2009/03/04

حاجات مفرحه...








الورد اللى فى الصوره ده جوزى جابهولى
"قل اعوذ برب الفلق"
(الله اكبر محدش يحسدنى)
اكيد دى حاجه مفرحه

الورد ده جه البيت هنا يوم الاربع 18 \2
كان كله براعم زى اللى فى الصوره الصغيره
الغريب ان الورد كان معاه كارت ضمان لمدة اسبوع!!
ومعاه كمان كيس قد بتاع الكاتشب كده فيه حاجه نحطها فى الميه


انا بالفعل حطيت السائل فى الميه وكانت المفاجئه
الورد سبحان الله فضل يفتح كل يوم بشكل غير عادى ودى حاجه مفرحه
وانا متابعاه بسعاده لا توصف..
لحد ما فتح97% منه
انا كنت مسافره رايحه لمامتى ماهنش عليه اسيبه..
شيلته على قلبى طول الطريق ده على اساس انه حيدبل وارميه هناك

ماشاء الله فضل تحفه زى ما هو.. ودى انا بسميها برضه حاجه مفرحه
وطبعا شيلته على قلبى وانا راجعه من السفر تانى..
والغريبه ان عدى عليه دلوقتى اسبوعين ولسه زى يجنن وتحفه

طول الاسبوعين دو ل جوزى كل ما يعدى من جنبى اقوله ميرسى عالورد ربنا يخليك ليه
كل يوم بمعدل 20- 30 مره او اكتر
وغالبا انا والورد بقينا الظاهره اللى هو بيتابعها...
انا اتنطط من الورد والتغيرات اللى بتحصله وهو يتفرج عليه وع الورد
ودى مجازاَ تعتبر حاجه مفرحه

النهارده عمل حاجه غاظتنى اوى
وانا بقوله ميرسى اوى..سألنى بكل براءه ع الورد؟؟؟
وده كان كفيل انى انسى الغيظ
وافتكر الورد الجميل اللى ممكن يكون تمنه مش كتير
الا انه فرحنى لمده اكتر من 15 يوم...فرحه بمليون جنيه
وكفايه ان جوزى ربنا يخليهولى ويبارك فيه هو اللى جابه
لو ان بعد كل الشكر اللى شكرتهوله اشك انه حيجيب ورد تانى

اللهم لك الحمد على كل حاجه مفرحه




















هناك 31 تعليقًا:

thunder يقول...

اولا مبروك على الورد والاحساس لو استمر15 يوم شوفى زكره هتفض كام مليون سنة ربنا يديم عليكم الود ياارب والرحمة والسكينة دمتى بكل خير

GiGi يقول...

يارب يباركلكم ويارب كل بلاد بيوت المسلمين يبقى كلها حب يارب
يارب يسعدكم يارب ومبروك على الورد وعلى الزوج اللى بيفهم فى الورد ياقمر

إيمان يقول...

بجد شكرا ليكى جدا جدا على إنك نقلتى
التجربه الرائعه دى لينا
أى زوج ممكن يفرح زوجته
بأقل التكاليف الممكنه
أيام الخطوبه..كان جوزى لو خرجنا مع بعض
وإحنا فى الطريق يركن فاجأه
وينزل يشتريلى ورده حمرا
بجد رغم إنه دلوقتى بقه مشغول جدا
إلا إنى لسه فكراهاله جدا وبفرح لما أفتكر
بوستاتك مميزه جدا .. دايما بستنى جديدك
وكنت ناويه أغير لون المدونه إمبارح بس بعد ما شوفت الورد..رجعت فى كلامى

غير معرف يقول...

بجد ربنا يفرح قلبك علطول وتكون السعادة في أوقاتك زي الضيف التقيل .. بجد بشكرك جدااا على سطورك البسيطة العميقة وعلى نقلك لخبراتك الحياتية .. ربنا يديم عليكي العمق والسعادة ..
بس لي سؤال من فضلك برة موضوع التدوينة .. هو يعني إيه إخصائية تخاطب صدقيني ده مش سؤال فضولي .. ده سؤال يارب تكون إجابته اللي في بالي .. معرفش إزاي ممكن توضحلي رد السؤال ده ..
غاية احترامي

dodda يقول...

الى الغير معرف

اخصائى التخاظب متخصص فى مساعده من لديهم مشاكل فى النطق بجميع انواعه

وخاصة ذوى لاحتياجاي الخاصه وضعاف السمع

واحيانا لدى االعاديين زى اللى عندهم لثغه
او لا قدر الله مرض جلطات المخ...

مسدس صغير يقول...

يعنى انتى عايزة تقنعينى ان جوزك بيعدى من جانبك فى اليوم الواحد من 20 الى 30 مرة؟؟
ما شاء الله..
بس يمكن يكون بيطمن ع الورد؟؟؟؟؟
ممكن
ربنا يخليكو لبعض ويحفظكو ويبارك فيكو...

mahasen saber يقول...

بسم الله ما شاء الله ربنا يباركلكوا فى بعض

ويفضل يجيبلك ورد طول العمر

ربنايسعدكوا ويجعلكوا سبب لدخول بعض الجنه
اللهم امين

انتى تستاهلى كل خير يا دوده بجد والله تستاهلى كل خير

فاتيما يقول...

الله اكبر
ربنا يسعدكم و يهدى سركم يا دودا
و يعيش و يجبلك يا حبيبتى
فعلاً الورد شكله يفرح
أنا بقى جالى بوكيه ورد حلو زى بتاعك كدا و حطاه جنبى و كل شوية أبصله أفرح
أصله جايلى من إتنين حلوين قوى قوى
و قريبين من قلبى قوى قوى
و فعلا عندك حق
حاجة مفرحة
ربنا يفرح قلبك اكتر و اكتر
يا حبيبة الروح
حضونات و بسابيس كتييييييير

محمد عتلم يقول...

الله شكله حلو اوى ماشاء الله
ربنا يخليلك جوزك والورد كمان

حازم سويلم يقول...

الف حمد والف شكر, الزهور من الكائنات الرقيقة والمعبرة جدا

صوت من مصر يقول...

انا بحسدك يا بختك
بس فعلا اجمل هديه ورد مفيش احسن من كده

Khaled يقول...

هههههههههههههههه

على الرغم من إنى ماعرفش جوزك إلا إنى أقدر أقول إنة ذكى جدا فيما يختص بمعاملة النساء ..
ربنا يديم عليكم نعمة السعادة

تحياتى لزوجك ( الحريف )

راجى يقول...

ادعو الله ان يديم عليكما السعادةويرزقكما الذرية الصالحة

الفقيرة إلى الله أم البنات يقول...

علشان يعرفوا ان الستات بتفح بكلمة بسيطه وورده لا يكلف اكتر من 15 جنيها مش عاوزين وردو مستوردة لاروح فيها ولا رائحه

ربنا يبارك فى زوجك ويجعله زوج طيب صالح وانت كمان ربنا يبارك فى زوجكما
ويرضى عنكم

وبخصوص الشكر تأكدى انه فرحانه بيه قوى
عارفه ليه
لانه بيأكد له انه عمل حاجه بتحبيها
ادام الله التفاهم بينكم يا اجمل دودا

اعشق فى الليل ضوء القمر يقول...

فعلا حاجه تفرح
انا مش هعلق غير
ربنا يبارك فيكم ويصلح أحوالكم

أنافعلا فرحان بيكم قوى

طوبة ذهب وطوبة فضة يقول...

ماشاء الله جميل اوى الاحساس واجمل الورد ربنا يخليلك جوزك ويخليلك الورد الجميل بتاعك اوعدنا يارب ذيك

ريمان يقول...

السلام عليكم


ربنا يفرح قلبك كمان وكمان يا رب

ويسعدك حبيبتى


امييييييييييين يا رب

تحياتى ليكى يا قمر

اموااااااه

زوجة عنيدة يقول...

بسم الله ما شاء الله

ربنا يخليكوا لبعض ويفضل يفرحك علطول
لو كل راجل يفهم ان الحاجات الصغيرة دى
ممكن نفرح بيها اوى
طب احنا طيبيبن اوى مش مفتريين واى حاجة صغيرة بتفرحنا

ربنا يفرحك كمان وكمان


تحياتى

fashkool يقول...

العزيزه دودا .. تحياتى
الورد جميل .. جميل الورد
عارفه يا دودا دا ورد اسمه جلاد يولس والورد ده ما ينفعش يقطفوه وهو ورد مفتح لازم يقطف وهو براعم ومع الايام بيفتح لوحده حتى لو ما حطيتى له اى دواء كفايه ماء فقط ولو حبيتى ملعقة سكر.
والله كتر خير الراجل فاكرك بحاجه حلوه آهه دا راجل يستاهل تقله دهب.

اصل عمك فشكول كان زمان بيزرع الورد ده وكنا مع بعض الناس الجيران بنصدره لفرنسا وهولندا ونعمل له تغليف فى الغيط ونحمله فى العربيات على الطياره على بره على طول

تحياتى يا دودا وربنا يخلى لك الزوج المحترم

ايوشة يقول...

ربنا يخليكم لبعض ويجبلك كل اسبوعين ورد ههههههه لا بس بجد والله يفضل اسبوعين من غير ما يدب بسم الله ماشاء الله نفسى اعرف السر بئا مليش دعوة عااااا
ربنا يبارك لكم يااااااااارب وتفضلوا كده فى فرحة وسعادة مرسيى للمرورك على المدونة وعلى فكرة انا مليش دعوة بتفجيرات الحسين :(

Geo Amr يقول...

ربنا يديم المعروف والمحبة بينكم وان شاء الله مش تكون اخر مرة بس حاولى انتى تردى بهدية على هدية الورد

akeed يقول...

البوست جميل
ربنا يوفقك فى زواجك وتكون هذه المشاعة مستمرة حتى اخر العمر


تحياتى

أكيـــــــــد

حسن ارابيسك يقول...

الحقيقة
ده شئ رومانتيكي جداً من زوجك من رجل يمتلك حس مرهف تجاه زوجته ويقدرها بشكل جميل
تحياتي
حسن أرابيسك

mado80 يقول...

ماشاء الله اللهم لا حسد
:)

ربنا يكتر كل حاجاتك المفرحه

مش خايفه من الحسد يا دودا ولا ايه؟
:)

كل التحيه ليكي

تامر حسين يقول...

تصدقي فعلا انها حاجا مفرحه وخصوصا انك شفتيها بزويه تانيه وانها فرحتك 15 يوم مش يوم واحد ولا حتي ساعه الموقف وبجد انا احيي زوجك علي رقه مشاعره و ربنا يهدي سركو وكلام في سرك انا لو مكاني وزوجتي جابتلي ورد هنشفه واشيله عشان يفضل وكمان لو عرفت ابروزه هعملها بس لحد دلوقتي الحقيقه انا الي بجيب بس هههههه
تحياتي وربنا يهدي سركم

الشنكوتي الكبير يقول...

الف مبروك على الورد
هههههههه

اكيد الورد قعد كتير كده علشان سقتوه بخليط حلو

حبه ليكي
وشكرك ليه
ربنا يسعدكم يارب

وده برده بوست مفرح جدا

سلاااااااااااااااام

اللؤلؤة يقول...

السلام عليكم
الأخت الفاضلة
أشكرك على الزيارة ويارب يسعدكوا ويبارك فيكوا ويجعل أيامكم كلها فرح وورد وسعادة ويرزقكم بالزرية الصالحة
تقبلِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِ تحياتى

أنا مش موافق يقول...

عزيزتى

طبعا الورد جميل اوى

كل شئ خلقه ربنا جميل

بس الاجمل انه من زوجك

دايمن اى شئ من اللى بنحبهم ويحبونا ليها طعم تانى

ربنا يجعل ايامك حلوه دايمن

مع زوجك واولادك ان شاء الله

تحياتى

سلام

norahaty يقول...

بسم الله ماشاء الله
لا حول ولا قوة الا
بالله والحمدلله رب العالمين
فعلا ممكن حاجة صغيررررررة
تجيب سعادة كبررررررررررررة
وكتيررررررررررررررررررررررة
المهم العين اللى بتنظر لهذا الشىء
هل هى عين الرضا ؟ام عين السخط والعياذ
بالله منه ولان انتى جميلة يادودو
شفتى كل الجمال ده فى الباقة
دى ولو كانت وردة
واحدة حتى كنتى
حتشوفيها
جميلة
المهم العين
اللى بتشوف وتعى ما ترى.

شمس النهار يقول...

ماشاء الله والا حول والا قوة الابالله
ربنا يخليكم لبعض
كنت بحب امشي حوالين حديقة الطفل اللي جنبي في مدينة نصر وبعدين كل كام يوم اشتري ورد عشان بحب الورد وبحب البيت يكون في ورد
المهم
اشتريت ورد وزي كل مره حطيته في الزهريه وكان من ضمن الورد ورده مقفوله كده صغيره وطبعا كل يوم اغير له الماء واحط مره سكر مره اسبريين رشة ملح صغيره جدا مايضرش وسبحان الله لاقيت البرعم ده كل يوم يكبر ويفتح لحد مااصبحت ورده عملاقه وكبيره جدا
في الوقت اللي باقي الورد كان دبل ومات
وهي دي الورده الحمرا اللي جنب اسمي دايما اصل انا كنت بصورها كل يوم عشان اسجل تطورها

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊