2009/02/08

انا ام العروسه



























مش حاقدر احكى فرحتى لان الفرحه بس تتحس والحمد لله الاحساس وصل لاصحابه...

كأنه كان حلمى انا
بجد انا حسيت انى ام العروسه...
مي صحبتى وغاليه عندى بلا حدود
اللى هى كتبته كنت حريصه انى ماقراهوش قبل ما تنشره...
وكان عندى حق انى احكم فضولى واهتمامى
ضبط النفس

والنهارده لما قريت اللى اتكتب مصدقتش نفسى!!!!!
نقطه ميه فى قلب الصحرا تبل الريق
نسمه بارده فى عز الصيف ..وانت عرقان وزهقان..
شال كشمير دافى وناعم يلفك وانت بترتعش من البرد
لاااااااااا
اللى مي كتبته احلى من كده
عارف حلاوه ونعومه الشوكلاته السوسريه المفتخره
لما تكون مستفرد بيها
وف نفس ذات الوقت بتسمع فيروز
فى بلكونه والدنيا بتمطر
وانت ورا الازاز
دايب فى الشكولاته والمطر وصوت فيروز
لاااا لاااا لاااا
اللى مى كتبته احلى بكتييييير من كده
مش مصدقين؟؟
اللى مي كتبته

ختم مغادره

لازم تقروه والحكم ليكوا انتوا
ومين يشهد للعروسه؟؟؟؟؟!!!!!
اما عن مشيره...
مش عارفه اقول ايه البنت اضمحلت من الكسوف
لدرجه ان حفل التوقيع كان سرى!!

محدش قالها غير قبلها بيوم...
وتقريبا كانت بتفقد 1\4 متر من طولها
كل ما حد يقولها وقعى!!!


الا انى اتنبأ من اول كلمه كتبتها انها حتبقى كاتبه كبيره اوىىىىىىىىىىىىىىىىىىىىىىىىىىىىىىى
وده ان شاء الله قريب اوىىىىىىى
فاتيما روح القلب سربت حبه حاجات من الكنترول...
والنصيحه اوعى يفوتك الكتاب ده...
وسيب الكلام الحلو يطبطب على روحك شويه

حاجه سابت عندى علامه مش عاديه
ان توصف مؤلافاتهم من ناقد قدير بالطازجه.. الناضجه..البكر

فهى خلطه من التميز لا يستهان بها....
ربنا يوفقهم ويحميهم
وعقبال عندكووووووووو جميعا





هناك 13 تعليقًا:

صوت من مصر يقول...

بجد كلام جميل ؟
والعروسه مبدعه وتسلم ايدها ؟

صوت من مصر يقول...

تانى تعليق اهداء منى لدودو ؟

عين فى الجنة يقول...

مبروك الاصدار الجديد
ولكى الشكر على المشاعر الطيبة

فاتيما يقول...

طيب يا ست تحية
قصدى يا ست الهوانم
ألف مبروك علي مى و عليكى و علينا كلنا
و ما زلت مصرة إن ميومة لازم تعمل ديوان كامل عشان ملحقناش نشبع من جمالها
طب تتصورى و هتصدقينى لو قولتلك
إن تعبيراتك بتاعة الشكولاتة و فيروز و الدفا كانت فى بالى أكتبها فى البوست بتاعى ... و حياة يوسف زى ما بقولك سبحان الله توارد الأفكار بيبنى و بينك دا مش حاجة كدا و تعدى
لأ ...دا معناه إن مى فعلاً بتوحى بالحاجات دى فى شعرها
يعنى كلامها كله رقى و ونس و دفا
و يخلى عندك كدا حالة إمتلاء روحانى متبقيش محتاجة حاجة بعده غير إن تصمتى خشوعاً و تستمتعى بلحظة تلقى الجمال و هو يتدفق ...
الصورة المرسومة دى تحفة
تسلم إيدك ياحبيبتى
و عقبال ما أفرحلك الفرحة اللى فى بالى إن شاء الله ...
بحبكم قوى
قوى

البت المشمشية حلوة بس شقية يقول...

مبروك الاصدار عقبالنا

mahasen saber يقول...

يا جميله يا دودا دايما رائعه
وعندك احساس عالى بالمحيطين بيكى

ربنا يوفقهم وينجحهم دايما وكتابهم يلاقى نجاح رائع

ويكرمك على روحك العاليه دى يا حبيبتى
ويباركلك فى كل من تحبين

مي بهاء الدين يقول...

صمت
خجل
ارتباك
.
.
.
مش عارفة اقول ايه؟؟ بس
فرحتي بفرحتك أكبر بكتيييييير من فرحتي بالكتاب..
انتي غالي عليا أوي بجد وأول ماشفتك انتي وفاتيما جالي كمية أحاسيس مش عارفة أوصفها..انتوا ازاي حلوين كده؟
الواحد لو ماعندوش في الدنيا غيركوا أصدقاء يبقى مش ناقصه أي حاجة بجد
كمية الحنان والدفا المنبعثة من العيون تكفي الكرة الأرضية والكواكب المجاورة...بحبكوا أوي أوي
المشمولة بالحنان
مي بهاء

غير معرف يقول...

رضوى...انا بجد مش عارفة اقولك ايه؟
وجودك ومشاعرك وحميميتك المعتادة فرحتني جداً وكلامك شرف كبير ليا...فرحتي بصدور المجموعة بجد متقلش عن فرحتي بمشاعرك.
اتمنى ليكي كل السعادة
مشيرة محمود

محمد عتلم يقول...

ازيك يا دودا

رئيس جمهوريه نفسى يقول...

الف مبروك لمي وعقبال الاعمال الكاملة ان شاء الله

فشكووول يقول...

ازيك يا دودا يا ام العروسه
ايه يا بنتى دى النعومه والرومانسيه دى .. انت بتقولى كلام حلو قوى .. خدت بالك انت قلت ايه:

كنت بحس الدنيا دى ملكى
وقت ما بفرح أو حتى ابكى
بفتكر بس ابتسامتك
القى الدنيا خلاص فى ايديا
حقيقى جرحك اثر فيا

انت خدت بالك ولا الكلمتين الحلوين دول طلعوا من نعومة عقلك ورقة قلبك وانت مش حاسه
تحياتى يا دودا

Unknown يقول...

ألف مبروك الكتاب
ومن ناجاح لنجاح إن شاء الله

غير معرف يقول...


Color correction is the process to change the color of an image or video..Shadow Creation It means correcting the lighting, white color balance, red or blue color balance, so that the image looks more clear or natural