2008/06/18

devoir>>homework >>>>واااجب


لما كوين فاتيما تقرر تلبس برنسيس دوددا تاج
يبقى لا مفررر
برنسيس دوودا لازم اسمع الكلام او تبقى ادب يوك اخلاق يوك!!!!
تااااج الاحلام.....
أذكر 5أحلام تخص ماضيك
كنت هتتخلى عن إيه فيها و هتتمسك بإيه لحد دلوقتى
اول حلم ان يكون عندى اخت بنت...
وده فشلت فيه تماما لان مامتى كانت اصلا مش عابزه بيبيهات بعد اخواتى الاتنين لدرجة ان ربنا يسامحها بقى كانت بتحاول تتخلص من الحمل...
فطبعا الحلم ده كان مرفوض مرفوض مرفوووووض
كنت بحلم اتجوز واحد كريم الخلق انسان متحضر ومتوافق معايا ومكنتش مستعجله على الجواز خالص
كنت دايما بدعى فى صلاة القيام يا رب لو مكتوبلى اتجوز يبقى زوج يرضيك عنى....
ولله الحمد ربنا اكرمنى ولم يخذلنى ابدا..فزوجى ولو ان شهادتى فيه مجروحه فاق كل احلامى ولا يكفى ابدا ان احمد الله كل لحظه كرمه معى فى اختيار الزوج
كان ليه امنيه غريبه جدا ..كنت دايما افكر فى انى افقد النطق وكذا مره عملت مقلب فى ناس ميعرفونيش انى بكماء
والمشكله ان الناس كانت بتتعلق بيا جدا وتحاول تتواصل معايا اوى ويتصدموا جدا لما يعرفوا انى طبيعيه وبتكلم وارغى
يقولولى حرام عليكى ..بس انا كنت صغيره
والحمد لله دلوقتى بقيت بتواصل مع كل ذوى لاحتياجات الخاصه
بطبيعة دراستى..وبتكلم شويه بلغة الاشاره
كنت بحلم ان يبقى ليا اصحاب كتير.. يحبونى واحبهم تعويضا عن الاخت بس للاسف مع نظام بيتنا منفعش لان ماما كانت مقفلاها عليه اوى..
ربنا اكرمنى بصحبات قليلين جدا بس مش صحوبيه والسلام
الحمد لله
كنت بحلم ان بابا الله يرحمه يفضل موجود معايا..كان نفسى اتعلم منه حاجات كتير اوى
بفرح اوى لما اتصرف بطريقه واكتشف ان ليه اثر فى تصرفى ده
بس لكل اجلِ كتاب .. ربنا كتب عمره كده وانا الحمد لله دايما راضيه بقضاء الله
------------------------------------------------
أذكر خمس أحلام تخص مستقبلك و ما تتمناه منه
اول حاجه بتمناها..ان ربنا كتبلى اعمل عمره الشهر الجاى ده
ربنا ييسرها من عنده..واللى عنده اى معلومه تفيدنى ازاى اطلع عمره بسرعه ومع شركه كويسه يقول وله الثواب
حلم حياتى اللى عندى يقين ان ربنا مش حيخيب املى فيه انى اجيب ولد اسميه يحي لانى بحب سورة مريم ودايما بتأثر بقول الله تعالى
"يا يَحْيَى خُذِ الْكِتَابَ بِقُوَّةٍ وَآتَيْنَاهُ الْحُكْمَ صَبِيًّا (12)
وَحَنَانًا مِّن لَّدُنَّا وَزَكَاةً وَكَانَ تَقِيًّا (13)
وَبَرًّا بِوَالِدَيْهِ وَلَمْ يَكُن جَبَّارًا عَصِيًّا (14)
وَسَلَامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا "صدق الله العظيم
يا رب ترزقنى بيه وتلهمنى فى تربيته باللى يرضيك عنى وتجعله تذكرة دخولى انا وباباه الجنه امين
بحلم ان حال بلدى ينصلح ويرجع الخير والزراعه والناس تشبع وتعيش مستوره وسعيده
وكل الناس نبقى راضيه ومبسوطه...الابتسامه الحلوه.. الرضا بالحال وشكر النعمه يبقى فى كل القلوب
بتمنى ان ربنا يستخدمنى ..واكون نافعه للاسلام والمسلمين
وبرضاه على يرزقنى حسن الخاتمه مرافقة الرسول فى الجنه وينعم على برؤيه وجهه الكريم سبحانه وتعالى
اللهم امين
وحلم دنيوى شويه بي من زمان بيراودنى..انى اكون حازمه شويه واخس عشره كيلو!!!
ده بقى حلم عارفه ان اخرته هأأأوووو :O(
----------------------------
أذكر شخصين - على الأقل - متواجدين فى حياتك كنت تتمنى وجودهم من قبل
اول شخص بجد كان نفسى تكون صحبتى من زماااان اوى "مى"
بحس ان تأثيرنا على بعض حلو ولوكان من بدرى شويتين كان حيفرق كتير اوى معانا احنا الاتنين
بس ملحوقه والحمد لله ان ربنا وفقنا لبعض
هو مش واحد دول اتنين..
الدكتور عمر عبد الكافى..والشيخ حازم ابو اسماعيل
ربنا يكرمهم ويبارك فى عمرهم ويديهم الصحه...
حسيت منهم" قلب الدين" ومسمعتش منهم ابدا كلام غير مقنع
ربنا يجعله فى ميزان حسناتهم...
خصوصا الدكتور عمر عبد الكافى.. اللى عايز يوصل للايمان مش بس يبقى مسلم يسمع دروسه
وفيه واحده بقى مش حتكلم عنها كتير عشان لازم اعملها بوست لوحدها"حماتى"
--------------------
أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك
طبعا بابا الله يرحمه كان نفسى يشوفنى وانا عروسه ويشوف ولادى ان شاء الله موعدنا الجنه
وجدتى نفس الكلام ..
الشخص اللى نفسى اشوفه بقى ويشوف ولادى لما يجوا ان شاء الله..عمر اخويا ربنا يهديه ويديله الصحه
هو فى امريكا من كذا سنه وحشنى اوى
ولو مجاش انا حاضطر اخد العيال بقى واروحله!!!
اومال مين يعلمهم اللماضه والشقاوه؟؟؟
اخيرا لمن تهدى التاج
-----------
انا عملت الواجب يا فاتيما حتدينى ستار واكسلنت؟؟؟

هناك 72 تعليقًا:

.:.-=- ELGaZaLy-=-.:. يقول...

كنت بحلم ان يبقى ليا اصحاب كتير.. يحبونى واحبهم تعويضا عن الاخت بس للاسف مع نظام بيتنا منفعش لان ماما كانت مقفلاها عليه اوى..
ربنا اكرمنى بصحبات قليلين جدا بس مش صحوبيه والسلام
الحمد لله
---------------------------

عارفة يا دودو احلى ما فى اجابتك اية..انها طريق طريق مستقيم بجد...

وطبعا اعتقد ان ابلة فاتيما مبسوطة منك جداا للغاية ...

dido يقول...

السلام عليكم يا دودا
كلامك وردودك علي الاسئله بجد بيحسسني بالبراءه بحس انك بريئه اوي وطيبه اوي
باختصار امرأه من الزمن الجميل
ربنا يزيدك يا رب ويباركلك ويرجع لكي اخوكي بالف سلامه وتبقي ام يحيي ياااااااااااااااارب

فاتيما يقول...

هديكى شكولاتية من النوع الفاخر
عشان إنتى كلامك من النوع دا
يا حبيبة الروح
و يا برنسيس دودا
يااااااه
دنتى أحلامك بسيطة و رقيقة قوى
يعنى مشوفتش فيها حاجات مجنونة خالص فيما عدا طبعاً حكاية عدم النطق دى بس برضو أنا أتفوق عليكى فى الجنان إنا اتمنيت منطقش و ساعات أبقى كفيفة و حاجات كلها فى الآخر تؤدى لسكة واحدة إنى محتاجة اكون مختلفة عشان أتدلع من اللى حواليا لأن بابا كان صعب قووووى و مكنش هيبقى حنين شوية إلا بكدا بقى من وجهة نظرى المخلولة وقتها ....
ربنا يكتبلك العمرة إن شاء الله و تدعيلى
كان نفسى انا كمان اروح قوى من فترة طويلة بس ربنا يسهل و ربنا يكتبهالى
موش هوصيكى تدعى ليوسف بقى
ربنا يهدى سرك مع جوزك يا رب
و تدمو محبتك مع ميومة البهية
و معانا كلنا
يا حبيبة الروح
نجوم و إكسلنت و برفيكت
و شكولاتة فااااخرة

Son of Egypt يقول...

السلام عليكم
طبعا اول زياره واتمنى انها مش تكون الأخيره ده لو مش يدايقك لأنى بجد اتشرف انى اعرف ان فيه بنت بالأدب والأخلاق الدينيه دى
تحياتى ليكى جدا وارجوا انى مش اكون ضيف تقيل عليكى وشرفينى بالزياره

Dr.m يقول...

السلام عليكم ورحمة الله..

زياره أولى لمدونه رائعه جزيت عنها كل الخير..
أحلامك جميله .. ربنا يرزقك بيحي و بالصفات اللي في الآيه الكريمه إن شاء الله ويكرمك بالعمره و يحققلك اللي فيه الخير من أحلامك..

ياريت كل الأمهات يخلصوا النيه في ولادهم زيك كده لأن الجيل القادم هو أملنا بعد ربنا سبحانه وتعالى في أن يكون سبب النصر والتقدم..

معذرة على الإطاله .. تقبلي تحياتي سلام

صوت من مصر يقول...

تاج لذيذ واحلام جميله جدا ؟

mado80 يقول...

دودا
الجميله
إزيك

معلش قبل ما اتكلم عن احلامك
هاقلك علي حاجه فكرتيني بيها لما قلتي إنك نفسك تسمي إبنك (يحي)

كنت بسمع من قريب سوره مريم بصوت قارئي المفضل محمد صديق المنشاوي
ولما وصل عند الأيه اللي بتقول

(يا زكريا إنا نبشرك بغلم إسمه يحي لم نجعل له من قبل سميا)7مريم

لفتت نظري الأيه روحت وفتحت كتاب أنبياء الله هذا الكتاب الرائع للأستاذ أحمد بهجت
إكتشفت إن معني الأيه إن مافيش حد إتسمي بالأسم ده قبل سيدنا يحي عليه السلام
الأسم جميل أوي أوي يا دودا علي فكره وربنا يرزقك بما تتمنيه يارب

قبل ما أنسي برضه ألف ألف مبروك علي العمره وعقبال الحج بإذن الله
أنا بصراحه معنديش معلومات عن شركات وكده بس حابب أقلك إنك لو عاوزه تعرفي أي حاجه عن مناسك العمره ممكن ترجعي لكتاب
(فقه السنه)للشيخ السيد سابق رحمه الله
ممكن كمان كتاب (منهاج المسلم)
للشيخ أبو بكر الجزائري

أما بقي عن احلامك فمش عارف اقلك إيه ، ردودك فيها ملائكيه غير عاديه
موضوع الأخت اللي كنتي بتتمنيها اثر فيا أوي
طول عمري وانا بتمني برضه لو كان ليا أخت أكبر مني سنا

طبعا ربنا يحققلك كل أحلامك التي لم تتحقق وأن تدوم سعادتك باحلامك التي تحققت للأبد يارب

بشكرك جدا علي إهدائك التاج
ده ليا
مع إني مش عارف هاجاوبه إزاي
إنتي صعبتيها عليا اوي علي فكره
:):):):)

ليا رجاء أخير ياريت تيجي وتشوفي ردي علي تعليقك في البوست بتاع حاجه تكسف
وتقوليلي رأيك برضه ؟ بس من غير زعل :)

تحياتي ليكي يا دودا وألف تقدير لشخصك الكريم

محمد فكري يقول...

تاج جميل جداً..
وردودك تعكس مدى عقلانيتك والتزامك :)
ربنا يوفقك يارب :)

ayman badr يقول...

جميل قوى يا دوددا وتاخدى عليه عشرة من عشرة وبرافو كمان واحتمال نجمة صغيرة
إجاباتك جميلة جدا بس انا عاوز تاج اشمعنى انا
تحياتى

غير معرف يقول...

الاخت دودو
اسال الله ان يحقق لك احلامك
وسوف اشاركك فى الشيكولاتة بتاعة فاتيما وسوف تعرفى السبب عندما تقرئى تعليقى على بوست العمرة
وبالنسبة لموضوع العمرة يمكنك الاتصال برقم 0020123627051
ا/ احمد سالم
وهو يعمل بشركة المدينة المنورة
مشرف قسم السياحة الدينية
وهو باذن الله هييساعدكم فى الموضوع
ان لم يكن من خلال شركته فمن خلال النصيحة فى الخير باذن الله
وفى حال ان يسر الله لكم السفر واحتاجتم اى شئ فى المملكة يمكنكم الاتصال بى على رقم 00966559733672

منذر

بطوط حبوب يقول...

انا جالى التاج ده
هيييييييييييييه

اجاباتك تحفه ربنا يحقق لك كل احلامك يااااااااااارب

لماضة يقول...

اومال مين يعلمهم اللماضه والشقاوه؟؟؟
عيب عليكي
امال انا ر حت فين
رقبتي سدادة
لا سدادة ايه الازازه بحالها
ربنا يرزقك يا دودا

دعاء مواجهات يقول...

اجاباتك حلوة اوى وبتبين شخصية متميزة وطيبة

منوراانى ديما

ارجو دوام التوااصل

بيس

fawest يقول...

حبيت المقالب اللى كنتى بتعمليها زمان
لما كنت بتعملى فيها بكماء

حاولت مره وأنكشفت
ههههههههههااااااااااا


أنا زرت الناس اللى أنعمتى عليهم بالتاج
لقيتهم ناس حلوين
هتابعهم ، برضوا من بعيد لبعيد

بس علقت عندك أنهارده
هشان أشتكيلك من مى
هيا فين
أخر مره كلمتها قالتلى بقت كويسه
أمال هى فين
ففففففييييييييينننننننن

blue-wave يقول...

اد ايه احلامك بسيطه ورقيقه

snohe يقول...

شكرا على التاج الجميل
واوعدك انى هعمل التاج قريبا
اوامرك يا فندم
وشكرا جزيلا على ذكر مدونتى عندك فى البوست

dodda يقول...

elgazaly
نورتنى فينك غايب من شويه

يا رب يكمن الطريق سليم ومش تايهه فى العنوان

dodda يقول...

dido
ربنا يكرمك
انا الردود دى من قلبى اوى
والحمد لله انى طيبه..

وفعلا اعشق الزمن الجميل

ومن كل قلبى امين وشكرا على الدعاء

dodda يقول...

كوين فاتيما
انا مستنيه الشوكولا بفارغ الصبر

اما لو يعملوا رجيم الشكولاته!!!
_____----_____
يوسف ده حبيب قلبى بدعيلوخ علطول

وربنا يكرمك فيه..

ويا رب يديم على نعمته
امين

dodda يقول...

son of egypt
انت نورت البلوج وتتفضل فى اى وقت وتدخل منغير ما تخبط كمان
اشكرك على ذوقك وشرفت المدونه وصاحبتهاولا بلوجر دوت كوم كله

dodda يقول...

dr.m
اسعدنى مرورك كثيييرا
تقبل الله دعائك وجعل ابنى فتح خير على امتى..امين

وارجو ان يتكرر المرور
لك منى التحيه
الله يرضى عليك بما اسعدت قلبى به من الدعاء

Bongo يقول...

اجاباتك جميلة ما شاء الله و تمتاز بالصراحة

ربنا يوفقك في حياتك و يحقق لك كل اللي نفسك فيه يارب :)

تحياتي ليكي و لمدونتك الجميلة :)

dodda يقول...

صوت من مصر

ربنا يكرمك وتتحقق كل احلامك
ربنا يفك ضيقك
انت متغير شويه ..محبش تبقى مش مبسوط

dodda يقول...

العزيز مادو
كالعاده..متشابهين

انا كمان عرفت قصه سيدنا يحى متأخر
والرسول عليه الصلاة والسلام مر بالصحابه وهم بيذكروا الانبياء فسألهم واين الشهيد ابن الشهيد
وكان يقصده

مات فى سبيل كلمة حق رحمه الله والحقنا به وبالرسول امين

ومش عارفه اقوبك ايه مكسوفه جدا من وصقك اى بالملائكيه...والرد عليه انا العبد الذى اضحى حزينا على ذلاته قلقا كئيبا
ربنا يغفر للجميع وكل ابن ادم خطاء
واملنا جميعا فى التوبه
دائما ما تسعدنى بزيارتك يا ماجد
اسعدك الله وكتبك فى جنته

dodda يقول...

محمد فكرى

اشكرك وادعو الله ان اكون كما وصفت

نورتنى

dodda يقول...

عرضحالجى
ازيك
انت كنت متوقف عن الكتابه واتفاجئت ان انتاجاك جه مره واحده كده

التاج تم تمريه لسيادتك على عرض حال مستوفى الدمغات
وعلى الله الروتين ميأخروووش

dodda يقول...

منذر
سعدت بتعليقك
والف شكر ليك وربنا يديم المعروف بين المسلمين

لا تنسانى من دعائك

dodda يقول...

بطوط
اخلا وسهلا والحمد لله ان الامتحانات خلصت
مستنيه انتاج بطوطى سخى يعوض الاجازه الطويييله
امين
يا رب تفرح مامتك بنجاحك
امين

dodda يقول...

لماضه
اهلا يا جميله

ماهو لماضه عن لماضه تفرق

واللى ميعرفش عمر يقول رقبتى وسداده
بس لو عرفتيه حتغيرى اسمك

dodda يقول...

دعاء
انت اللى منورانى
واشكرك على تعليقك وليا رجاء متقوليش بيس..قولى سلام تاخدى ثواب

dodda يقول...

فاوست
هى مامتك جت والا ايه؟؟؟؟

عموما انا عرفت انك وجدت ضالتك المنشوده فى ندوة كان عندى طير الف مبروك لسهى

dodda يقول...

bleu wave
اد ايه كلامك من قلب كله طيبه

ربنا يكرمك وينولك كل احلامك
نورت

dodda يقول...

لbongo
بسم الله الرحمن الرحيم

انا كنت بفكر فيكو انتى ويوكى لاقيت التعليق طلعلى!!!

اهلا بيكى يا جميله
امين
ويا رب كل احلامكو تتحقق وتعزمونى على فرحكوا ف يوم واحد ان شاء الله

dodda يقول...

snohi
بجد مدونتك تستاهل ان كل الناس تقراها

بتعجبنى كتاباتك وبحس ان ليها وزنها\ربنا يكرمك

fawest يقول...

فاوست
هى مامتك جت والا ايه؟؟؟؟

عموما انا عرفت انك وجدت ضالتك المنشوده فى ندوة كان عندى طير الف مبروك لسهى

...................
هو دا ردك
..................
عموما الست الوالده لسه مجتش؟؟
وكمان أنا قابلت مى اليوم فى الورشه
وكنت عاوز أشوفك أنت و مشيره

وكمان معناها أيه وجدت ضالتك المنشوده

dodda يقول...

طه

اى خناقه؟؟؟

انت كنت واخد اجازه تدوينيه حتى يعود اهل البيت

وانا اعتبرت التعليق انتهاء الاجازه اتاريها لا بدات ولا انتهت

ayman badr يقول...

تقبلت التاج يا دودا هانم اهه تاج من نفسى
وشكرا على الاضافة
بس طلبك ناقص امضاء اتنين موظفين مرتبهم لا يقل عن 1000 جنيه فى الشهر
ابقى قابلينى لو لقيتيهم
تحياتى

fawest يقول...

دودو العزيزه

الواحد ميعرفش يهزر معاكى شويه

ولا أنا كلامى كان رخم

ممكن ولا تنكرى ويمكن تعرفى حالتى الفنساويه عامله أيه

أصلى كنت لسه مع مى ومتوقعتش انك تقصديها فى الرد

عموما لما حالتى تتظبط لينا كلام تانى

سلام يا دودو

funckydoctor يقول...

البوست حلو قوى
بس مش عارف ليه بكيت وأنا باقراه
ربنا يكرمك يا رب وتحققى أحلامك
أميين أميين

dodda يقول...

ayman badr

التاج اجبارى يتجاوب عليه
لو اى موظف يرضى يبصم على طلب اشك انه يبقى فى جيبه اى جنيه مش الف جنيه!!1
قلبت على المواجع ال 30%ال!!

dodda يقول...

fawest
اكيد لنا كلام تانى

dodda يقول...

funckydoctor

بكيت!!!!

مستغربه جدا...
ربنا يسعد قلبك ويهديك لاحلام جميله ويقدرك تحققها

بس الله يكرمك بلاش احلام طبيه...

paranoia,magnetic & dramatic girl يقول...

صباح الخير يادودو
دي اول زيارة ليكي وبإذن الله مش الاخيرة
شدتني في مدونتك التلقائية الشديدة والاحساس العالي والصدق
رغم بساطة احلامك وكلامك الا انها غاية في الروعة
انا كان نفسي في اخ ولد علي فكرة بس ربنا مش اراد ومازلت امني
الحمد لله الذي اكرمك بصلاح الزوج
بإذن الله في الجنة سويا
....
انتي كنتي بتعملي نفسي بكماء
انا بقي كنت بعمل نفسي مش انا
كنت بتظاهر اني الاخت التوأم
والناس بتصدق وكنت بعشق الاحساس ده
........
ربنا يبارك فيكي يارب ويمنحك ما تتمنين
......
دودو

كوارث يقول...

اهلا اهلا
ما شاء الله
اجابتك رائعة فعلا وملتزمة جدًا
ربنا يرزقك بالذرية الصالحة .. ويحيى
يا رب..

طارق الغنام يقول...

اختى الكريمة
ربنا يحقق كل امالك واحلامك
انتى قلتى حلم واحد هو حسنة الدنيا وهو الزوج الصالح
ربنا يؤتيكى حسنة الاخرة وهى الجنة
تقبلى تحياتى وسعيد بزيارة مدونتك
ودمتى بود

كاتب مصري يقول...

تحيتي
الصراحة لم أقرأ البوست لأني الآن على عجل ولكنني سأعود حتما لأقرأه وأضع تعليقي
هذه المرة الأولى لي هنا وأحب أن أدعوك بدعوة مصحوبة بالفل والياسمين لزيارة مدونتي آملا أن لا أرد دون إجابة الدعوة ..
أنتظر زيارتك وتعليقك قريبا..أظنها ستروق لك
تحيتي
مدونتي هناhttp://kanyatklam.blogspot.com/

- أبوللو- يقول...

مساء الخير
المشبك جاهز والرواية جاهزة
عجبتني ردودك على التاج
ومش هاقولك حاجه تاني غير ان عملك المهني دي حاجه رائعة اشتغلتها أنا كمان من 10 سنين كده
عموماربنا يكرمك ويوفقك دايما
أنا قريت البوست اللي قلتي عليه بس ماقدرتش أعلق..
تمنياتي الدائمةبالخير

بيتنا القديم يقول...

"فزوجى ولو ان شهادتى فيه مجروحه فاق كل احلامى ولا يكفى ابدا ان احمد الله كل لحظه كرمه معى فى اختيار الزوج"
.
.
.
اسعد الله قلبك به

اسعد الله قلبه بك

حبس الله لسانك عن

الخوض في هذه النعمة

فكل ذي نعمة محسود

...............
لعبناها قبلك يا معلم

التاج ده اتكعبلت فيه

قبل هالحين...!!

(:

http://osamaislamic.blogspot.com/2008/05/blog-post_13.html

Dr. Eyad Harfoush يقول...

عزيزتي Dodda
لجميل في ردودك تلك العفوية الرقراقة أنها شديدة الانتماء الينا، الى مصر، مصر الطبقة المتوسطة المثقفة، ذات الايمان الهاديء و الوطنية العميقة و الانتماء الاسري اللا-متناهي
تحياتي و تقديري

Marionette يقول...

نفسي اخس 10 كيلو برضو =)

موجة يقول...

ياااااااااه
كنتي صادقة جدا في اجاباتك على حد ما شعرت و انا اقرأ اجابات التاج الشنيع المريع الفظيع ده
بس ماليش دعوة بقة ما ليش دعوة انا عايزك تمرريللي التاج ده

خالص تحياتي
مجرد موجة
احمد

راجى يقول...

كلامك صادر من القلب وصادق

bar2ash يقول...

دوددا
ازيك يا قمر انتي فين من زمان

بجد اجاباتك جميله اوي

وحساسه وجواكي شخصيه جميله محترمه كمان


حتي الاشخاص اللي اخترتيهم كان بناء علي الدين وانا كمان بشاركك في حب الشيخ عمر عبد الكافي


تحياتي ليكي

appy يقول...

تعرفى انك صريحه قوى
بجد وفى نفس الوقت رقيقه خالص
ربنا يحميكى يا رب

dodda يقول...

paranoia,magnetic & dramatic girl
البلوج نور بزيارتك يا دعاء
زربنا يكرمك بكل اللى تتمنيه
امين

dodda يقول...

كوارث
اخلا بيك ضيف عندى
وربنا يتقبل دعائك ويكرمك ويوسع فلى رزقك
امين

dodda يقول...

طارق الغنام
اشكرك بكل ود
وارجو من الله ان يتقبل دعائك
ويكرمك بكل ماتتمنى ويرزقك من حيث لا تحتسب
امين

dodda يقول...

كاتب مصرى
!!!!
احيك على صراحتك...

dodda يقول...

د.زين
اخيرا عفوت عنى

انا مستنيه المشبك ويا ريت لو فى هريسه

وحلم ال10 كيلو
هأوووو
انا لازم اشوف موضوع المهنه ده
دا حضرتك بقى 7 صنايع بجد...
نورت واسعدتنى بالتعليق

dodda يقول...

بيتنا القديم

الله يرضى عليك ويصلح حالك

من الجميل بل من الرائع ان استشعر صدق الدعاء من اناس اعدهم اعزاء

لك جزيل الشكر
وعن التاج ممكن اعرف موضوع السجاده؟؟؟

dodda يقول...

الدكتور اياد حرفوش

اهلا بك
قد اكون كل ما قلت
لا ان ايمانى اعمق من ان يكون هادىء

وانا اطلاقا لا انتمى للطبقه المتوسطه
فانتمائى فقط لامة وسطا
خير امه اخرجت للناس...
وارفض التصنيف الطبقى بمطلقه
واشكرك.. فقد ذكرتنى بدعاء قريب لقلبى
اللهم احينى مسكينا وامتنى مسكينا واحشرنى فى زمرة المساكين..

dodda يقول...

marionette
ربنا يحققلك كل امنياتك
واذا عاوزه دايت قوليلى...

لازم تبقى خفيفه عشان الفتل متتقطعش...
اسم مدونتك جميل

dodda يقول...

موجه
حللت اهلا
وطبعا التاج تم تمريره لك وللجميع

الاحلام ليست حكرا على احد

ربنا يحققلك كل اللى تتمناه

dodda يقول...

البشمهندس راجى

اخلا بمن اختفى حتى افتقدناه
اشكر مرورك الذى يسدنى مهما قصر

dodda يقول...

برقش
اشكرك ..
نورتنى

ادام الله شيخنا وبارك فى عمره

dodda يقول...

appy

ميرسى...
ربنا يكرمك ويتملك على خير
واوعى يفوتك المعرض

Dr.Mohammed Gohary يقول...

كنت دايما افكر فى انى افقد النطق

يااااه الواحد فعلا ما بيحسش بقيمة الحاجة الا لما بيفقدها
شفتي الاحساس لو بطلتي الكلام لساعة إرادياً وتبقي هتموتي وتتكلمي أو تطلبي شيء
تخيلي بقا الناس اللي فاقدين الحاسة دي والله بيصعبوا عليا جدا


كنت بحلم ان بابا الله يرحمه يفضل موجود معايا

للأسف دا ما ينفعش كذلك والدي متوفي منذ ثلاث سنوات تقريباً ولكن هذه سنة الحياة وهذا نظام الكون ولكل شيء عمر . رحم الله والدك وأسكنه الفردوس الأعلي وموتانا وموتي المسلمين


ربنا كتبلى اعمل عمره الشهر الجاى ده

عمرة مقبولة ان شاء الله
وربنا يرضي عليكي ويكرمك




حلم حياتى اللى عندى يقين ان ربنا مش حيخيب املى فيه انى اجيب ولد اسميه يحي لانى بحب سورة مريم

يااااااااااااه صدقيني ربنا هيكرمك ان شاء الله بـ يحي
ويارب تقدري تربيه علي القرآن ويبقا فرد نافع للمجتمع


انى اكون حازمه شويه واخس عشره كيلو!!!

ههههههههههه وتعملي ايه في اللي عاوز يخس اكتر من عشرين كيلو مش ههأأو سبعين ههأأأو عارفه انا خسيت قبل كدا وبقيت مثالي ورجعت تاااني



اول شخص بجد كان نفسى تكون صحبتى من زماااان اوى "مى"

ربنا يديم عليكم الحب



وفيه واحده بقى مش حتكلم عنها كتير عشان لازم اعملها بوست لوحدها"حماتى"

انتي انسانة رائعة فلازم ربنا يكرمك بأم زوج تكون بتحبك زي بنتها ...... مستنيين البوست



طبعا بابا الله يرحمه كان نفسى يشوفنى وانا عروسه

عارفه أول ما قريت الكلمة دي دمعت عيناي بجد والله

أنا والدي توفي من 3 سنوات تقريبا ليترك لي ثلاث اخوات بنات وأم اختي الكبري دكتورة دينا كانت في آخر سنة من الطب " الإمتياز " لم يشهد أبي تخرجها ولا حتي زواجها مع أنها كانت روحه. أختي اللي تليها داليا بكالوريوس ألسن كانت خطوبتها قبل وفاة والدي رحمه الله بأسبوعين فقط وهي الوحيدة التي رأي أبي زوجها ووافق عليه وفعلاً ربنا أكرمها بيه زوج علي خلق ربنا يكرمه يارب اتجوزت وخلفت حنين بنوته زي القمر لما قولتي حضرتك كان نفسي والدي يحضر فرحي تذكرت والدي وتذكرت هذه الكلمة تخرج من فم أختي داليا ونحن نقوم بعقد زواجها وكان وكيلها عمي وليس أبي لله ارادته ولله الأمر من قبل ومن بعد . أما أختي الكبري د.دينا زوجتها والحمد لله لطبيب صيدلي ماشاء الله عليه خلوق محترم وانجبا سيف الدين ماشاء الله عليه ولد أمووووووور عقبال ما تجيبي يحي يااااارب ونباركلك وتبقي كدا مش قادرة توفقي بينه وبين المدونة فتتعطلي عن كتابة البوستات ونقولك بتوحشنا بوستاتك

أما أختي الصغرى دنيا تالته ابتدائي كنا كلنا مستغربين جايه علي آخر العمر تعمل ايه ؟؟؟ وبعد وفاة والدي عرفنا انها سند لأمي وان ربنا ليه ارادة

معلش دوشتك

خليني أكمل التاج

الشخص اللى نفسى اشوفه بقى ويشوف ولادى لما يجوا ان شاء الله..عمر اخويا ربنا يهديه ويديله الصحه

ربنا يخليه ويرجعلك بالسلاااااااااامة


آسف علي المساحة الكبيرة اللي أخدتها

متشكر علي المدونة شكلك انسانة طيبة بجد

دمت سالمة

dodda يقول...

Dr.Mohammed Gohary

بجد مش عارفه اقولك ايه

انا عندى اتنين اخوات اطباء وبعتبرهم زادوا واحد..طبيب برضه!!!
واضح انى موعوده بيهم
ربنا يكرمك ويباركلك ويسترها معاك
ويبارك فى اخواتك ويكرمك فى الصغيره وتجوزها هى كمان زوج صالح بأذن الله


اسعدتنى جدا جدا بتعليقك الجميل وربنا يبارك فى عمر الوالده ويرحم الوالد وكل موتى المسلمين
امين

البت قباحة يقول...

جميلة جدا اجاباتك و دية اول مرة امر هنا و انشالله مش الاخيرة

كانت اجابات صريحة و من القلب و عشان كدة وصلت للقلب

سلامى

dodda يقول...

مروه مدحت..
اسفه مش حقدر اقولك الاسم اللى بينادولك بيه,,انا مش بشتم!!!
اللسان الطويل مش لازم يكون قبيح ممكن يطول للحق
وانا ضد الشتيمه قلبا وقالبا ربنا خلقنا فينا جمال نرفض القبح...

انتى نورتينى واتمنى ان كلامى يكون له اى اثر عليكى..

واوعى تتضايقى من كلامى انا صريحه جدا جدا..
وبشكرك على تعليقك الجميل اللى لا يمت للقباحه بصله

Dr.Mohammed Gohary يقول...

متشكر جدا ليكي

وشرف عظيم جدا انك تبقي لي أخت

تمنياتي بالتوفيق

وبحياة سعيدة

دمت مبدعة

will يقول...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品