلنها صراحة فى أهم محطة تليفزيون أمريكية قائلا : يجب ألا تكون هناك دولة اسمها ' إسرائيل '!!

هذا هو حديث الشعب الأمريكى الآن بعد المقابلة التلفزيونية التى أجراها Neil Cavuto من محطة FOX NEWS الأخبارية مع رجل الدين اليهودى الأرثوذكسى الراباى
------

وبالطبع نظرا لأهمية المقابلة و التى أطلقت عليها محطة الأخبار FOX NEWS اسم

THE MOST IMPORTANT INTERVIEW ON EARTH

وهاهى الترجمة بالعربية

أجرى نيل كافوتو Neil Cavuto : مقابلة لعلها أهم مقابلة تجرى هذه الأيام لأنها سفهت بشكل واضح وبعبارات صريحة تلك الكذبة الشيطانية التي خدعت ذوي النوايا الحسنة حول العالم وأقنعتهم بدعم هذا الشيء الشرير والبغيض الذي يسمي نفس 'الدولة اليهودية '.

الراباى Yisroel Weiss من جماعة اليهود المتحدون ضد الصهيونية يقول ل Cavuto وللعالم أن إسرائيل أفسدت كل شيء على الناس جميعا! اليهود منهم وغير اليهود .

الراباى Weiss: هذه وجهة نظر متفق عليها عبر المائة سنة الماضية أي منذ أن قامت الحركة الصهيونية بخلق مفهوم أو فكرة تحويل اليهودية من ديانة روحية إلى شيء مادي ذو هدف قومي للحصول على قطعة أرض وجميع المراجع قالت أن هذا الأمر يتناقض مع ما تدعو إليه الديانة اليهودية وهو أمر محرم قطع! ا في التوراة لأننا منفيون بأمر من الله .

Cavuto : ما المانع إذن في أن تكون لكم دولة؟ وما المانع في أن يكون لكم بلد تنتمون إليه؟ وما المانع في أن تكون لكم حكومة؟

الراباى Weiss: يجب أن لا تكون لنا دولة .

يجب أن نعيش بين جميع الأمم كما ظل يفعل اليهود منذ أكثر من ألفي عام كمواطنين مخلصين يعبدون الله ويتصفون بالرحمة الربانية .

وعلى العكس مما يعتقد الناس هذه الحرب حرب ليست دينية فقد كنا نعيش بين المجتمعات المسلمة والعربية دون أن تكون هنالك حاجة إلى رقابة منظمات الأمم المتحدة لحقوق الإنسان .

Cavuto: دعني أسألك هذا السؤال أيها الراباى.... هل كانت حياة اليهود أفضل قبل قيام دولة إسرائيل اليهودية .

الراباى Weiss: نعم كانت أفضل بنسبة 100%.... ففي فلسطين لدينا شهادة الجالية اليهودية التي كانت تعيش هناك وغيرها من الجاليات في أماكن أخرى بأنهم كانوا يعيشون في توافق وأنهم ناشدوا الأمم المتحدة بذلك حسب الوثائق التي بحوزتنا حيث أن كبير حاخامات اليهود في القدس قال : نحن لا نريد دولة يهودية .

وعند اتخاذ قرار قيام إسرائيل تم تجاهل سكان ذلك البلد من المسلمين والمسيحيين واليهود .

Cavuto: على أية حال لم يكن لديكم بلد تنتمون إليه ولكنكم كنتم غرباء لدرجة أن تعرضتم للاضطهاد والقتل عبر الألفية الماضية وخصوصا ما حدث قبل خمسين أو ستين عاما؟

الراباى Weiss: هنالك قتل بسبب معاداة السامية وهنالك موضوع آخر عندما تثير العداء بخلق معاداة السامية من خلال الصهيونية .

أي بعبارة أخرى أن الأمر لم يأت هكذا دون سبب .... حيث أنك تطرق نوافذ جيرانك وتدعوهم إلى معاداة السامية .

Cavuto: أنت يهودي أرثوذكسي حسب علمي .... ما هو رأي اليهود التقليديون في ذلك الموقف؟

الراباى Weiss: الرأي الغالب لدى اليهود هو : صحيح أنه لا يجب أن تكون لدينا دولة ... ولكنها قامت ..... غير أن الدعاية الصهيونية بأن العرب يريدون رمي أي يهودي في المحيط وبأن هنالك حقد دفين لليهود مكنهم من إقناع الكثيرين من

اليهود وهو ما جعل هؤلاء يخافون من العودة إلى تلك الأرض .

Cavuto: حسنا ... لا يمكنك أن تلومهم فهذا صحيح .... أقصد أن لديك مثلا رئيس إيران الذي يقول أن المحرقة لم تقع أصلا ولو كان الأمر بيده لدمر إسرائيل وقضى على جميع اليهود .

الراباى ويس Weiss:

هذا كذب واضح .... فهو لديه جالية يهودية في إيران ولم يقتلهم عندما سنحت له الفرصة Cavuto:

إذن أنت لا تأخذ كلامه على أنه يريد قتل اليهود؟

الراباى Weiss: بل هو يريد تفكيك الكيان السياسي .... وفي الحقيقة نحن مجموعة من رجال الدين اليهودى (Rabbis) ذهبنا لزيارة إيران العام الماضي ...

واستقبلنا القادة الإيرانيون والتقينا بنائب الرئيس حيث أن الرئيس كان في زيارة إلى فنزويلا في ذلك الوقت والتقينا كذلك بالزعماء الروحيين وكلهم بينوا وبكل صراحة بأنهم ليسوا في نزاع مع اليهود .

Cavuto: إذن أيها الحاخام أنت تعتقد أنه طالما أن إسرائيل موجودة فلن تأتي بخير .

الراباى Weiss: اليهود يعانون والفلسطينيون يعانون ونحن نصلي من أجل التعجيل بتفكيك هذه الدولة اليهودية بطريقة سلمية .

Cavuto: إنه لأمر مثير أيها الحاخام ..... فهي وجهة نظر لا نسمع عنها في الغالب .

الراباى Weiss:

لا بد من نشر هذا اللقاء في جميع أنحاء العالم بأسرع ما يستطيعه البشر. وهو بين يديك ..

إنتهت المقابلة المثيرة والتى بالفعل أدهشتنى!!!

غريبه!!!

عجباَ لها!!
تحب الرسم جداَ.. تمر ايام وشهور ويلح خيالها بأفكار تلك اللوحه البيضاء السميكه بفعل الطلاء تترأى لها طوال الوقت فرش والوان تملأ احلامها ولا ترسم!!!

عجبا لها!!
تشعر ان وزنها زاد تمقت جسمها الممتلىء لا تتقبل قياس ملابسها
تحلم ان يحملها رفيق العمر ... تقرر بدء نظام غذائى ..صارم تتوجه الى المطبخ لتخرج ب صينيه بسبوسه بالقشده والمكسرات!!

عجبا لها!!
تريد ان تعمل
لديها مؤهلات وذكاء حاد
تجيد اكثر من لغه
مظهرها جيد
يمتلىء بريدها بفرص العمل
..لا تتقدم لأى منها!!

تبتعد عنه
تضايقه
تقسو عليه
مقتنعه اتها لا تحبه ولا تريده

فان احبته تركته..او تركت الحياة!!

جميله...

جميله..

اول صرخه ليها فى الدنيا ..فى يوم العيد
جميله ..
امها سمتها "جميله" والاسم على مسمى..
احلى واحده فى الشارع كانت هى..
فى الحى برضه هى..فى بلدها برضه هى....
مع البنات تلعب وفى وسطهم ورده...
كل اللى حواليها حبوها ..
امها كانت احسن ست فى جيرانها
طيبه وحنيه..
حكمه وذكاء ودينها كان يزينها
ست ولا كل الستات..
وربنا رزقها بجميله وبس..
مرت الايام وكبرت البنت..
امها علمتها كل خير..
كتروا الخطاب ..والام يحكمتها ترفض اللى مينفعش
لحد ما جه هو..
راجل يملى العين
ويتصف بكل اللى تتمناه الام لبنتها..
بيتها كان فى مصر مش فى بلدها...
اتجوزت وكانت احلى عروسه فى فرحها...
الايام تمر والكل مستنى يبارك ويهنى..
لكن جميله ربنا مكتبش انها تنجب!!!
ولا حد عارف ليه ولا من مين السبب؟؟

فى يوم جوزها زعلها ..بس زعله كبيره
نزلت من بيتها ركبت اول قطر على طنطا...
ولما نزلت من غير اسباب راحت على السيد البدوى...
لا عمرها راحت قبل كده ولا حاجه..
بس ساعة القدر!!!
دخلت وصلت ركعتين ..
وف ركن قعدت تتفرج على اللى رايحين وجايين..
واللى يشوف وشها يعرف ان قلبها حزين
سرحانه فى الملكوت ..

جنبها قعدت ست عجوزه شكلها من الفلاحين..
وشايله طفل..شكله مولود من يومين..

بيعيط بحرقه ولا راضى يسكت لحظه!!
صعب على جميله وقالت للست هاتيه اشيله عنك..
اول ما خدته جميله فى حضنها ..سكت الولد
قالت العجوزه ..تلاقيه فاكرك امه.. الله يرحمها
هى امه ماتت..قالت جميله بحزن؟؟
الست قالت وابوه كمان..
حست جميله بخوف والم ..
مسكين ابن يومين ..ويتيم!!
الست استأذنت تروح تتوضى فى الميضه
وخلى ابراهيم معاكى لحد ما ارجع...
راحت الست وغابت ...
مرجعتش!!
وجميله قاعده تستنى..
ولما طال الوقت راحت تدور
ولا لقت للست اى اثر...

يتبع

من غير استئذان لازم تقرأ ده...

الله اكبر

البنت ولا عندها اى فكره...
ربنا يكرمها اثلجت قلبى

وخليت جوزى يقرا البوست
ولقيته بعد كده بيقراه لمامته ...
ولاقيت مامته بتقول لاخوه لازم تقرأه

وجوزى حيشتري اى حاجه وكل حاجه كتبها المسيرى رحمه الله!!!!!!!


اقرااااااااااااااااااا بسرعه مهم اوىىىىىىىىىىىىىىىىىى

محدش يعمل كده ...

الصبر من عندك يا رب

الساده الافاضل سكان هذه المنطقه العربيه

ممكن لو سمحتوا من فضلكوااااا وارجوكوا واتوسل اليكوا متعملوش كده؟؟؟

اولا متكونش بغبغان بلاش تردد كلام سمعته لانه اتقال بشكل

مترتب اوى فظبطلك الg وعللاك الd

يعنى متقولش فلسطين باعت ارضها

ومتقولش حماس تبطل تضرب

ومتقولش المقاومه ضعيفه وحماس حتخلص على الشعب

متقولش غزه والضفه وعرب 48 لان كلها فلسطين

والا حنرضى بالتقسيم والفرقه زي ما رضينا بالخريطه مكتوب عليها اسرائيل؟؟؟

كل دة كلام اسرائيل هى اللى بتروجه بنجاح غير مسبوق على لسان الساده الافاضل

ربنا لما خلقك ادالك عدد واحد "مخ" مش سندوتش يعني فكر شويه واختار انت فى صف مين؟؟ وضد مين؟؟

واى كلام ضد اللى انت فى صفهم متقولوش لانه مضر الى ابعد الحدودولما تقوله اسرائيل بتفرح زى اللى جاب 50 فى

امتحان الفزياءبتاع ثانويه عامه

كلمتين عن المقاطعه مختلفين شويه عن اللى فاتوا

يمكن احنا قلنا مقاطعه كتير ويمكن ناس تطنش

وناس تقول اضعف الايمان

ويمكن واحد خفيف كده يقول لنفسه مش قادر اعيش منغير بيبسى

حتعيش منغيرها أجلا اوعاجلا ....والا مسمعتش اللى حصل فى رفح المصريه؟؟

المقاطعه النهارده سلاح لا يقل قوه عن قطع البترول

وامريكا اللى سانده اسرائيل لو مقاطعتنا مش حتفرق معاها مكنتش سوقت منتجاتها فى السوق العربيه اصلا..

ماهو عددنا "الله اكبر" مش حاجه يستهان بيها

النهارده الانهيار الاقتصادى بيخلى المقاطعه اقوى الف مره

واللى نقاطعه النهارده بمزاجنا .. بكره مش حنقدر نجيبه غصب عنك

لان اللى بيحصل فى فلسطين النهارده جاى جاى

الدور الدور الدور الدور موؤده ياللى عليكى الدور

بالسلاح والقنابل وحجات كتيره غير دول

لو سمحت اقرا ده وانت مركزززززززز

حمار العرب

يا ترى طعم لحم الشهداء بيعجبك؟؟؟؟؟؟؟؟

طب وانت بتشرب قهوتك...بتفضلها بنكهة اطفال والا نساء والا شيوخ

تحويجه مخصوصه بدم الابرياء الرضع.....

قاطع منتج مش حيفرق معاك..ولك اجر حقن الدماء

احرص على المقاطعه....كفانا خزى وعار

!!!!

غزة منتجع صحي سياحي من الدرجة الأولى‏

غزه من الصبر الى النصر

البنت دى استشهدت هى واربعه من اخواتها البنات..
الطفل المصاب ده اخوها...
الست اللى شيلاه دى الام
صمودها يخجل الرجال
بايمان كبير اوى قالت ربنا خد خمسه والحمد لله خلالى اربعه!!!!
--------------------------------

مشكورا الدكتور طارق سويدان يقدم سهره كل ثلاثاء من اجل غزه

لمن اراد ان يعرف الحقيقيه....

اجد بداخلى الكثير ليقال
الان وانا اشاهد هذا البرنامج الرائع لهذا الرجل
والرجوله ليست حكرا على الذكور وانما عى صفه قد يتصف بها أيا من كان..وان كانت انتفت عن الكثير واولهم حكام العرب
ولا حول ولا قوة الابالله؟؟


اوجه كتابتى الى المصريين خاصة..ولكل انسان عامه
اللى مش عارف يعمل ايه ..
احنا مصيبتنا مش قليله
ولا نقل حصارا عن اهالينا اللى فى فلسطين
والله لا يحق لاى منا ان يسمى نفسه رجلا وما يحدث فى فلسطين يحدث امام ناظرينا ونسكت
مطلوب موقف رجل لتكون رجل

القرآن يقول" استعينوا بالصبر والصلاه"
وعشان يكون فيه نصر لازم يكون في مننا طاعه

مطلوب اننا نيجى على نفسنا اوى ..
بلاش الدلع والمياصه اللى اتشربها الشباب بالاكراه
اللى صام رمضان وصلى يعتبر اننا فى رمضان
صيام شهر مش صعب وكفايه اوى على شر وعاء افطار وسحور
واتبرع ب 30 وجبه ل30 مناضل وخد اجر صيام واجر اغاثه مسلم واجر جهادخليك راجل

السجاير وما شابهها ..لو مكنتش راجل النهارده امتى حتكون؟؟
والا حتستنى لما تقف قدام ربنا..."يومئذ يتذكر الانسان وآنى له الذكرى يقول ياليتنى قدمت لحياتى"
خلى لنفسك اى عذر امام الله اترك المعصيه لله فيبدلك بها خيرا
اتبرع بفلوس السجاير اللى حتموتك لمسلم عشان ميموتش من الجوع والبرد خليك راجل

الترف اللى مالوش لازمه المنتجات الامريكيه البيبسى السجاير مكدونالدز كادبورى nike
القائمه طويله اوى على رأسها رأس الافعى ستار بكس..
والله عيب علينا لو فضل مفتوح وربنا يحاسبنا
ومن الخيبه التقيله انها حاجات ملهاش اى لازمه فى حياتنا
وفى ناس بتستغنى عن دوا لانه امريكى
وفى ناس مستمره فى المقاطعه من اول حملة مقاطعه وعايشين كويس مش ناقصهم حاجه
اتبرع بكل اللى مالوش لازمه ومش اساسى فى حياتك
عشان واحد ناقصه كل اساسى عشان يعيش خليك راجل

المهمه اللى عاوزين كلنا نقوم بيها بقى بكل قوتنا بكل عزمنا
كل حد يعرف لغه اجنبيه
نتفق على صيغه لشرح القضيه والوضع فى فلسطين ونترجمه
انجليزى وفرنساوى والمانى وبالصينى وكل لغه
ومنخليش وقتنا الطويل على النت تسالى
نبعتها على اى ميل لكل حد وده مفيدجدا ...
النهارده على قناه الجزيره انترناشيونال متحدث يهودى بيتكلم على حماس
اللى بيعملوا دروع من المواطنين وبيستخبوا فى المستشفيات ويتنكروا فى صوره فريق طبى!!!
وكمان بيخدوا المعونات ويبيعوها فى السوق السودا!!!!
كلام موجه للغرب ومفيش اللى يرد عليه
رد عن اخواتك قول الحق خليك راجل

بكل فخر وكل عزه اشترى غطره فلسطينى والبسها حطها على كتافك وخلى كل الناس تشوفنا جوه و بره بنقول لكل من كان احنا وفلسطين واحد.. جسم واحد وقلب واحد وروح واحده
البس الغطره متخفش على الشياكه خليك راجل

من رأى منكم منكرا فليغيره..بيده فان لم يستطع فبلسانه فان لم يستطع فبقلبه وذلك اضعف الايمان صدق رسول الله ص
فى كل سجده افتكر الاطفال اللى بيموتوا من الجوع والبرد
حصار سنين وذل سنين وفوق ده كل حرب قنابل ورصاص
وابسط الاحتياجات والاسعافات ممنوعه ....
ادعى ربنا من قلبك مش بس لسان
حط نفسك مكان الفلسطينى وادعى
افتكر صوت القذائف وادعى...
امانه الدعاء لا يفتر ولا يتوقف...
ادعى وادعى وادعى
عالاقل فى الدعاء خليك رااااجل

عشان دينك خليك راجل
عشان الاطفال اللى بتموت خليك راجل
عشان يبقى لك وطن تعيش فيه خليك راجل
عشان ارضك وعرضك خليك راجل
عشان الاقصى خليك راجل
عشان تلاقى رد على سؤال ربنا عن المسلمين اللى بيتدبحوا خليك راجل
عشان شكلك قدام نفسك حاول تكون بأى صوره راااااجل


ممكن كل واحد فينا يصحى ويفوق بقى
ممكن نفهم بقى؟؟؟
اللى بيحصل عباره عن مصيبه الاعمى يشوفها
والا مستنين لما نقول اكلتنى يوم اكلت الثور الابيض؟؟؟؟

ما يحدث فى غزه ما هو عنا ببعيد