لو ضرس بيوجعنى كنت خلعته..
لو صباعى اللى بيوجعنى كنت قطعته..
لكن لما بلدى توجعنى اعمل ايه؟؟؟؟؟؟؟؟؟؟؟
اول طلعه جويه=رئيس المصريين
موافقه
تمر السنيين ويظل رئيسا
موافقه
نعم نعم من جوه القلب
موافقه
كلاكيت تانى وتالت نعم نعم بنقولها بحب
موافقه
سينا رجعت كامله لينا
موافقه
توشكى انجح مشروع فى هذا القرن
موافقه
التوريث التوريث
موافقه
تصدير الغاز للبعدا
موافقه
فساد وغلا
موافقه
المصرى حيفضل مصرى النيل رواه والخير جواه
اعترررررررض
اعترض ان تكون جنسيتى المصريه وصمه
اعترض على انتمائى لحزب 80 مليون شيطان اخرس
اعترض ان يكون الحل الوحيد الباقى..ان اترك واغادر ..اتنصل من جنسيتى
اعترض ان يصادر حتى هذا الحل !!!!!!!
شجرةٌ انا فى ارض مصر جذورى..
فهل اعيش اذا ما اجتثت الساقٌ؟؟؟؟؟؟؟
المصريين وافقوا لما سكتوا
والمثل قال السكوت علامة الرضا
ملحوظه:موافقه بالاحمر لانها ختم رسمى...وبالبنط العريض لانها على القفا المصرى اللى ورم
هناك 26 تعليقًا:
يا عيال أعصابكو تلفت
شرارات الغضب مندلعة فى المدونات كلها الأيام دى بالذات
طبعاً عندكو حق
موش كل الناس تقدر تتكلم يا رضوى
الدنيا و الهموم و المعايش مخلصة عليها تماماً بس أتصور إن دا زى ما بيلهى زى ما هيجيب الآخر بتاعهم و هيبطلوا فى يوم يسكتوا على اللى بيحصلهم و يرفضوا الأختام الحمرا على القفا
و تحياتى يا حبيبتى
مش لازم نوصل لدرجة انهم يدمروا اعصابنا صدقينى ربنا ان شاء الله حيحلها من عنده
انا مع فاتيما
فى كل اللى قالته
كل التحية
عجبنى انك بتشوفى كل حاجة حلوة فى كل حاجة فين بقى؟
مالك بس هدى اعصابك
انتى شكلك مشربتيش من نيلها
طب جربتى تغنيلها
... ربنا يكون فى عونك و فى عونا
تحياتى
فاتيما
نورتينى
انا فعلا ضغطى عالى..والله من كام يوم كنت بخبط راسى فى الحيطه
لو مش كل الناس تقدر تتكلم وشويه بيتكلموا كنت سكت
لكن 80 مليون معمولهم (mute)
انا زمان كنت بشوف الكرامه والنخوه
عزة النفس
دلوقتى ...الخنوع الخنوع الخنوع
la3lahakhier
انا اعصابى حديد..بس لسه عندى شوية دم فمنفعله
واتربيت انى حره..وشايفه ان الاحتلال كان ارحم والله كان ارحم
ربنا كبير ونعم بالله..بس مش بيحل لناس كل دماغهم فى الاكل والموبايل وكحك العيد والفسيخ
ربنا لما نصر الاسلام كان المسلمين رابطينحجر على بطنهم.ز وهمه وقضيتهم واحده
الحاجه الحلوه ان مهما وصل الحال بمصر بتوجعنى بس بكل المى بعشق كل مللى فيها
baker
انا حهدى ..حاضر
بس الاغانى زمان كانت بتصحى شغب كان ايد واحده
دلوقتى الاعانى الوطنيه بتخلى الشعب يهز وسطه!!!
اما النيل ..فحاول متشربش من الحنفيه اليومين دول..مش حقولك تلوث لا سمح الله
دا بس الحج بتاع جراند حياة كسر فى النيل ال80 مليون $$ خمور!!!
كل مصرى كان زمانه مليونير..
الزاجل ده سعودى يعنى ده مش نيل ابوه
فى صحة مصر الشعب كله حيطططوح
dodda
إزيك
إيه الكلام الكبير ده أنا كده صدقت خلاص إنك ليكي في السياسه ونص كمان
تعرفي يا يا دوددا أنا برضه مخنوق أوي من السكوت الغريب للمصريين كل اللي بيحصل فيهم ده وساكتين طيب هما لو ما أتكلموش دلوقتي هايتكلموا إمتي يعني ماهي خربانه خربانه هاتفرق مع الناس إيه
بس تعرفي سعات بصبر نفسي وأقول أن السكوت اللي الناس فيه ده هو السكوت اللي بيسبق العاصفه وأكيد التغيير قادم لا محاله مسأله وقت مش أكتر
ربنا يخلص مصر من اللي هي فيه
تحياتي ليكي يا دوددا وتحيه لمواضيعك الثائره والله يا دوددا أنا بقرأ عندك كلام بيبقي هو اللي أنا حاسس بيه وعايز أقوله بجد ألف تحيه ليكي
ماجد العظيم..
طيب وضحكته بتهدينى لسه فى مصرى مبتسم ابتسامه حلوه كده
لو بايدى اعملك رئيس جمهوريه حاعملها
اللى بيحب مصر يستاهل يبقى ريسها
-ملحوظه
كل ما المصرى يتكلم..بيقول ربنا يسهل ربنا يسويها من عنده..ربنا يفك الازمه ربنا يزيح الغمه!!!!!!!!
اقسم بالله العظيم ربنا قال انه مش حيغيراللى فيناااا غير لما احنا نغير نفسنا
ادعوا ان المصريين يفوقوا..يتغيروا عشان يغيروا
عشان ربنا يبقى معانا..لازم نبقى مع بعض
ا
مش هقلك هدى اعصاك
لانى مش عارف اهدى اعصابى
الواحد مش عارف يضبط الميزانيه
كل شهر تقريبا ازود المصروف
مهى بردو معزوره
الاسعار عماله تزيد
الا الشهر دا
فرحت فى اوله وقلت اهوه هنتظبط
ههههههه
بال 40 جنيه العلاوه
قوووم ايه افوجىء بزيادة البنزين
الصفيحه زادت 9 جنيه
انا بمون فى الشهر تقريبا ب 260 بنزين
وبحاول ااقللهم
قوم افوجىء انهم هيبقو 350 جنيه فى الشهر بنزين
وافوجىء بزياده المدارس
يلهوووووووى
انا مش هكمل
لام بئه
احمد
سكر
ربنا يوسع فى رزقك ورزق كل المصريين
الحمد لله ان عندك شغلك ومرتب عليه علاوه ..صحيح مقبضتها وطارت فى الهوا شاشى
اهو فى فلوس تطير..فى نا س فلوسهم اصلا سالب ومدينيين لطوب الارض
الحمد لله الذى عافانا ...
ومنغير ما تبدأ كلامك ولا تكلمه
لسان حال المصريين قام بالواجب
لا حول ولا قوة الا بالله
مدونة جميلة ورائعة
يسعدني زيارتك لمدونتي
الافغانى
شكرا لمرورك
أبنتى العزيزة/ dodda
أؤيد قولك ثمانون مليون شيطان أخرس
فعلا قول صادق ..
ذكرنى بفيلم الأرض ..
و قول محمد أبو سويلم :
كنا رجالة و وقفنا موقف رجالة
لا أدرى بنيتى أين الرجال ؟
أين هم الرجال ؟!
حسبنا الله و نعم الوكيل
العزيز ابو خالد
اشكرك على مرورك ..خطوه عزيزه يا غالى
كان فى كائن اسمه رجاله..
والرجوله صفه قد تتصف بها الاناث والذكور برجاء ان نلجأ جميعا للمعجم
ولكن هذه الصفه قد اندثرت
واأسفاه
ممممممممم
مش عارف اقول غير معاكي حق
ربنا يصبرنا
bar2ash
سعدت بمرورك...
نتفق او لا نتفق ليست هى المشكله
المشكله الصمت المطبق!!!
لا عزاء
doddA
كفايه هتروحي في داهيه ههههه
طبعا معاكي حق بس بجد الحال بقي يقرف وكله انتقادات وكل الناس بتغلي والناس ودن من ططين والتانيه من عجين وكمان منفضين واحنا وسطهم متبهدلين وطهقانين ومش عارفين اي حاجه
ربنا يعيننا
انا خايف جدا وحاطط ايدى على قلبى من العاصفة اللى بيتكلموا عنها دى ومحدش عارف ابعاد العواصف والاعاصير ايه
بس انا خايف على اولادى ونفسى الامور تبقى احسن بهدوء
وانا متفق معاكى طبعا فى ان التغيير يبدأمن اصلاح النفس ثم كل راع مسئول عن رعيته وانشاء الله يوفقنا للخير
لكى التحية والتقدير
bar2ash
الحمد لله..
انا معايا ربنا ..
وربنا يتقبل دعائك
امين
راجى بك
والله يا بشمهندس انا كنت من يومين بقول ان المصريين محتاجين اباده زى هيروشيما
وكده نبدأ غلى نضيف
ومتخفش على ولادك..الله خير حافظ وهو ارحم الراحمين
يا خوفى لا تحصل الاباده ويفضلوا برضه ساكتييين وفى العسل نايمين
يسعدنى مرورك
المصري وافق سزاجة ، مش قصدة يتنازل
فاكر بإن السلام طالع ماهوش نازل
و فكر إنه خلاص حايطير و يبقى أمير
طلع لآخر الخازوق ، و فجأة راح نازل
وعجبي
KING TOOOT
king tooot
نورتنى اولا
وثانيا كلامك عجبنى كالعاده
ثالثا..المصرى والخازوق بينهم علاقه وطيده من ايام على بك الكبير والحمله الفرنسيه
بس لما الخازوق made in egypt
الموضوع بقى مختلف
وعجبى
يا بنتى مش حلو علشانك يا بنتى وشك بقى شبه القمة المقمرة
اقتباسا من مسرحية الجوكر لمحمد صبحى اللى شايف انها بقت صفة ملازمة للمواطن المصرى المطحون والمعجون مع حفظ الفروق
واكيد كلنا بنعانى وكلنا برضة خدنا على قفانا وبقو بيعرفوا المصرى من قفاه
تحياتى
ماشى يا عرضحالجى
انا الحمد لله قويه ..
بس مليش فى الختم والدمغه
مقمره!!!!
تشكر على الى حال
لو لم أكن مصريا كان هيبقى حاجة جامدة اخر حاجة
funckydoctor
لو لم ا كن مصريا لوددت ان اكون..
بتنجانى
إرسال تعليق