بشر!!
انا شفت بنت بيضا حلوه وزى القمر
--
والابتسامه بغمازات يا سلام شىء معتبر
--
لله فى خلقه شؤن ولابن آدم عِبر
--
فضلت امدح واقول دى ملاك والا بشر
--
لما نطق الملاك لقيته حدِف حجر
--
قلت الكمال لله ومفيش ملاك كفر
--
والرمى بالحجر طبع البشر
--
وعجبى
قبل يوم واحد
هناك 42 تعليقًا:
dodda
إنتى اللى كتباها ؟؟؟
موش معقول !!!
أصلها مدية على صلاح جاهين كدا
بس جميلة قوى لو بتاعته
و جميلى جدا لو بتاعتك إنتى
فى الحالتين
الله ينور
بجد تحفه جدا تسلم ايد الى كتبها بتفكرنى انا بقى بفناوى منير
طمطم العاليه حبيبة قلبى
ده كلامى مش كلام جاهين
وحاجه تشرف ان طيفه يعدى بس من جنبى
احنا نيجى ايه فيه الله يرحمه
دى ملخص ناس من يره حلوين وبالسوليفان وفيونكه حمرا مربوطين
ومن جوه لا مؤاخذه زفت وطين
صوت من مصر ...يادى النور
الله يكرمك
بلاش الغيبه الطويله دى ..
اولاً تدوينة حلوة كتير ومختصرة..!!
ثانياً مدونتك لسه هغوص في احشائها علني التقط منها الدرر..!!
ثالثاً الجملة دي "...استمتع بالعطاءواعشق الاجواء الودوده الملبده بالخير..."...كتير حلوة..!!
(:
تحياتي..!!
بالمناسبة متشكر لمرورك في مدونتي وارجوا دوام الزيارة لبيتك القديم..!
بيتنا القديم
خطوه عزيزه
غوص براحتك والاكسجين عليه انا
بجد مدونتك جميله جدا
حتلاقى تعليق على كل بوست انشاء الله جديد او قديم
بالتوفيق
اسعدتنى بزيارتك
سلامو عليكو
(وش متنح)
ايه ده
بجد مش بجامل .. تحفة
الله ينور
و يبعدنا عن هذا النوع من البشر
(وش مازال متنح)
:)
ياه يا درش متنح حته واحده؟؟!!
الله يخليك
خطوه عزيزه
وربنا يسلمك من كل شر
نورتنى
الأخت دودا جاهين
بيتهيألي ده أفضل حل للإشكالية
فلتحيا المواهب المصرية الأصيلة
كل يوم اكتشف إن البلد دي لسه ياما هايطلع منها فنانين وشعراء وأدباء وعلماء مهما حصل لها..
وانا بأقول معاكي أنا م البلد دي
تحياتي وتمنياتي
والله عظمة على عظمة بجد جميلة قوى مكثفة وفيها تكنيك عالى وعجبتنى جدا
واسف على الانقطاع
دوددا
انا يوم ماقريتها في ندوة الكتب خان قلتلك انها بتاعة جاهين مش كده؟
والتعليقات بتأكدلي انهم كمان افتكروها للجميل جاهين وطلعتي انتي اللي عامله الجمال ده
ياللا دوسي وطلعي المستخبي
:)
سباعية جميلة
و الجميل اكتر صورة البنت الجميلة التى نطقت فبدت قبيحة
الخلاصه بتاعت الابيات
لكل شى اذا ما تم نقصان
حلوه قوى الابيات
د.زين
نورت
وتعليقك شرفنى ..
انتسب لمصر واقترب من جاهين والحكم د.زين!!
محدش قدى بقى
بشكرك وبحييك
ايمن بدر
اشكرك على ايصال كلماتى المتواضعه لدرجة العظمه..
فى انتظار جديدك
ميوشى..
المستخبى عندك انتى..وكل جميل بخبيه عندك مسيره يقط وينط :)
مش حنسى رد فعلك يوم الكتب خان.
راجى..
دائما ما تسعدنى تعليقاتك
رأيك على عينى (:
رئيس جمهورية نفسى
الفكره مش فى النقصان..
الكمال لله
بس لما نبقى من بره حلو ومن جوه لا انا بسمى ده "مقلب" للناس وللنفس
ودايما فى فرصه للاصلاح..لس المهم ان نرى النقص
كلنا بنعرف النقص الى جوانا بس بتختلف فى الرغبه فى الاصلاح من شخص للتانى
جميلة اوى بجد وناضجة جداااا تسلم ايدك
لا تننسوا الخميس 22/5
الساعة السادسة والنصف مساء
حفل توقيع العدد الاول من سلسلة مدونات مصرية للجيب
بمكتبة عمرو بوك ستورز
شارع طلعت حرب
فوق مطعم فلفلة
--------------
اماكن توزيع العدد :
1- عمر بوك ستور شارع طلعت حرب
2- مكتبة البلد امام الجامعة الامريكيه
3- سندباد وسط البد خلف مكتبة مدبولى
4- سنابل شارع شريف
5- الهيئة العامه للكتاب فرع الزمالك
6- مكتبة ديوان الزمالك
7- مكتبة ديوان مصر الجديده
8- مكتبة أفاق شارع القصر العينى
9- المكتبة الدوليه مدينة نصر ش الطيران
10- كشك جرايد كوفى الامريكين - الاسعاف
11- كشك جرايد الجامعه الامريكيه
روابط الفيس بووك والمدونة :
http://www.facebook.com/group.php?gid=13820826455
http://sneen.blogspot.com
جميلة اووووووى
لو انتى اللى كاتبها تبقى هااااااايلة و لازم تكملى فى السكة دى
لان احساسها و هدفها وصلتيه بكلام بسيط اوى
احييك على اسلوبك
تحياتى
الحلاوة حلاوة الروح
ومش كل واحدة جميلة تبقي جميلة
بس بجد بجد بجد اسلوبك حلو جداً
اول زيارةليا لمدونتك
وان شاء الله ماتكونش الاخيرة
تدوينة جميلة جدا
فيها معنى حلو اوى ومختصر جدا
ربنا يوفقك
سلاااااااااااااااااااااااااااااام
ونفس وما سواها فألهمها فجورها وتقواها قد افلح من زكاها وقد خاب من دساها
..............
رمي الطوب من طبع البشر
فلان رمى طوبه علشان يؤذي الناس
فلان رمى طوبه علشان يبعد الاذى عن طريق الناس
سبحان الله
نفس الفعل وهو الرمي
يبقى يا ترى الوحش وحش ليه
اذا كان الحلو مش فيه تعب
هي هي نفس المجهود
بس بعيد عنك النفس من جوه هي اللى وحشة
اه صحيح انا تصفحت في المدونة
واضح ان حضرتك جرئية في التعبير عن رأيك وكمان واضحة زى القطر دغري
انتى ليكى حد بيشتغل في السكة الحديد
اسف جدا معلش بنسى
اخصائي تخاطب يعني ايه؟
وشكرا
الريس محمود..
ليس دائما ما يعرف الشخص نواقصه
وقلما يستطيع الاصلاح اذا ما عرف
وهذا بكل اسف
بيرى صاحبة المقام الرفيع
ترحيب يتناسب مع صاحبة السمو
وشكر على المرور
وبالتوفيق
قوس قزح
نورتينى وانا اللى كاتباها
والوانك الجميله المبهجه اتمنى الا تحرمينى منها
حماتى ملاك
اكيد طبعا واللى يدور على الجمال لازم يكون عنده بصيره مش بس البصر
وشكرا ليكى
نورتينى
الباحث
الباحث
الباحث
ونعم بالله كلنا فينا الحلو والوحش
بس ..
اذا حسيت وغيرت من نفسك يبقى ربنا كرمك
واذا لا يبقى الله يرحمك
دا احنا قى زمن عملية التجميل تاخد ساعه تفتكر تغير نفسك فى قد ايه؟؟؟؟
انا مليش علاقه بالسكه الحديد
انا اهلى اطباء ..بتوع جراحه
واى بتر احنا فى الخدمه...
واخصائى تخاطب ..هو المتخصص فى علاج عيوب النطق والكلام ..وذوى الاحتياجات الخاصه(الصم ضعاف السمع..والمتأخرين)
شكرا لمرورك
حلوة اوي بجد تسلم ايدك
مبروك على النيولوك
دا احلى بكتييير من الاولانى
لايق عليكى اكتر
مليان مرح و صبوح و مريح للنفس و العين ...
تعيشى و تجددى
قرات فى البروفايل انك اخصائية تخاطب...
جميل ان يرى الشخص من هم فى نفس مجالة...
وجميلة اوى اوى يا dodda
الرباعية دى وانا واثق انها مش كلام جاهين...لانى حافظهم...تحياتى يا زميلة
وعجبى
سنووايت
يا احلى حدوته نورتينى
والله يسلمك
عقبال ما تدوقى الكيكه من اديه
:)
نيو لوك ايه بس يا طمطم ده انا على ادى اوى فى الموضوع ده
وعموما ميمويه هى اللى عملاهولى
تسلم ايديها وتعيشى يا جميله
.:.-=- ELGaZaLy-=-.:.
اهلا وسهلا..با زميل
ودى كلامى مش كلام جاهين..
حتى سباعيه مش رباعيه!!
اسعدنى مرورك
funckydoctor
اهلا وسهلا
و!!!!!
دكتور كسلان
اهلا بأول زياره بطل كسل وابقى اخطف رجلك فى اى وقت..
وربنا يكفينا شر زياة الطبيب
الفزيتا بقت ناااار
الله يسهلووووه
إرسال تعليق