2009/02/13

كلنا بنحبها..



جوايا قلب شجر مقلوع
بعطش اليكى واحن واجوع
يا اللى انت حبك حريه
فى العشق اه ولا شىء ممنوع
يا سمره
شافيفك لما بتتنهد
انا بستشهد وبعيش فى النار
عيونك لما بتتلفت
انا بتفتفت ملحقش احتار
ضمينى خدينى انا لاجئ
لاول مره بكون صادق
موتنى العشق ومش فارق
ليل والا نهار
يا سمره
الجنه قصادى بتتفتح
عينيكى بتسكت وتلمح
وتقول اسرار
هزينى بسحرك من جوه
دا انا قلبى لا حول ولا قوه
ضد التيار
انا عارف انى ماليش دية
فى عنيكى ديه
ف اخر المشوار
ضمينى خدينى انا لاجئ
ولاول مره بكون صادق
موتنى العشق ومش فارق
ليل والا نهار

يا سمره




هناك 24 تعليقًا:

Unknown يقول...

كلنا نعشق تلك السمرة

dr_samarmar يقول...

:)
:)
:)

جميلة أوى أوى أوى

تسلم اديكى بجد

ياريت بس نكون نستاهل نعيش فيها و ياريت ندافع عنها صح :(

مصطفى محمد يقول...

سلامو عليكو

ازيك يا دودو .. اقتباس مناسب في وقت سمعة مصر فيه أصبحت مضغة الأفواه .. و معلش على الاختفاء و التقصير .. هو فعلا الشغل و البحث عنه .. ادعيلي و انا ادعيلك


:))

فشكووول يقول...

مين السمره دى يا دوده .. انا خايف لا تكون اللى مدوخانا كلنا وكاويانا بنارها وبرضه متنيلين على عنينا وبحبها .. منها لله
مافيش امتحان ولا حاجه .. فشكول رجع يفشكل ويتفشكل
تحياتى يا دودا يا جميله

صوت من مصر يقول...

للاسف بحبها
وللاسف بعشق الاغنيه دى ؟
بس كلامك فى التعليق بجد غريب جدا

اعشق فى الليل ضوء القمر يقول...

انا بحب الأغنيه ديه كثيرا
منير ده مبدع أنا
لكن لو كلامك على مصر منين ما بيحب مصر الغريب و القريب بيحبوها
ولا لو كان قصدك العروبه انا بكرها
نرجع للموضوع
إختيار موفق
أنا فرحت بفرحك بخروج فليب انا قرأت عنه كثير وعرفته منك شكرا ليكى


تقبلى مرورى

مسدس صغير يقول...

يا سلام بقى يا دودّا لما تسمعيها من منير حاجة ولا فى الاحلام.. صوت دافى مع كلمات دافيه.. ايه البرد اللى احنا فيه ده؟؟
كلنا بنحبك من غير كلام.
......

عمرو جويلى يقول...

السلام عليكم
الأخت الكريمة :دودة أنا أحب مواء رضيت أو لم أرضى وعلى رأى الست أم كلثوى مصر التى فى خاطرى وفى دمى. بس أحساسى إن مصر مظلومة معنا فلقد أهدرنا كرامتها . ومبروك لخروج فيليب وشكر لى زيارتك وتعليقك المميز دائما
تحياتى

GiGi world يقول...

احلى حاجه حب الدين والوطن بجد

الفقيرة إلى الله أم البنات يقول...

حلوة قوى قوى
وجميله جدا"
تسلم ايدك بجد
هو حصل ايه المدونين كلهم بطلوا يكتبوا مقالات ونزلين خواطر وشعر واغانى..بس حاجه
بجد جميله..وايه كلماتكم الرائعه والمعبرة والصادقه دى
تسلمى بجد

ريمان يقول...

معاكى طبعا حق

كلنا بنحبها ومنقدرش ابدا نستغنا عنها


كلماتك بجد جميله اوى

تحياتى ليكى حبيبتى

ريمان

طوبه فضه وطوبه دهب يقول...

اكيد كلنا بنحبها هذا مالايختلف عليه احد مهما حصل ومهما اتغير احنا منها وهى منها

KHALED يقول...

العيب مش فى البلد .. العيب فى الشعب إللى سايب الحكومة تبيعة حتة حتة لما ماحيبقاش لينا فيها حتة ..

محمد الدخاخنى يقول...

لو لم أكن مصرياً...كلمات جميلة توضح مدى حبك الصادق لبلدك وليس العيب فى بلدنا ولكن العيب فى حكومتنا التى ستزول عما قريب بإذن الله

غير معرف يقول...

انتى صحيح جيتى اسطبل عنتر

يا مراكبي يقول...

فعلا كلنا بنحبها .. رغم كل شيء ورغم ي شيء .. ودي حاجة بتميزنا عن شعوب تانية كتير

وعلى رأي صلاح جهين

عـلى إسـم مصـر التـاريـخ يقدر يقول ما شاء
أنـا مصـر عنـدى أحـب وأجـمـل الأشـيـاء
بـاحبـها وهـى مالـكه الأرض شـرق وغـرب
وبـاحـبها وهـى مـرمـيـه جـريحـة حـرب
بـاحبـها بعـنـف وبـرقـة وعـلى استـحيـاء
واكـرهـهـا والـعـن أبوهـا بعـشق زى الداء
واسيـبها واطفـش فى درب وتبـقى هى ف درب
وتلـتـفـت تـلقـيـنى جنـبـها فـى الكـرب
والنبـض ينفـض عروقـى بألف نغـمة وضرب

محمد عتلم يقول...

حلوه الاغنيه يا دودا وكلنا طبعا بنحبها

Che_wildwing يقول...

كله بيحبها
بس الحب انواع
في ناس بتحب بجد
وناس بتحب مصالحها

فشكووول يقول...

السلام عليكم يا دودا
اشكرك على التعليق
آهى فشكله وخلاص
الواحد بيفش غله فيها
تحياتى

بنوتة يقول...

السلام عليكم
رائع جدا
كلام جميا أوى مصر لو كتبنا فيها كل يوم قصيدة مش كتير عليها
تحياتى ليكى

dido يقول...

السلام عليكم
ازيك يا دودا وعامله ايه
واااه منها السمره اللي مجنناني دي بموووت فيها
بموت انا في جو الوطنيه ده اوي

تسنيم محمود حسين يقول...

السلام عليكم ورحمة الله وبركاته

ماأجمل هذه الكلمات......كلمات راااائعه جدا...
وفعلا كلنا بنحبها وبنمووووووووووووت فيها.....

والسلام عليكم ورحمة الله وبركاته

eng gam3a يقول...

جميلة جدا

صحيح يمناسبة جميلةليه مش كملتي القصة ؟؟؟




والسلااااام ختاااااااام

إيمان يقول...

يا سلام يا دودا ...هو ده إللى انا عايزه أقوله من الصبح
بجد مصر بلد تستاهل مننا اكتر من كده بكتير والعيب فى ولادها مش فيها
تحياتى على الموضوع