2009/01/13

محدش يعمل كده ...


الصبر من عندك يا رب


الساده الافاضل سكان هذه المنطقه العربيه

ممكن لو سمحتوا من فضلكوااااا وارجوكوا واتوسل اليكوا متعملوش كده؟؟؟

اولا متكونش بغبغان بلاش تردد كلام سمعته لانه اتقال بشكل
مترتب اوى فظبطلك الg وعللاك الd

يعنى متقولش فلسطين باعت ارضها

ومتقولش حماس تبطل تضرب

ومتقولش المقاومه ضعيفه وحماس حتخلص على الشعب

متقولش غزه والضفه وعرب 48 لان كلها فلسطين

والا حنرضى بالتقسيم والفرقه زي ما رضينا بالخريطه مكتوب عليها اسرائيل؟؟؟

كل دة كلام اسرائيل هى اللى بتروجه بنجاح غير مسبوق على لسان الساده الافاضل


ربنا لما خلقك ادالك عدد واحد "مخ" مش سندوتش يعني فكر شويه واختار انت فى صف مين؟؟ وضد مين؟؟

واى كلام ضد اللى انت فى صفهم متقولوش لانه مضر الى ابعد الحدودولما تقوله اسرائيل بتفرح زى اللى جاب 50 فى
امتحان الفزياءبتاع ثانويه عامه


كلمتين عن المقاطعه مختلفين شويه عن اللى فاتوا

يمكن احنا قلنا مقاطعه كتير ويمكن ناس تطنش

وناس تقول اضعف الايمان


ويمكن واحد خفيف كده يقول لنفسه مش قادر اعيش منغير بيبسى

حتعيش منغيرها أجلا اوعاجلا ....والا مسمعتش اللى حصل فى رفح المصريه؟؟


المقاطعه النهارده سلاح لا يقل قوه عن قطع البترول

وامريكا اللى سانده اسرائيل لو مقاطعتنا مش حتفرق معاها مكنتش سوقت منتجاتها فى السوق العربيه اصلا..

ماهو عددنا "الله اكبر" مش حاجه يستهان بيها

النهارده الانهيار الاقتصادى بيخلى المقاطعه اقوى الف مره

واللى نقاطعه النهارده بمزاجنا .. بكره مش حنقدر نجيبه غصب عنك

لان اللى بيحصل فى فلسطين النهارده جاى جاى


الدور الدور الدور الدور موؤده ياللى عليكى الدور

بالسلاح والقنابل وحجات كتيره غير دول



لو سمحت اقرا ده وانت مركزززززززز











هناك 16 تعليقًا:

فاتيما يقول...

الله يفتح عليكى يا دودا
المفروض فعلا محدش يعمل كدا
و يتنازل طواعية عن تشغيل دماغه
و الدور آت علينا لا محالة
دى مسألة منتهية بس الواحد ساعات يطنش أو يعمل زى النعام عشان يعرف يعيش و يعدى الأيام

فاتيما يقول...

أنا من أسعد الناس برجوعك
يا حبيبتى

dido يقول...

السلام عليكم
دودا ازيك ربنا يبارك فيكي يا رب
كلامك رائع ربنا يزيدك وفعلا لازم كل واحد يعرف هو مع مين وضد مين وميكنش موقفه مايع
ربنا يهدينا وينصرنا جميعا يا رب

mahasen saber يقول...

دودا حبيبتى كلامك من دهب
بس لليى يقدر
ولليى يفهم ويحس ويعرف ان اليى مش عاجبينهم دول مجاهدين
ولما بيموتوا بيموتوا شهدا وعشان عزة ارضهم وايمانهم بربنا

الله ينور عليكى

E73 يقول...

بسم الله الرحمن الرحيم
السلام عليكم ورحمة الله وبكاته
بجد يا دودا المدونة بتاعتك أكثر من رائعة بل أقل ما يقال عنها أنها مميزة و رائعة
ربنا يكرمك و يحميكي و يحمي كل المسلمين يا رب و يجعلها في ميزان حسناتك و تحقق الهدف منها يا رب خالص تحياتي

Diyaa' يقول...

فعلاً بقت الناس بتستسهل
بس فعلاً أنا معترض علي حماس في حاجة
المفروض يتصرفوا بحيث إن صواريخهم يكون ليها قوة تدميرية أعلي أو دقة في التصويب علي أماكن حيوية مش تنزل جنب عامود نور أو قدام عربية راكنة
ويفضل تتصوب علي تجمعات لعساكر عشان حجة الصهاينة متكونش إنهم بيهاجموا المدنيين ..غير كده أنا مقتنع بعكس كل اللي بيمليه علينا الإعلام الحكومي

ومقتنع إن المقاطعة هي السلاح الفوري العملي الوحيد اللي في إيدينا
بس نفسي الدعوة دي بقي يتبناها ناس عندها عربيات ووقت ..ناس تقدر تطبع وتوزع دعوة المقاطعة في النوادي وأدام المولات الكبيرة والهايبر ماركت الكبيرة
عارفين ليه ؟ لأن المترددين علي الأماكن دي بس هما اللي بينفعوا الشركات الأمريكية وفروعها في مصر
اه في مصريين بيشتغلوا معاهم..بس معلش يشوفوا بديل ويستحملوا خسارة كام شهر أحسن من هوان العمر كله

ويا ريت المقاطعة تكون مذكور جنبها البديل المناسب والمكافئ في الجودة أو علي الأقل مقارب ..وفي بضائع مش مهم جودتها لأنها مش ضرورية أصلاً زي الكولا الزفت اللي الحمد لله مش بشربها وأخر مرة اشتريتها كان من 5 سنين


فكرة بقي نشر الدعوة أدام الأماكن اللي بيتردد عليها الطبقة اللي مش بتدخل علي المدونات ولا الإنترنت محتاجة شكل تاني ..تفتكري يكون إيه ؟

بالمناسبة عايز أرد علي تعليقك عندي بس مش عارف..كنت فاكر إني كتبت ميلك مرة لما كنتي في عمر بوك ستورز..بس حتي مش فاكر كتبته فين
لكن عايز أقولك حاجة
مش تظلمي الرجال..المجتمع ككل بيميل للأنامالية من زمان ونتج عن كده إننا بقينا متكتفين بحاجات كتير وخوافين أوي ومعندناش ثقة في كل حاجة وإحنا نتاج للمنظومة دي وكل اللي بنملكه تحركات بسيطة ...بالمناسبة في فكرة إيجابية عايز اسألك عنها وبتتطلب حساب في البنك لشخص موثوق فيه 100%..بلغيني في ميل إستعدادك للمساعدة وهرد عليكي بالتفاصيل ..
السلام عليكم

محمد عتلم يقول...

شوفى يا دودا
انا قريت كل اللى انتى كاتباه وعندى طبعا تعليقات ونفسى اكتبها
وعشان اكتبها لازم اعرف مين سيادتك
والا انتى عايزه تزعلى الزغنن ؟؟

Empress appy يقول...

حبيبتى متفقه معاك اننا لازم نفكر
بس عاوزه اقولك حاجه فى سرك بخصوص الغاز مصر متقدرش متصدرش الغاز راجعى اتفاقيه كامب ديفيد ومن شروط عقد الغاز اللى اتعمل معنى ان مصر تقطع الغاز بتعلن الحرب رسمى فهمى نظمى
وهتكتشفى انك وفى المعاهد الجيش بيتقلص 250 الف ومعندناش اسلحه الموضوع مزفت بزفت بجد

محمد عتلم يقول...

بس بس بس
أفشتك وعرفتك بس مش هقول انتى مين عشان الناس

KHALED يقول...

طب ممكن أقدملك عدد واحد وردة بيضاء
علشان تهدى نفسك شوية

KHALED يقول...

من الإنفعال

Unknown يقول...

السلام عليكم ورحمة
الله تعالى وبركاته
والله يادودا انا لسه
جاية من مدونة بتقولك
حماس هى السبب وهنية بيحارب
بدم غيره وقاعد فى المخبأ وعمال
يخطب ويتكلم بس ومشعل قاعد فى
دمشق ومطمئن وانها زعلانة اوى
علشان الاطفال بس !!!والله يادودا
لو كان صهيونى كتب التدوينة ما كان حيبقى فيه هذا الكم من الكراهية
لحماس والمسلمين انا رديت عليها لكن للاسف هى عاملة مودريشن وما أظهرته
لما احنا هنا فى بلاد العرب والمسلمين بنقول كده الغرب بقى اللى معمولهم
غسيل مخ اساسا يقولوا ايه ؟
حسبنا الله ونعم الوكيل

mostafa rayan يقول...

طبعا المقاطعة سلاح فعال جدا

Unknown يقول...

جزيت خيرا علي الموضوع

و علي زيارتك مدونتي

لاتحرميني من زيارتك دائما

تقبلي مروري

خديجة عبدالله يقول...

انتى عسل وبتفهمى ربنا يزيدك فهما وعلما وعملا صالحا متقبلا إن شاء الله

فى ناس كتيير نجح الاعلام المشوه والتعليم المشوه والحاجات الكتير المشوهة فى تغييبها ومش تغييبها بس ده أصابوها بعمى تام .. ربنا يهدى الكل

شكرا لزيارة لمدونتى فرحت جدا بيها ومش تقطعى الجوابات :) .. دمتى بكل خير

حرة المداد يقول...

وصيتان من اهل غزة
أولا: التضرع الى الله بالدعاء ليلة الجمعة ويوم الجمعة وبخاصة في ساعات الاجابة (عند الزوال-عند خطبة الجمعة-قبيل المغرب) أن يغيثهم الله ويفرج عنهم ويربط على قلوبهم ويثبتهم وينصرهم نصرا عزيزا مؤزرا كنصر بدر والاحزاب. وأن يهلك عدوهم وينتقم من كل من عاونه (يقولون في دعائهم: اللهم انا راضون عنك فهل رضيت عنا.......اللهم انا نرضى ان نقطع الى اشلاء في ارضنا ولكن لا نرضى ان تسقط راية الحق في غزة....اللهم اعل راية الحق ولا ترفع راية للصهاينة ولا للمنافقين العملاء في أي شبر من غزة)

ثانيا: أن يكون الغد يوم غضب ونصرة في كل بقاع الأرض وأن ينفر المسلمون للتظاهر والاعتصام عقب صلاة الجمعة للضغط على حكوماتهم بوقف الحصار وفتح المعابر فتحا كاملا وقطع الغاز والبترول عن الصهاينة وقطع العلاقات معهم.


هذه الرسالة أنقلها لكم من قناة الأقصى والمكتب الاعلامي للمقاومة ومن اتصالات كثير من أهل غزة بالعلماء في الفضائيات المختلفة.

ألا هل بلغت .......اللهم فاشهد.