2008/05/23

خبر جامد جامد جااااااااامد


انا شفت فاتيمااااا يا منززززززززز


مش عارفه اقول ايه بس ملحقتش اقولها واقولها

بس على الاقل شفتها


بعد ما كانت فاتيما عندى روح وكلام مكتوب على خلفيه بنى وبيج

كانت بتلفنى بدفا قلبها وهى بتلف على المدونات كلها

تقرا وتعلق بكل امانه

بعد ما كانت بس صورة واحده لابسه ابيض وشايله بيبى وباصين من الشباك!!


مش مصدقه..نص دقيقه..واختفت

وطمعانه فى مرات كتير نتقابل فيها..مش حفقد الامل


قلتلها فتفوته من اللى حسيت بيه نحيتها من قبل ما شوفها

(لو ربنا رزقنى بولاد نفسى ابقى ام زيك..يا ام يوسف...ولو ينفع نختار كنت اتمنى انك تبقى ماما)

بجد بجد كلام من قلبى ..ومش حخبى ان قلبى معبى

مليان حب وتقدير لانسانه..بجد انسانه

وبجد تستاهل التقديروالحب وكل الخير

ومن كل قلبى بدعى ان كل امنياتك تتحقق...عشان عارفه ان كل اللى فى قلبك خير


واوعى تعيطى يا فاتيما

افرحى

والله يا طمطم الفرحه من حقك....احمدى ربنا على قد مااااتقدرى

اللى ربنا يرضى عليه يحبب فيه خلقه..وانت بقى ماشاء الله

عيشى

ربنا ادالك نعمة الحياه...

"وان شكرتم لأزيدنكم "

اطلعى من القمقم و صدقينى حتقابلى اللى انت بتدورى عليه..


لونى قلب حزاينى ليه كده

دا انا فرحانه اوى ى ى ى ى ى

دا انا قابلت فاتيما يا منزززززززززززززز






هناك 39 تعليقًا:

xezo يقول...

باين عليكي واقعة لشوشتك

هههههههههههه

لا بجد شكلك بتحبيها بصدق

ابشرا

ثلاث من كن فيه وجد بهن حلاوة الايمان :أن يحب المرء لا يحبه الا لله

فاتيما يقول...

dodda
يا قمر أنتى غمرتينى النهاردة إنتى
و مى بمشاعر كلها شياكة و حب مشفتوش من زمن ...
و الله أنا خايفة تكونى مخمومة فيا
و مستهلش إحترامك الكبير و حبك الدافى دا كله
ربنا يسعدك و تبقى أحسن أم فى الدنيا و تيجى واحدة لطيفة كدا تقولك يا ريتنى أكون أم زيك ...
أنا هختفى من شدة الخجل يا دودا
و ميرسى على الورد قوى
تعرفى إنك أنتى و مى اول ناس تجيبلى ورد من ساعة ...ممممممم
و الله ما نا فاكرة آخر مرة جالى فيها ورد كان أمتى ...نسيت أصلاً ...
بس النهاردة أفتكرت ...
ميرسى على الورد
و على اللى جاب الورد
و على قلب الورد اللى جاب الورد
تحياتى يا حبيبتى من كل قلبى

dodda يقول...

xezo

ايوo طبعا لشوشتى
هو فى كام فاتيما؟؟؟؟

وانا فعلا بحبها فى الله
ولله فى الله
شكرا لمرورك

dodda يقول...

يا ريت كل حاجه تنفع تتكتب

بس مخمومه دى مفتكرش خاااااالص

لانى قبل ما اقابلك شفت روحك وقلبك

فاتيما ..ممكن تسمعى كلامى؟؟

وحياة يوسف تفرحى...بجد مش حيبقى هو مبسوط لو انتى مش مبسوطه

فى الله احبك
ربنا يطمن قلبك ويبارك فيكى

*الورد للورد

mohamed يقول...

انا كنت واقف اتفرج انا وواحدة زملتي ..

كنتي واقفه ماسكة الورد وعمالة تبصلها وهي تبصلك وحاسيين انكم تعرفوا بعض وان هي دي اللي بتدوري عليها :)

بجد كان شئ جميل جداً ربنا يدمها عليكم نعمة

قوس قزح يقول...

انا شوفتك كمااان
و اتكلمت مع مى و قالت هتحصلونا على البورصة و قلت يبقى خلاص اكلمك هناك بعيد عن الزحمة و الحر
بس للاسف لحد ما مشيت كنتم مجيتوش :(

ان شاء الله المرة الجاية نعرف نتكلم

على فكرة فاتيما كانت فرحانة اوى بالورد :)

Unknown يقول...

والله يا دودو عندك حق
انا كمان كنت هموت واشوفها
وفعلا سعادتي كملت لما شفتها هي ومي
وطبعا خفة دمك كما توقعت
بجد مبسوطه جدا اني شفت كل الناس الجميله دي

Empress appy يقول...

انا كمان مبسوطه انى شوفتها واني شوفتكم كلكم بجد وكان بوم حلوووو قوي

dodda يقول...

mohamed

امين ..ويارب يديم الخير بين الناس
فى امه المسلمين

شكرا لمرورك

dodda يقول...

قوس قزح مقفشتينيش ليه وقولتيلى..
دا انا كنت حاسه انى زى العبيطه عماله اسال كل الناس انت مين؟؟؟

كنت فرحانه بفرحة الناس

dodda يقول...

الدكتوره اللمضه لموضه الصغنونه

اتبسط انى شفتك وبالتوفيق ومبروك اول توقيع
عقبال ما توقعى على كتابك الخاص وقسيمة الجواز كمان

dodda يقول...

آبى كان نفسى اشوفك بس الجيات اكتر

وعموما مرسى على دخولك مدونتى لاول مره متقطعيش الزيارات

أحمد بكر يقول...

ده كان فين الكلام ده انا عاوز اشوف انا كمان
تحياتى

Unknown يقول...

يا جماعة انا مشفتش حد من اللى علقوا على البوست ده غير دودا ومى ولماضة انا لازم اروح اركب نضارة نظرى ضعف
وبجد كان نفسى اشوف كل الناس وكان نفسى اروح اكمل قاعدة على البورصة بس كان لازم امشى عشان الحق مواصلات للمنصورة وبجد كان يوم جميل مش ممكن هقدر اوصفه بالكلام وشعدت بلقائك يادودا انتى ومى ولماضة والمرة الجاية ان شاء الله هتلاقوا واحد بيغتت عليكم ويقولوكم انت اشتغلى ايه- اقصد مدونة ايه.
شكرا وتحياتى

dodda يقول...

bakr!!!!
انت كنت نايم؟؟؟
توقيع المدونين...على كتاب كل المدونين"مدونه مصريه للجيب"

ان شاء الله نتقابل فى لقاء أخر
وتشوف

بس اما اشوفك..حوريييك
صح النوم

dodda يقول...

عرضحالجى
اتبسط انىقابلتك

الحمد لله انك لحقت تشوف اى حاجه

انا شفت مدونين كتير لسه معرفش مدوناتهم اصلا
بس ححاول اعرفهم

المره الجايه تعمل حسابك على بياااات

سنووايت يقول...

بجد يا بختك
انا كان نفسي اجي مخصوص علشان اقابلها بس تتعوض في مرة تانية ان شاء الله واشوفكم كلكم, وكلامك انا حاسة بصدقه لاني جوايا كلام زيه كتييييييير كان بجد نفسي اقولهولها بس انا عارفة لو شفتها مفيش ولا كلمة هتطلع كله هيستخبي ههههه
ربنا يديم عليكم الحب الجميل دا

Ahmed Al-Sabbagh يقول...

سعيد اوى بالحفل وسعيد اوى انى شوفتك

وسعيد اوى بعيد ميلاد فاتيما اللى احتفلنا بيه على الكافية

بجد انا سعيد اوى

وكمان يبدو اننا جيران

:))

تحياتى

احمد الصباغ

أبو خالد يقول...

فرح من قلبى أنى تعرفت على شخصية رائعة
مثل حضرتك ..دمتى إنسانة رقيقة الحس

Diyaa' يقول...

خمنت اسم المدونة بالعافية..كتبتيه غلط علي الجرنان وجريتي عشان مستعجلة
ربنا يكتر أفراحك بقي :))
والمرة الجاية تشوفي فاتيما في مكان منظم أكتر ومفيهوش الحر والدوشة دي كلها
هههههه
تحياتي وليا مرور تاني

بوبو يقول...

انا قلت اجيلك ازورك في بيتك بدل ما كل مرة تكرميني بزيارتك وانا معنديش اخلاق كدة خالص
انا كان نفسي اشوفك بجد وزعلانة جدا اننا متقابلناش بس ممكن نعوضها يا ستي ونتفق على ميعاد نتقابل فيه لوحدينا كدة احنا وعمر.. هتحبيه خالص والله
بصي انا عندي اقتراح لطيف جدا.. ايه رايك تكتبي معانا في مجلة علي صوتك واهو تبقي زميلة كفاح وكمان نتقابل في الاجتماعات والذي منه؟
لينك المجلة
www.3allisotak.net
احنا بنرحب باي حد جميل كدة يحب يكتب معانا
مستنية ردك على ايميلي بقى.. موجود على البلوج
تحياتي يا جميلة

يا مراكبي يقول...

رغم الأسفينين اللي بعتيهم ليا في التعليقات

ورغم إن الحاجة مراتي بتشجعك مش عارف ليه

ورغم إن إسم المدونة بتاعتك طويل جدا

إلا إني بجد كنت سعيد إني قابلتك هناك .. ربنا دايما يوفقك للخير .. وتحياتي ليكي على إحساسك العالي ده

HERO يقول...

انا اول مرة ازورك بس زرت فاتيما كتير قبل كده وعندك حق في كل كلمة قلتيها وانا كان نفسي ابقى موجود علشان اتعرف على الناس الحلوين كلهم بس محصلش نصيب وتتعوض مرة تانية ان شاء الله

تحياتي

snohe يقول...

لو كلمتيها بلغيها سلامى

كوارث يقول...

ربنا يزيدكم محبة فيه وما يحرمكمش من بعض ويخلايكم لبعض ان شاء الله
احساسك جميل والبوست كذلك

حزيــــــــــــــــــن يقول...

الحمد لله الذى جعلنى سبب فى هذا الود
احمد مهنى

Hossam Nasr يقول...

ساعات قليلة لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

د. إيمان مكاوي يقول...

أحسن شيء في الدنيا هو الحب في الله..ربنا يديم عليكم المحبه..
وأنا والله أحببتك من كلامها عليك
تحياتي

dodda يقول...

سنووايت..
اميرةالحواديت
كلنا نفسنا نشوفك
انشاء الله تيجى فرصه قريب
وفاتيما كمان انا وراها لحد ما نشوفها كل يوم اصلا

dodda يقول...

اخيرا يا خالوووووو
نورت عندى
انا بشكر فاتيما
ربنا يكرمها بسببها كل الناس الحلوه نورتنى فى بيتى

وبجد انا كان سبب اساسى عندى اشوف فاتيما
لاقيت ان الفرحه كبيره اوى بالنا العزاز كلهم
اسعدتنى بتوقيعك
وبالجيره الجميله..

dodda يقول...

ابو خالد يا بخت خالد ويا بختنا كلنا بيك

دمت ابتى

اسعدت قلبى برؤيتك
وربنا يبارك لنا فيك

dodda يقول...

dyaa
اسفه انى تعبتك ومكسوفه
متشكره انك حاولت ووصلت
وفعلا حلو اوى انك تفرح بالناس وللناس


ربنا يديم المعروف

dodda يقول...

يا مراكبى منور وحمد الله على السلامه


سلام مربع مدور متوازى مستطيلات للحاجه

dodda يقول...

hero
اهلا بيك

وكلنا نجتمع على حب فاتيما

وان شاء الله يكون فى لقاء قريب

dodda يقول...

سنوهى..
يوصل
مجتش لييييه؟؟؟

dodda يقول...

كوارث !!!
اللهم امين

يارب يديم المحبهونفضل غلى الخير متجمعين
شكرا لمرورك

dodda يقول...

احمد مهنى
نورتنى
وبا رب ساعدتنا كلنا تبقى فى ميزان حسناتك
ربنا يفرح قلبك ولا تبقى حزين

dodda يقول...

Whispers just for a Night
اهلا وسهلا

انت بتشتغل مخابرات؟؟؟

dodda يقول...

ema

احبك فى الذى احببتنى فيه
وسعدت بزيارتك..وبحبك


نورتينى