لما تكون ماشى فى الشارع فى امان الله...
ويجيلك ذنب يروح راكب فوق نفسك مفطسك ..ده يرضى مين؟؟؟
لما تبقى لسه بتقول يا فتاح يا عليم وتلا قيك فى النار رغم انفك وانف اللى يتشددلك!!!
طب ده يرضى مين؟؟؟؟
صباح يوم ما فى الاسبوع اللى فات
نزلت انا وجوزى العزيز مسافرين لمامتى..
واحنا خارجين م المعادى بمنتهى السعاده صاحيين بدرى ومدينها نسكافيه وكله تمام
نلاقى الكورنيش زحمه شويه...
وال ايه فى لجنه..
الباشا سيادة الامين..بيصطاد مش سمك ولا بط
لا بيصطاد فى ميه عكره
يعنى بيقلب الناس اللى رايحه واللى جايه ببساطه..
الباشا بيعمل سبوبه عالصبح!!!!
عدى ناس كده وجه علينا وقال لجوزى الرخص!!!
قاله خير فى حاجه ؟؟
قاله "الفيميه "اللى ورا ممنوع..الازاز الاسود ومنيل اللى ورا
جوزى طيب جدا اداله الرخص وبيتكلم معاه ..ولان جوزى العزيز عقليه المانيه على ارض مصريه
كان بيتكلم بالمنطق..
قاله انا سألت وقالولى ما دام العربيه كلها مكشوفه مش مشكله
رد الباشا وقاله لا غلط وحسحب الرخص...
قاله انا مسافر ومش حينفع اسيبلك الرخص
قاله يبقى فى غرامه فوريه 100 جنيه...
قاله طيب ادفع... مش بقولكوا طيب
قاله طب حضرتك تدفع 50 جنيه وتتفضل!!!!!!!!!
وجوزى بمنتهى الطيبه راح جاى واخد 50 جنيه م المحفظه واداهم للباشاوخدنا الرخص ومشينا.....
انا طبعا قعدت افرك ومبقتش على بعضى ...
قلتله يعنى رشوه؟؟؟
بدأنا نضرب اخماس ف اسداس وهو يقولى دى اتاوه ..فِرده.. جبايه ...ومسميات متعدششششش
قبل ما نوصل اى حته ..كلم واحد صاحبه وحكا له
صاحبه قاله كان لازم تفاصل معاه...يعنى كفايه 20 والا30 جنيه!!!!
وقبل ما نوصل اى حته هو قالى طالما مش قانونى نشيله...قصده الازاز الاسود ومنيل اللى ورا
ووصلت عند مامتى وحكينا الست بقت تضرب كف على كف
وبعد ما قررنا نا وجوزى ان ده مش حيتكرر تانىواناا حندفع الغرامه الرسميه وناخد وصل
بحكى لخالتى قالتلى...
حتدفعى ال100 جنيه وتاخدى وصل
واول ما تمشى يعملك مخالفه ب500 جنيه ومش هو اللى حيكتبها اى واحد زميله فى اى حته تانيه..
مانتى نفعتى الحكومه وهو لا!!!!!!
طب انا اتعكننت ودفعت 50 جنيه
واتعكننت وانا بقول انهم رشوه
واتعكننت انى لو دفعت الغرامه او مدفعتهاش حتأذى وحيكتبلى مخالفه انتقاميه....
طب يرضى مين اتعكنن كل ده؟؟؟
ويرضى مين ان الرشوه الاجباريه اسمها برضه رشوه
والراشى والمرتشى فى النار
طب يرضى مين ان انا اروح النار؟؟؟؟
حسبى الله ونعم الوكيل
هناك 54 تعليقًا:
بما انى راجل محامى
هى دى للاسف شرطة مصر
ماشية كدة
السلام عليكم
عارفه العيب فين..مش إن الضابط بيفرض اتاوه(مش رشوه)..مش إن اللي هيقيد المخالفه هيزودها غيره.. مش إنكم دفعتم 50 جنيه..مش في زوجك الطيب ذو العقليه الألمانيه......
المشكله إنك على الأرض المصريه...
بالنسبه للرشوه والله أعلم دي مش رشوه لأن الرشوه بتراضي الطرفين ..دي زي ما قلت إتاوه والذنب إن شاء الله على جهه واحده..
وحسبي الله ونعم الوكيل
تحياتي
سلام
هقولك ايه
هو ده حال البلد ونتمنى يتغير
وفى الأخر لازم تعرفى حاجه مهمه جدا
لما تلاقى الظابط مش ظابط يبقى انتى اكيد فى مصر
تحياتى واعتزار من مصر عن طريق ابن مصر لكل واحد مستاء من اللى بيحصل فى مصر والله العيب مش فيها كلنا عارفين العيب فين بس نقول ايه
حسبنا الله ونعم الوكيل
هيه ده مصر يا عبلة
ولا عزاء للشرفاء
للأسف دى حاجه غصب عننا وبتعطنن علينا كلنا
هانعمل ايه ربنا يلطف بينا
مرحبا بك فى مصر
أم الدنيا
دودا
عقلية ألمانية
فرنسية
أى حاجة
متمشيش هنا
خاطبوا الناس على قدر عقولهم
و هيا دى العقلية المتاحة حالياً
ربنا يغفرلكم عشان دى جباية فعلا مش رشوة ....
المهم النية
نيتكو كانت الدفع بس
مش رشوته
ربنا يخلصنا بقى
ربنا يكفينا الشر
هى النار دى بالسهل كدة
لا احنا عشمنا فى رحمة ربنا كبير
ربنا يرحمنا ويكفينا شر العذاب
وما حدش يرضيه أبدا إنك تروحى النار
ولا جوز حضرتك طبعا
المهم انك تكونى مش عاوزة تروحى النار
وعلى كل اللى بيروح النار ده اللى بيكره نفسه بس
وربنا بيكرهه اكتر ما هو بيكره نفسه
ربنا يكفينا الامراض القلبية(النفسية)
"إن الذين كفروا ينادون لمقت الله أكبر من مقتكم أنفسكم إذ تدعون إلى الإيمان فتكفرون"
أختى العزيزة
براحة على نفسك وعلى جوزك الطيب البسيط الجميل.
وخدى الأمور ببساطة أكثر من كدة
الدين يسر ورحمة مش رهبة و رعب
"لا يكلف الله نفسا إلا وسعها"
وبعدين مافيش مصلحة رجعت على الراجل (جوزك)علشان يدفع المبلغ بس أنا رؤيتى الخاصة انه كان قال له معلش أنا أفضل أدفع الغرامة يمكن كدة يكون سبب فى هدايته وأنا شايف إن مغامرة هدايته تستاهل أكتر من 500 جنيه.ونبقى عملنا الصح كله و يفعل الله ما يريد.
مين عارف الأمين ده هايعيش لحد ما يلفق الغرامة ولا لأ؟ ولو عاش يا ترى ها يفتكر ولا ربنا هاينجى جوزك من الهم ده؟ ولو افتكر ونفذ كلام أختك برده احنا عملنا اللى يرضى ربنا وبالأدب والإحترام والمصانعة من باب "ادع الى سبيل ربك بالحكمة والموعظة الحسنة"
والحمد لله احنا فهمنا القانون بلش من الفيميه يا ستى علشان القانون مانعه
وندفع الغرامة اللى تتطلب مننا
وطبعا انت عارفة"إن الله يغفر الذنوب جميعا" ومتأكدة مش كدة؟
على فكرة انتى اتكلمتى كتير كدة ليه؟
تقبلى وزوجك تحياتى
السلام عليكم ورحمة الله
احنا اللهم لا حسد بلدنا دي استاذة رشوة واحنا عباقرة مسميات تانية عشان مانقولهاش رشوة كده صراحتاً
طب هو عمل كده مع جوزك عشان شافو راجل محترم مابالك بئى بيعملوا ايه فسواقين الميكروباصات
توب علينا يارب
عارفة دائماً مش بمشي عكسي اول مرة واخر مرة عملتها فحياتي كنت بلف عكسي اتنين اشارجية شافوني في وقت واحد
ده كتبني وده كتبني
يعني نفس المخالفة مرتين واضطريت ادفع رشوة عشان كأن الاتنين محصلوش او ادفع الاتنين
يالهوي عالنحس انتقام ربنا الله ينور
جهاز الشرطه في مصر عباره عن تشكيل عصابي كبير دا اقل شئ ممكن يحصل لحد من الناس
تحياتي
ميرضيش حد انك تروحي النار
بس للأسف النار هي الي بقتي بتروحلنا
يا حبيبة قلبي محدش يرضيه تروحي النار، وبيتهيالي النظام الفاسد والحكومة الفاسدة هما اولى بالنار .. ما هو لو فيه نظام حاكم البلد بما يرضي الله مكانش دا بقى حالنا.. كل امين شرطة - اسفة في الكلمة - معفن يتحكم في خلق الله اللي هما في الغالب احسن منه ، وبعدين زي ما فاتيما وغيرها قاولك : دي اتاوة مش رشوة.. هما فعلا بتوع وزارة الداخلية دول مجموعة بلطجية وفتوات
ربنا يعفينا ويعفي كل حبايبنا من النار
تحياتي يا قمرة
لما تلاقي الجد فـ إيدو حفيدو..
...............
وأما تلاقي الباشا مدّله إيدو..
................
وأما تلاقي حاجات كتييييييير قوي....
..................
يبقى انت أكيد أكيد..في مصر!!
..................
لا طبعا ما يرضيش حد ان واحدة طيبة ومتجوزة واحد طيب يروحوا النار
لكن لاحظي انكم مضطرين
لذا فمش هتروحوا النار
زي بالظبط اللي بيهدد واحد انه هيقتله لو ما شربش خمر فبيضطر يشرب والمضطر معفي في الإسلام
ادعي للناس بالهداية
موضوع هايل وقضية تستحق المناقشة
تحياتي
سلامو عليكو
ياااااه
أولا: الحمد لله ان الراجل اللي وقف جوزك كان طيب و الا الراجل كان انتهزها فرصة و قعد يقضيها سخرية
ثانيا: المرة الجاية يشيل الفاميه بايديه أحسن ما يدفع كل المبلغ ده
ثالثا: ده حاجة ما توديش النار .. دي حاجة زي الابتلاء .. يتنضف ذنوبنا
رابعا: فيلكوميت تو أجيبتن
:)
طب تقولى اية لما تدفعيها رايح و انت راجعة تلاقى نفس اللجنة و الراجل عارفك و معداش عليكى نص ساعة و برضة ياخد منك تانى
قباحة قباحة يعنى
حسبى الله و نعم الوكيل
سلامى
حسبى الله ونعم الوكيل
طبعا الى بتقولى عليه موجود فى كل مكان
فئه امين الشرطه
ال امين ال
ضاعت الامانه من يوم ان اطلقوة عليه امين
وضاع معها الشرف والعفه والكرامه
امين الشرطه ما هو الا حرامى الزامى او حرامى رسمى وعمومى
ولو وزير الدخليه ميعرفش كده يبقى لامؤخذه بقى!!!!
ومعهد اماء الشرطه ماهو الا معهد لتخريج البلتجيه والفتوات بالزى الرسمى
لما تشوفى فيلم هى فوضى كلامى هيكون واضح اكتر
تحياتى
مدحت
للأسف الاسف الاسف ومزير من الاسف هى كده مش ماشيه خالص
دى بتغرق
نورتنى
السلام عليكم
يانهار ابيض
ان شاء الله مفيش نار ولا حاجه
ربك اعلم باللي جوا نفوس عبيده
وعارف انكم مغلوبين علي امركم
قوانين ربنا مش زي قوانين البشر
ان شاء الله مادام جواكم طيب
ربنا هيكرمكم
تحياتي
بقولك احسن حل ان جوزك يتبرع بالعربيه للبيه الامين ويلبس له بدله ظبوط ولا حتى لوا ويقف يطلع له بسبوبتبن حلوين
وادعي لي وما تنسيش اخوكي صاحب الافكار
احمدي ربنا انهم خمسنايه وربنا ما يوري حد الضرايب واللي بيعملوه فينا
السلام عليكم
انتي تعرفي المشكلة الحقيقية بجد في مين
المشكلة في الشعب
الناس العاديين يدفعون الرشوة بمنتهى البساطة و يسمونها بأسماء غير اسمائها " هدية مثلا "
لقد تعودنا منذ القدم ان نسكت على الفساد و نظن ان الله سيحاسب الحكام فقط
و كأن الله لن يحاسب جنود فرعون رغم انهم مجرد اتباع
نتمني من الله ان يهدينا و يوفقنا في محاربة هذا الظلم
dr.m
اذا توجد مشكله..
سأتعلم الطيران حتى لا الامس ارض المشكله
وربنا يسامحنا ويرحمنا
son of egypt
اسأل الله ان يرفع الظلم عنا
ولو انى اعرف يقينا وجوب ان نغير ما بأنفسنا
funckydoctor
لا عزاء لا عزاء لا عزاء
واحلى من الشرف مفيش!!
blue-wave
ربنا يلطف بينا ويرحمنا
امين
fawest
لم تعد ام الدنيا
حياله مرات ابوها!!!!!
فاتيما حبيبتى
ما هى لو عقليه شوارعيه كانت عرفت تتصرف
بس !!!
مع اصرارى
عندى يقين ان ربنا رحمته بينا اكبر من كل شىء...
وانا فى نار الدنيا دلوقتى
كل حاجه لازم تفكر كتير اوى عشان تعملها وتتأكد ان مفيهاش شبهه
ربنا يرحمنا ويلطف بينا
توره الخشن
لو عرفت انك بتتشاقى بالعربيه وتمشى مخالف انا حسحب العربيه مش الرخص ..مفهوم
امشى عدل يحتار عدوك فيك والا ايه؟؟
EGYPT EYES
صدقت..
الحراميه ملمومين على بعض
وعاملين عصابه..
وكله على دماغنا
لنا الله
شادى اصلان
يمكن لمانتحمل نار الدنيا ربنا يكرمنا وندخل الجنه فى الاخره
bobo
الفراشه الجميله
كله الا انك تتنرفزى
وربنا يكرم كده والفساد ياكل بعضه ونخلص منه عن قريب
قولى امين
بوسيلى عمر ربنا يحميه ويجعل ايامه احلى من ايامنا
محمد فكرى
مع الاسف الشديد مش هى دى مصر
اما مش لاقيه حاجه تأكد انى ق مصر غير الطيبه فى قلوب الناس
يا ريتنا نرجع مصر بقى
الغربه كربه...قما بالك وانت فى بلدك بقى....
ربننا كريم
Dr.Mohammed Gohary
انا يالفعل ببقى فى النار لما عقلى يجيب ويودى
ربنا يسترها معانا ومحدش ناقص ذنوب
ربنا يهدينا ويهدى كل الناس
مصطفى
اولا لو كان ده حصل محدش كان حيسكت
تانيا جوزى مبيحبش يعمل اى حاجه مش قانونيه..واحنا اشترينا العربيه كده
ويستحسن انك تغير الازاز عو شيل الفيميه لانه حيبقى مشوه
ثالثا يا رب يا صاحبى تكون كده لحسن اختك بتخاف ربنا اوى
ورابعا بقى انت مبتفش العربيات اللى الازاز كله فيميه؟؟؟؟
مروه
ليه تدفعى؟؟
لو ماشيه صح وغلس عليكى ياخد على دماغه
والا انت بتمشى مخالف؟؟؟
والا تلكيك كالعاده؟؟
ممكن
كلامك تمام وبمعرفة الوزير طبعا
ومش حتفرج على هى فوضى...خلينى حلوه كده ومش عايزهاعرف اسوء من اللى اعرفه...
برقش
دعواتك يا ابراهيم
ربنا يتجاوز عن سيئاتنا جميعا يا رب امين
كلبوشستان...
نورت المحكمه..قصدى المدونه
بس مينفعش واحد زى جوزى يبقى اى حاجه فى الحكومه لأنه الحمد لله نزيه وبيتحرى الحلال الى اقصى مدى
واللى يجى فى الفلوس مش مشكله المهم ميبقاش علينا ذنب
نرد نقول ايه لما نسأل عن مال فيما انفقته؟؟
ahmed saker
ربنا يلطف بينا
واما مؤمنه ان كل انسان هيتحاسب
والحمد لله ان ربنا مطلع على كل شىء
الشعب فى خدمه الشرطه ؟
ltda jugdr
اسف للتاخير
صوت من مصر
دخلت جون بالكلمتين دول
وحمدالله ع السلامه
السلام عليكم ورحمة الله وبركاته
الشارع عندنا اتجاهين طول عمره
فجأة
الصبح
اللى جاى من العمومى بس
واللى عكس كده مخالف
لاما رخصك(وتدوخى لما تجيبيهم تانى -انا جربت المقاوحة)
لاما ال100 جنيه الفوريه
لاما البرزتين(يعنى20مضروبة فى اتنين ياحبيبتى)
بعد الضهر العكس
واللى رايح على العمومى بس
والخالف يتكرر معاه نفس السيناريو
بحذافيره
(ماهو فيه باشا جديد مشك النوبتشيه ولازم يعمل سبوبه هو كمان)
وربنايعوض علينا ....
norahaty
هو مفيش غيرك فى الشارع والا ايه؟؟؟
عموما انا جاتلى فكره
والمهم النيه..
كل ما اشوف عساكر مرور اديلهم اكل وحاجات حلوه ماهم فى مصر زينا واكيد حالهم يصعب عالكافر
ودول بقى متذنبين فى الشارع طول اليوم يعنى اكرامهم صدقه...
السلام عليكم ورحمة الله وبركاته
لأ يادودو ياللى اسمك على اسم بنت اختى حبيبتى
فيه ناس تانين برضه واللى بيحصل ده بيحصل لاى واحد مننا كل يوم لحد الوحش الخرافى ده لما يشبع.....
وبعدين تقوليلى اكل
ده امين شرطة اسم الله
والله يادودو ما اكذب جوز اختى طلع له 10 جنيه مرة
بص له كده وقال له (بكل اباء وشمم) انت بتهزأنى؟؟
شفتى بجاحة زى كده
شكرآ للتعليق السريع
وارجو دوام التواصل
انا اعتقد ان جوزك صح وانكم لازم تشيلوا الزجاج الفيميه لان من اول اغسطس حيطبقوا قانون المرور الجديد وربنا ما يوريكى بقى على اللى حيحصل من مهازل
ويستحسن تعزلوا من المعادى اصلا او بلاش الكورنيش وخليكوا فى الاوتوستراد
انا باتكلم جد نبعد عن الشر وربنا يستر
لكن الله غفور رحيم وهو عالم بالحال
تحياتى
norahaty
كده يبقى فى حل كويس انك دايما تحتفظى بالفكه معاكى عشان امين الشرطه مش بيبقى معاه باقى
وحسبى الله ونعم الوكيل
راجى بك
لو عندك طريقه يتشال بيها قولهالى لان لما يتشال بيشوه العربيه!!!
وانا حاسه بانفجار قوانين السلخ فى وشنا
لنا الله
هههههههههههههههههههههههههههههه
بتضحك علشان انا كده فى النار ليه حركة اربع خمس سنين من زمان قوى انا بدخل قسم الشرطه بدفع بروح لموظف المحكمه بدفع يا كده يا شغلى يتعطل ودى مصالح ناس ملحوظه انا بدفع وانا ماشى قانونى يعنى بطالب بحقى وبدفع وهى دى مصر
حسبى الله ونعمه الوكيل
رئيس جمهوريه وبتدفع فى الرايحه والجايه؟؟؟!!!
دا الواحد ميزعلش بقى...
ههههه
ربنا يتوب علينا
بصراحة مش عارف اقلك ايه ؟
بس هي دي مصرنا العزيزة وكل سلك الشرطة والمرور كده يعني هتلاقيهم كلهم كده اصله هياكل منين يا حرام اله يكون في عونه
نصيحة بقى متخليش اي حاجة مخالفة في العربية علشان لو جه اي ابن ...... يتكلم معاكي نص كلمه تخزقي عينه وتضربيه وميكنش ليه عندك حاجة انا عملت كده في النهاية وشلت الستائر ( اهئ اهئ اهئ ) علشان معرضش نفسي لموقف مع اشكال زي دي
ومتزعليش نفسك انتي مجبرة دي تعتبر سرقة مش رشوة
تحياتي
hero
انا بفكر اشترى طياره..وحتى اهرب
م الزحمه..
حل كويس مش كده؟؟
وححط ستاير عشان خاطرك بس
وربنا يستر وميكونش فى عسكرى مرور فوق!!!
الشرطه فى خدمة الشعب
انسى عشان الضغط
صديقتى العزيزة
هى دى مصر يا عبله
اسف
شكرا
سنوهى
نورتنى
وانا بستغفر اذا كان اللى حصل ده ذنب
وحنسى انى فى بلدى لان المواطن درجه عاشره ده من سمات الغربه
إرسال تعليق