2010/08/01


جبل

ترى هل هناك ما او من قد يعيده

كيف فقدته هكذا دون ان تحاول التمسك به؟؟

وكيف يفقد شىء فى هذا الحجم ويختفى؟؟

اتراها معجزه ام كارثه تلك التى تسببت فى اختفائه؟

-------

اعتادت هى ان يكون لها جبل شاهق

كانت تلازم قمته

بل كانت اقدامها مثبته على تلك النقطه المدببه فى اعلى قمه هذا الجبل...

لم تشك هى او اى ممن يعرفها ان يراها يوما دونه

فهو جزء لا يتجزأ منها

انه جبل صنعته بنفسها

من الثقه بالنفس

اكتسبت مكانهاالعالى بمرور ايام وخبرات علمتها الكثير وصقلتها

جعلت منها سيدة هذا الجبل عن جداره

فى ظروف لا يعرفها احد اختفى الجبل

ظلت هى تهوى

على عكس قوانين الطبيعه

الهبوط بطىء مؤلم وخانق

وكأنه العد التنازلى لعمر لم تكن نعرف انه هكذا قدر لها ان تعيشه

كلما عاودتها الافكار والاحاسيس تتساءل اين الجبل اترانى اجده يوما؟؟

اوجده احدا وعرف لمن هو فيعيده

قررت يوما ان تعلن بالصحف القوميه عن جبلها المفقود

وان لمن يجده مكافأه لا تدرى ما هى

لعل احدا يعيده

قبل ان ترتطم بقاع الهوه السحيقه



هناك 15 تعليقًا:

dr.lecter يقول...

ربما هناك امل ان لا ترتطم وتعثر علي جبلها

قوس قزح يقول...

مش عارفة ليه شايفة البوست ده ينطبق على مصر :(

فاتيما يقول...

يا دودا يا حبيبتى

الجبل مش السبب ف العلو

السبب الحقيقى هو رغبتك فى تسلقه
و البقاء على قمته

انتى التى ترتفع بنفسها
مش الحجارة المتراصة فوق بعضها هي اللى بتطيل قامتك

معرفش الظروف التى ادت لأختفاء هذا الجبل كما ذكرتى و لو ان لا شىء ضخم يختفى ببساطة كدا و بدون مقدمات

لكن الاحساس فجأة بالفقد
هوه اللى بيحصل احيانا ف ظروف غامضة لا يعلمها أحد

ظنى ان الظروف الى زوال
مفيش حاجة يا حبيبتى بتبقى على حالها
و احيان كتيييير قوى صمتنا و تحملنا للوجع و (المهانة المؤقة ) بيبقى جزء من المقابل و التمن اللى هيخلى الازامت تعدى و نخرج منها سالمين

المحنة زى الرياح العاتيات
و الريح العاصفة
قد تكون قاتلة
لو لم تنحنى لها

الانحناء دا مش سقوط من شاهق
او انبطاح
دا نوع من التفويت المؤقت و الصبر لحد ما الريح تعدى و تعرفى تصلبى طولك من تانى و تلاقى ساتر من اللى جاى ف طريقك تانى


معرفش كلامى يصادف حاجة جواكى و لا انا بقول حاجات بعيدة عنك ..اصلى بخمن و بحاول افهم من غير ما اضطرك تحكى او تفصحى اكتر عن اى شىء

على فكرة
دى تانى حاجة بتدفعى انتى فاتورتها غالى ..و هى الكتمان

اما اول حاجة

الكبرياء الرهيب


ربنا يفوت الأزمة على الف خير
متخافيش يا دودّتى
تبات نار تصبح رماد يا حبيبتى

سيبيها على ربنا

امسكى ف روحك بس
و متفكريش كتير ف اللى بتخسريه
فكرى ف اللى فاضل و ممكن منه ينفتحلك طريق
و تطلعى الجبل تاني

متبصيش وراكى
و الاهم متبصيش لتحت كمان
انتى فوق

علطول فوق يا دودوا

يا هانم
و ست الهوانم كمان


بحبك قوى
و بوسيلى مليكة قلبك

حضونات و بسابيس بقى

Alaasalim2 يقول...

السلام عليكم

أول مرة أزور مدونتك الجميله
ولما قرأت فيها عدة مواضيع إكتشفت إني خسرت كتير لأني مش متابعها من زمان

مصطفى محمد يقول...

dodda

Salamo 3leeko

Fe steen dahya el gabal elly ra7 .. Ans7 batalet el qessa el baseta el mo3abera d inaha tfokaha min el gabal wel e3lan .. Ensef gabalak el 2adeem .. La2 we 2ns7ha to2a3 we ttbhdl kman .. 3lshan t2t3 3leketha bl gabal el 2adeem .. Elly yebny gabal we kan 2a3ed 3ala kemeto el modababa .. Y2dr ynsh2 gebaal we hedaab fe 2y w2t .. Bs howa ynwy we yrmy 7moloh 3la el rabo .. La2 w b3d kda 7yla2y gabalo el 2adeem w y2ool yay el gabal el nem nem da makensh mstwaya we 7yfhm sa3etha 7ekmet rabo fel so2oot el batee2 el mo2lem we yfhm 2n kanet taree2et rabena fe 2no ytra2a li gabal a3la we ashyak

3fwn 3la el etala .. Dmty b 7'eer

:)

dodda يقول...

dr lecter
الامل موجود
واديها مستنيه...

dodda يقول...

داليا
مصر يا حبيبتى فى حاله تعجز الكلمات عن احتواءها!!!

dodda يقول...

فاتيما
مش عارفه اقول ايه غير انى بجد بحبك
اوييييييييييييييييييييييييييييييييييي
اصل بجد كل كلامك بطبطب كده بسرعه وبحنيه زى يوسف
لما كان صغير
وحشتينى انت وهو..

dodda يقول...

يا مصطفى
مش حينفع اوصفلك مدى الامتنان من تعليقاتك المتواليه
مبسوطه من التواصل اللطيف بينا
وربنا يديم المعروف

dodda يقول...

alaa salem
نورتنى يا فندم
واتمنى تكرر الزياره
وطبعا شكرا على المجامله اللطيفه

Mostafa Abdelmoneam Badr يقول...

خطرت ببالى إثر خواطرك قراءات فى قصة سيدنا نوح حين قال له ولده " سآوى إلى جبل يعصمنى من الماء" فأجابه نبى الله عليه وعلى نبينا وآله الصلوات والتسليم " لا عاصم اليوم من أمر الله" ولا عاصم من أمر الله أبدا إلا اللجوء إلى الله.
ولكن حين تضيق بى العسرة آسف أننى أضل الطريق إلى الله.
آسف أننى حين يزول السبب من تحن قدمى أنسى المسبب ويصعب على جدا التعلق به والتوكل عليه.ربما لضعف فى نفسى يزداد إذا فقدت استقرارى وثباتى.
قيل ما أسهل بلوغ القمم وما أصعب المحافظة عليها ولكن بحق الأدهى والأمر هو الثبات عند زوال القمم وانت تحتلها.
مست خواطرك بعض حالى
أشكرك كثيرا

فاتيما يقول...

عاملة ايه يا دودواّ
يا رقة النسيم
و لطفه
و قوته
و جنانه كماااان

انا قولت اطمن بس
بوسيلى مليكة قلبك
بسابيس كتيييير من فضلك
و احضنلى روحك جدااا
بس كدا

Dr. Kafy يقول...

الأخت الفاضلة دوددا

كل عام و أنت بخير بمناسبة شهر رمضان الكريم

كلمات جميلة و معبرة و العجيب أنى وجدت فيها وصفا لحالى!!

ممكن تبحثى لى عن جبلى أنا أيضا؟

فاتيما يقول...

۩

دا عشان الملاك بتاعك

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث