2009/02/15

قِسمه...


القِسمه قسمت الناس نصين

نص طحين

ونص ملتوت فى العجين

متقولش انت مين وانا مين

كلنا فى الرحايا مطحونين

كلنا من طين مش من عجين

فوق يا مسكين

كلنا لها

هناك 41 تعليقًا:

mohamed ghalia يقول...

عندك حق كلنا مطحونين
دمتى بكل الود

عمرو جويلى يقول...

السلا عليكم
الأخت دودة
متقولش انت مين وانا مين

كلنا فى الرحايا مطحونين
الله ...الله ..صدقت .كلمات غاية فى الروعة
تحياتى
وأشكرك على التواصل

د. ياسر عمر عبد الفتاح يقول...

ايه الفلسفة دى كلها
كلام قليل .. بس فى الصميم
وهوه ده المطلوب

yomna يقول...

جميله بجد معبره اوي

تسلم ايدك:)

Mkjwe يقول...

loOl

SemSem يقول...

كلمات قليلة معبرة

دمتى بكل بخير
البوست الجديد نزل الحمد لله وشكرا على السؤال

حاجات جوايا يقول...

عندك حق والله
كلنا لها
تسلمى يا جميل

blue-wave يقول...

الله الله على الكلام المحبط دا:))

صوت من مصر يقول...

احنا مين وهما مين
احنا الناس بالطول والعرض
وهما بياكلوا حمام وفراخ
واحنا بنركب اتوبيسات
بجد تحفه

tarek alghnam يقول...

الله عليكى
فعلا كلنا لها
كلمات رائعه بسيطه تدخل القلب
وثؤثر فى العقل
بارك الله فيكى
ودمتى بحفظ الله

dr.lecter يقول...

عجبي

simply me يقول...

ونفوق ليه
خلينا كده ناسين احسن

*البت المشمشية *حلوة بس شقية * يقول...

وحددووووووووووووووو
كلنا من طين صح
وعندك حق والله كلنا لها

*البت المشمشية *حلوة بس شقية * يقول...

ملحوظة صغيرة المدونة بتاعتى طارت اللى انا دخلت بيه ده مدونة جديدة بس بنفس الاسم زيها بلظبط ياريت تضيفه لينك المدونة الجديدة عندك وياريت تعملى تنويه بكدة دى خدمة منك يعنىhttp://o0mshmsh0o.blogspot.com/

17

عبد الحميد محمد يقول...

اول زيارة لى لصفحتك
واجهتني تلك الكلمات المنثورة بروعة ودفء
فعلا انها القسمة عزيزتي
والتي لا نملك منها الا ما يمسنا

كل التحية

اعشق فى الليل ضوء القمر يقول...

مين العاقل فينا ومين مجنون
مين المدبوح من الألم
مين ظالم فينا مين مظلوم

eng gam3a يقول...

وفي ناس مظلومين
وناس مش فاهمين
وناس ملهاش ولا في الطور ولا في الطحين
وفي ناس مريشين
وفي القصور ساكنين
مش قلقهم طابور عيش ولا رواتب موظفين

يبقى أكيد احنا اللي مساكين




والسلاااااام ختااااااااااام

الفقيرة إلى الله أم البنات يقول...

حبيبتى صح
يا اللى مش واخد بالك ان كنت يوم طحين بكرة تبقى عجين
دمت فيلسوفه
ما قل وغلا


احبك فى الله يا حبيبتى فى الله

Fahd يقول...

اولا احب ابدي اعجابي بثقافة الحبوب دي والبقوليات

ثانيا حكمة بسيطه وتثير الخيال فعلا

احنا عبارة عن حفنة طحين شوية فوق الارض وبعد شوية هنتعجن في الارض

شيء مفزع بجد

جسمي كله عنيا ودراعي وقدمي هيكونوا مزوجين في عجين الارض

ياه تصور مفزع جدا

ربنا يسامحك

بنوتة يقول...

الله عليكى
بجد كلماتك عجبتنى اوى لانها معبرة اوى
وطبعا للاسف هو ده الواقع
تسلم ايدك
تحياتى ليكى

محمد الدخاخنى يقول...

قد يختقف تعليقى عن االسابقين..لأننى أعتقد أن من رضى ان يكون "مطحوناً" سيصبح ويبقى مطحوناً أما من رضى غير ذلك فله غير ذلك

لا أتمنى لكِ حظاً سعيدا! ولكن أصنعى أنتِ الحظ بنفسك ولتغيرى كل ما تستطيعن تغيرة

تحياتى

KHALED يقول...

أعتقد إن إللى محتاج يفوق هوا إللى مش فاهم وواعى للكلام الجميل بتاعك دة


تحياتى

قوس قزح يقول...

هى دى سنة الحياة
المهم لما اتعجنا طلع منا ايه
فى ناس يطلع منها احلى تورتات تزين الحياة
و ناس يطلع منها علف للحيوانات

هنا لازم نسال نفسنا احنا عايزين حياتنا تكون نتيجتها ايه


البوست جميل و كلامه تحفة و عميق
تحياتى

ahmed_k يقول...

كلمات جميله ورائعه في تعبيراتها
فخير الكلام ما قل ودل
وهكذا هي الدنيا وأهلها
وقد أخبرنا رسول الله صلوات ربي وسلامه عليه في حديث سبعة كتبن على ساق العرش
أن إحداهم لا راحة في الدنيا
وقال الله سبحانه وتعالي
(ولقد خلقنا الإنسان في كبد)
أي معاناه ومشقه
فتلك قدر الله
والرضا بقدره أفضل الطرق للتعامل مع رحايا الحياه

دمتي مبدعة متالقه

في أمان الله

الحرامي يقول...

كل حاجه قسمه
وكل الناس متقسمين
بس في مصر ناس مطحونين وناس علي كل حاجه مكوشين
وناس عايشين وكأنهم مش عايشين
وناس مساكين وناس كل حاجه ماسكين
وناس
وناس
وناس
......
...

Unknown يقول...

بصراحة اول مرة اخد بالى من شعر وفية كذا حكمة مش حكمة واحدة
تلسم ايدك

قيس بن الملووووح يقول...

اعجبني تناولك للموضوعات..ادعوك لزيارت مدونتي الليدة كي نستفيد من خبراتكم.

حسن ارابيسك يقول...

ياسلاااااااااااام
صحيح وصدقتي كلنا في الرحاية مطحونين
بس الفرق اننا فعلا من طين مش من عجين
وعلى رأي ستي
كانت تقولي ياواد ياحسن
كلنا في الهوا سوا
اعجابي الشديد بقا ب
ام العروسة
انها العلاقات الانسانية ياعزيزتي عندما تصبح صادقة وخالصة من القلب انت فعلاً ممن يقدرون تلك العلاقات وتلك العلاقات بطبيعة الحال تفرض الكثير علينا تجاها بحب ورضى نفسي وعن طي خاطر
وتدوينة
كلنا بنحبها احييكي عليها
تحياتي
حسن أرابيسك

Heba Sayed يقول...

الله كلماتك جميلة اوى

كلنا ف الريحا مطحونين

انتى مبدعة

دمتى بخير

yomna يقول...

كلامك معبر جدا بجد

تسلم ايدك:)

فشكووول يقول...

العزيزه دودا .. تحياتى
يا ترى انا فى النص انهه.. متهيألى انا فى النص الطحين .. وشويه منى فى النص الملتوت فى العجين
طب انت فى النص انهه
والمشكله انى مش عارف افوق
كل ما افوق آخد حجر فى دماغى يقوم يدوخنى ويدوخ اللى خلفونى
ما عندكوش شقه فاضيه عشان الايجار بقى بألف جنيه فى الشهر
اصل البلد دى ما بقتش بتاعتنا بقينا غرب فيها
تحياتى

snohe يقول...

كلمه ( رحايا )
كلمه معبره جدا
اتذكر اغنيه محمد منير
بينى وبينك ايام ويعدو

استخدم محمد منير كلمه رحايا فى الاغنيه بصوته الشجى
تعرفى حقيقى الدنيا فعلا رحايا

اتمنى لك كل السعاده
تحياتى

خديجة عبدالله يقول...

مبدعة انتى .. لا بل انتى رائعة
خير الكلام ما قل ودل
كلمات موزونة ماشاء الله
لعلها تبحر بنا فى دهاليز أخرى
ربنا يكرمك يا جميل :) ودمتى بخير

Amgad يقول...

ازيك يا دودا
يا رب تكوني بخير
مش فاهم عايزة تقولي ايه
من نص طحين ونص في العجين
قصدك يعني نص طاحن ونص مطحون؟؟
مش فاهمها بالظبط

Unknown يقول...

جميلة ا/ دعاء
شعراً و كلاماً و معنى
-----
ياريت حضرتك تشرفينى فى مدونتى هنا
http://ta3melboyout.blogspot.com/

ديه مدونة قديمة بس مكنتش منشطها و دلوقتى نشطها ياريت تنورينى
انا ضفت مدونتك عندى فى القايمة
و حتابعها ان شاء الله

Unknown يقول...

(متقولش انت مين وانا مين)
كلنا من ادم وأدم خُلق من تراب
حلوة اوى يادودو.

محمد عتلم يقول...

انا كنت ماشى جنب المدونه فقلت احود اطمن عليكى واشرب كباية شاى عندك
ازيك ؟؟

عين فى الجنة يقول...

هذا المسكين : ودن من طين وودن من عجين
قليل اللى بيسمع ونادر اللى واخد باله انه راجع للطين

Ehab يقول...

يعني انا قعدت افكر وافكر في الكلمتين دول
حسيت كده اني جسمي وجعني ودماغي اتفشفشت
ليه بس كده
مين اللي قال اننا ويا الطحين
هنا كلنا وسط العجين
مين اللي قال كلنا في نفس الرحايه مطحونين
ده كل واحد مننا اختارله سكه موت هناك
اختار يموت في غربته وفي طحنته
وحده يكون مطحون
ووحده برده يموت
علشان يا بنتي كلناكده خجلانين
من اننا هنا مطحونين
فكل واحد مننا
قرر يدور بره رحايتنا الحنونه المؤذيه
يمكن يلاقي رحايه تانيه حنينه
ولو هاطاوعك واسمعك
واقول كلامك شيء اكيد
مش في استجابه بتختلف
للطحانين
في ناس ضعيفه بتنكسر
في ناس ورق بتعدي من تحت الحجر من غير خساير او الم
في ناس حجر
ومعصلجين
يقف الحجر كده قبلهم
وعمنا الطحان عليه يشيلهم من الطريق

علشان كده انا نفسي اكون زي الحجر
تقف الرحايا قبل مني مجبره
وغصب عنها تنتبه
يا اما هابقى زي ورقه صغيره
واسلك واعدي بدون قلق

======================
سلااااااااااااااااااااااام

ابن المليونير يقول...

فوق يا مسكين
و ارجع للأنين
ويا نفسك و الحنين
يمكن تقدر تخلق جنين
من رحم الألم و الصوت الشجين
متشكلين بكل يوم مُهين

حلك بجبنك .. ارجع لفقرك لزهدك لطهرك
و اياك تمد ايدك لعقلك لعلمك
جهلك صديق..مريح مطاوع
وهيوصلك...للموت الرحيم

اسماء عوني يقول...

حلوه اوي
انتي اللي كاتباها ولا ايه ؟