موسم التزاوج
مع ان الدنيا مش راضيه تبقى ربيع
والجو يرفض ويأبى ان يكون بديع
الا ان الطيور مش سايبه حقهم
اللى جه وقته وأن اوانه
موسم التزاوج عند الطيور
اوعى تفوتك الظاهره دى
الكروان والبلبل والحسون والعندليب
مش فى الحواديت بس..
لا اليومين دول تشوفهم
كده ع الشجر
اخر مزاج وسلطنه
والحان ملهاش مثيل
ليه بقى؟؟
بيطلبوا الود من صاحبات العصمه
وبيخطبوهم بالطريقه الاكثر رومانسيه على الاطلاق
والا اليمام مش ححكيلكم عن اليمام بقى॥
الرقه والهيام والحاجات دى بقى
اوعى تفوتك الظاهره
الفجريه والمغربيه
وم الاخر العرض مستمر
كل عام وانتم بخير
وعقبال عندكوا
------------------
شوية الحاجات بقى
انى مقدمه على طلب اجازه
تدوينه
لان المزاج مش تمام
وهذا للعلم
والمطلوب من كل اللى بيزورونى حاجه واحده بس
دعوات مكثفه
بس
اشوفكم بخير
والسلام ختام
مع ان الدنيا مش راضيه تبقى ربيع
والجو يرفض ويأبى ان يكون بديع
الا ان الطيور مش سايبه حقهم
اللى جه وقته وأن اوانه
موسم التزاوج عند الطيور
اوعى تفوتك الظاهره دى
الكروان والبلبل والحسون والعندليب
مش فى الحواديت بس..
لا اليومين دول تشوفهم
كده ع الشجر
اخر مزاج وسلطنه
والحان ملهاش مثيل
ليه بقى؟؟
بيطلبوا الود من صاحبات العصمه
وبيخطبوهم بالطريقه الاكثر رومانسيه على الاطلاق
والا اليمام مش ححكيلكم عن اليمام بقى॥
الرقه والهيام والحاجات دى بقى
اوعى تفوتك الظاهره
الفجريه والمغربيه
وم الاخر العرض مستمر
كل عام وانتم بخير
وعقبال عندكوا
------------------
شوية الحاجات بقى
انى مقدمه على طلب اجازه
تدوينه
لان المزاج مش تمام
وهذا للعلم
والمطلوب من كل اللى بيزورونى حاجه واحده بس
دعوات مكثفه
بس
اشوفكم بخير
والسلام ختام
هناك 28 تعليقًا:
الربيع جميل بس عليا انا مابيكونش جميل لزوم الحساسيه والادويه
رينا معاكي وترجعي المدونه بالف سلامه
وان شاء الله اجازه سعيده
ربنا يهيئلك كل الخير وييسرلك جميع امورك
السلام عليكم
بقا كل الرومانسيه الجميله دى والمزاج مش تمام
انا مش موافق على الأجازه دى خدى راحه وخلاص انما لازم تتابعينا فى مدوناتنا البلوجر من غيرك ينقص كتييييييييير اوى
وبمناسبة موسم التزاوج والربيع كل سنه وانتى بخير ومعانا دايما مش تسيبينا وربنا يخرجك من المود ده على خير ان شاء الله
تحياتى
بكره الربيع علشان اسباب كتيره منها الناس بتستظرف زياده عن اللزوم وبيفكرني بايام المدرسه وبالفسيخ والقرف ده
واغاني سعاد حسني والهبل بتاع الناس والضحك علي الدقون
يالاا هيصي بس ماتوقيش كتيير مستنيينك
انتى بتحدسى الطيور ولا اييييييييه
وبعدين خدى هنا
هتاخدى اجازه ليه بس؟
طب مش تغيبى عننا بقى حبيبتى
ماشى؟
اوعى تغيبى
هتوحشينى والله
كدا بوظتيلى موسم التزاوج بالخبر
اللى فى الآخر ده
عصافير إيه و حمام إيه بقى
و سيادتك ناوية تغيبى عننا شويتين ؟؟!!
طب لو سمحتى بلاش تاخدى أجازة من التعليق عند الآخرين و خصوصاً أنا
لأن قلبى هيوجعنى و دايما تعليقاتك و كلماتك و حضوناتك و بسابيسك بتعمل فرق كبييييييير عندى
و رأيك كمان ضرورى فى حاجات كتير ....
خلى بالك من نفسك طيب
و عودى سريعاً
و طمنينا عليكى
حضونات و بسابيس
فعلا الجو مش بديع ولا حاجة
والظاهرة دى بديعة بس عايزة واحد فاضى
ههههههه
احييكى على البوست
خليكى معانا بلاش تخدى الاجازة دى.
على فكرة الاجازة التدوينية مش كويسة وبتضر اكتر ما بتنفع..
وع العموم ترجعى لينا بالف سلامة
دودو تروحى وترجعى بالف سلامه يا جميله
بس متطوليش الغيبه
ممكن
دودا
السلام عليكم
أنا أتابع هذه المظاهر العجيبة فى خلق الله عز وجل كل عام وأدم الله عليكً
الصحة والسعادة
دمت بكل الخير
اوك هتاخدى الاجازه بس عن ثقه انتى هترجعى
وثانيا لست من عشاق العصافير
مش عارف ليه
انا عاشق للزواحف
تعابين
وفيران والحاجات دى يعنى بحبها
ربنا يكرمك ويسعدك وترجعيلنا على خير
المهم الا يطول الغياب علشان عايز اسمع رايك في سنه اولي زواج اخر تدويتني
يعنى يوم ما اجى ازورك الاقيكى ماشيه؟؟
ينفع كدا؟؟
عموما ربنا معاكى يارب
فرحت جدا بوجود بوست جديد و عندما اكملته هالنى حاله من الحزن المفاجئ الشديد
ممكن كده لو اجازه انا موافق غير كده مينفعش وبسرعه علشان مستنى وبزعل لما بستنى كثير
طلب ممكن تعدى على قبل ما تأجزى
احب اضيف معلومه برضو ما ينفعش اعدى كده دا موسم تزاوج القطط والكلاب كمان فى الربيع والخريف للى عايز يتابع برضو ولو هتقفلى المدونه ابقى استنى نعملها سوزا احسن الناس كلها على اخرها ربنا يهدى لك الحال وتنالى كل ما تتمنى ادعى لنا انتى بقى
؟؟؟؟
مالك يا دودو
الكالم جميل ورقيق بس مالك حساكى مش مبسوطة
يارب تبقى كويسة
أنا شايف كده نغمة حقد على الطيور
عموما أنا مستعد "أحقد" معاكي برضه
ههههه
مين بقى اللي هيمضيلك على ورقة الأجازة دي؟
وحشتينى
بوست جميل و يشع بهجة و سرور فى ايام حر ومش ظريفة, تحياتى
ترجعى بالف سلامه
وربنا يفرج كربك وكرب المكروبين ويراضيك على قدر ما ادخلتى من فرح على قلبى..وانت تواسينى
واعلم انك تعملى فى مجال يأخذ من مشاعرك الكثير
اسأل الله ان يفرح قلبك ويرضى عنك
أظن الأجازه كده طولت زياده عن اللزوم
أنا قطعت اجازتك ولازم تحضرى حالا لعالم التدوين
انتي فين يا قمرة؟ بقالك كتير مختفية عن مدونتك ومدوناتنا.. لعل المانع خير
وحشتينا وقلقتينا عليكي
كل سنه وانتي طيبه يا دودا
رمضان كريم
:):)
فيه ايه يا بنتي؟ فينك؟ انتي وحشتيني اوي ومش عارفة اوصلك عشان اطمن عليكي .. مش معايا رقمك ولا ايميلك طيب اعمل ايه؟ جيتي على بالي اوي امبارح وافتكرتك لما قلتيلي في التليفون ارقي عمر بالرقية الشرعية كل يوم قبل ما ينام.. حبيتك كتير اوي بعد المكالمة دي.. انا اصلا كنت بحبك بس حبيتك اكتر.. يا رب تكوني بخير دايما
لو حد شايف انة بيفهم فى العصافير يضيفنى على الميل دة ضرورى محتجلكوا
شركة مكافحة حشرات بالرياض
شركة مكافحة النمل الابيض بالرياض
شركة كشف تسربات المياه بالرياض
شركة عزل خزانات بالرياض
شركة نقل اثاث بالرياض
شركة نقل اثاث
شركة تنظيف بالرياض
شركة تنظيف فلل بالرياض
شركة تنظيف شقق بالرياض
شركة تنظيف منازل بالرياض
شركة تنظيف خزانات بالرياض
شركة رش مبيدات بالرياض
شركة مكافحة حشرات بالرياض
شركة مكافحة النمل الابيض بالرياض
شركة كشف تسربات المياه بالرياض
شركة عزل خزانات بالرياض
شركة نقل اثاث بالرياض
شركة نقل اثاث
إرسال تعليق