2008/08/20

يعنى ايه؟؟؟



يظهر انى بقيت زى اهل الكهف!!!!



انا اتجننت والا اكتئبت والا ايه؟؟



طب كل ده كان امتى وليه؟؟



طب اعمل ايه واقول ايه؟؟


طب مين بيعمل ايه؟؟


منين يودى لفين واخرة المتمه ايه؟؟؟




سامحونى فى اللفظ ..


احيه..


كيلو اللبن بقى ب6 جنيه!!!!!


طب اخبار السيراميك ايه؟؟


طب نعمل حمله ونبطل النسكافيه؟؟


والعيال الصغيرين نشربهم ايه؟؟!!




بورررريه من دى بلد ومن ده شعب ومن ايه والا ايه...




هناك 54 تعليقًا:

إبن مصر يقول...

السلام عليكم
اهوإحنا ممكن نقديها بأى حاجه مش مشكله احنا انما العيال الصغيره نسقيهم لبن منين على رأيك اقولك نعمل لهم سندوتشتات حلاوه بالمكسترات
اه كنت عايز اسألك هو يقوم امته ويوصل الساعه كام هههههههههه
كل سنه وانتى طيبه
تحياتى

إبن مصر يقول...

السلام عليكم
انا رجعت تانى اهنى نفسى بإنى اول كومنت فى مدونتك الجميله دى
تحياتى
nageh

Amgad يقول...

ايه يا بنتي الروعة دي
بجد احيانا قمة الغضب
تولد المعجزات
وتولد الشاعرات من باطن الشقاء
بس كان نفسي لو تناولتي اكتر من حاجه
اكتر من اللبن ابو ستة جنية
عموما خالص تحياتي ومواساتي

funckydoctor يقول...

كيلو اللبن بستة جنيه
ربنا يستر ولسه ولسه
هنفضل ساكتين لحد ما يبيعونا عيالنا اللى ليه ما جووش

ShimaaMahdy يقول...

هو كيلو اللبن بقى بسته جنيه؟؟؟؟

الحمد لله مش بشربه

بس على فكره الناس دى بتحب الاطفال قوى لان الاطفال مش بيحبوا يشربوا اللبن D:

حسبى الله ونعم الوكيل فيهم


******

على الهامش بقى بجد جبااااااااااار اسلوبك خفيف جدا

كل عام وانتى بخير (:

Mostafa Abdelmoneam Badr يقول...

اديها بيبسى اديها
ده الطعم كله فيه
اديها بيبسى................

غير معرف يقول...

دودو ده ب6 جنيه على ابواب رمضان اما فى معمعة الشهر الفضيل فهيتباع بالضعف وعارفه ليه لان الناس مش هتبطل تشترى عشان تحسس اليى بيغلى اننا سنقاطع او نجيب جواميس فى بيوتنا بس الاكل غالى هنأكلها منين ...ما علينا ربنا معانا وكل رمضان وانتى بالف خير ..

الكاتب احمد كاجوال يقول...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق
و اتمني منك الرد علي الأستفتاء و يريت تكون اجابي أكتر

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

آه وكفى يقول...

يحرق دي عيشة مش بلد بس
اللع اعلم البلد دي رايحة على فين

غير معرف يقول...

ها الجميل فاق من صدمة الكيلو اللبن ولا لسه انا حبيت اتطمن بس ربنا يخفف عنا جميعا ويقوى جهازنا العصبى ...فى رعاية الله وامنه..

Dr.Mohammed Gohary يقول...

عارفة
قد ما انا حاسس انك زعلانه

بس بجد ضحكت
هههههههههههههههههههههههه

بخاصة من بوررررريه

هههههههههههههههههههههههههه

ههههههههههههههههههههههههههههه

أختي الكريمة

ازيك؟؟؟؟؟؟

والله والله مقصر معاكي
بس الامتحانات بقا الله يجازي شيطانها

يلا خير

موضوع عنب
هههههههههههههههههههههههه

خالص التحية
يا دودّا

ذو الوجه المبتسم يقول...

بشعور ملؤه الحب
اجمل التهانى
بحلول شهر رمضان المبارك
كل عام وانت بخير
تحياتى

me يقول...

احيييييييه

يس؟؟؟؟؟؟؟؟؟

و الله الواحد مالقيها من الاكل و لا من الدوا

يلا بخاطرها
بس معجبه جدا بالدخلة

اكشن والله

تحياتى

تشاااااااااووووووووو

حزينه يقول...

انت بتتكلم عن اللبن....
طيب السكر مين يتكلم عنه
ولا كيلو اللحمه
ولا الدوا
ولا لا...

البلد خلاص
والحكومه مبسوطه
واحنا الضحايا

dido يقول...

السلام عليكم
يا نهااااااااااااااااااااار زي بعضه
انا اصلي مش بشتري حاجات البيت ازاي بجد والله اللبن يغلي كده
امال الناس اللي دخلها في الشهر اصلا 150 جنيه ولا 200 جنيه تعمل ايه ده لو شربوا لبن بس يشحتوا باقي الشهر امال باقي حاجات البيت بقت بكام والله انا ما لاقيه كلام

غير معرف يقول...

دودو رمضان خلاص الاسبوع الجاى كل رمضان وانتى واسرتك بخير انا حبيت ااقولك كل رمضان وانتى بالف خير يا جميله...فى رعاية الله وامنه..

dodda يقول...

son of egypt
يقال يا صاحبى ان الملوخيه فيها فايده زى اللبن
واهو ببرونة الملوخيه ومنها جايه!!!!

الف مبروك المركز الاول
اللى يهمنى احلفظ على الصف الاول فى الصلاه ان شاء الله
وكلنا نهنبك يرضا ربنا

كل سنه وانت بخير واهل بيتك جميعا ان شاء الله

dodda يقول...

amgad
كل حاجه غليت وولعت

بس اللبن طول عمره مش فى السباق
التمر واللبن كان اكل الزاهدين والمتقشفين

وبعدين بجد الناس تغذى ولادها بأيه

ربنا يتولانا برحمته
نورت يا هندزه

dodda يقول...

funckydoctor
بعد الشر على عيالك

ربنا كريم هما يضيقوها وهو يوسعها علينا
بس احنا نحسن التوكل على الله
وهم حسبى الله ونعم الوكيل

dodda يقول...

shimaamahdy
اشكرك على مرورك

ويا ريت عدم حب اللبن كان رحمه من الجنون بتاع الاسعار
الا انه للاسف غلى وفار!!!

dodda يقول...

مع اصرارى..

ايه يا عم بيبسى ده؟؟
انت مش مقاطع؟؟؟
البيبسى بيعمل هشاشه...
منهم لله..

dodda يقول...

عايزه اتطلق

فكرة الجاموسه هايله
لو كل عماره تشترك غى جاموسه وببركه الله لبنها يكفى والعماره كلها واضمن ان مفيش بودره سيراميك ...

كل سنه وانتى وكل اهلك بألف خير
ربنا يكرمك وينولك اللى فى بالك ويكتبلك الخير ويبارك فى ابنك..
نصيحتى المدامه على قيام الليل
وحتشوفى قدرة ربنا

dodda يقول...

المدون / أحمد كجول
الف مبروك

ياريت تفرق لبن فى الافتتاح

dodda يقول...

لا تجرح التمثال

لا تقنطوا من رحمة الله
والحمد لله ان كل امورنا بايد ربنا

اذا احسنا نكون عبيده اكيد حيرحمنا
من الظلم ده

ولا ننسى ان الله لا يغير ما بقوم حاى يغيروا ما بأنفسهم

نورتى

dodda يقول...

عايزه اتطلق

انت بجد جميله ربنا يكرمك
ويباركلك فى ابنك
الحمد لله ان فيه اللى يخفف عننا اللجوء لله خير الحلول

dodda يقول...

د.جوهرى

عنب لبن تمر هندى
كله بقى غالى اوى والناس غلابه اوى

وكله بيجيلوا هستريا الضحك او البكاء او التهنيج

ربنا يوفقك

dodda يقول...

ذو الوجه المبتسم

ادام الله عليك الابتسامه لعلك تحتسب فتؤجر فالتبسم سمه من سمات الرسول عليه الصلاة والسلام
وربنا يكرمك وكل سنه وانت طيب

dodda يقول...

مروه
نورتى يا جميله والف مبروك على التجديدات

دوا!!!
يعنى ايه دوا؟؟؟
كل سنه وانت طيبه
تشاوو

dodda يقول...

حزينه

انا بس اللبن كان صدمه
لكن الغلا فى كل حاجه وربنا يسترها معانا كلنا

بس لما اكل الوهد اللى هو التمر ولبن يغلى كده
الناس تمتنع عن الطعام والا ايه؟؟؟؟
كل سنه وانت طيبه!!
ادعو الله ان يذهب حزنك ويبدله رضا وصبر

dodda يقول...

dido
اهلا بك فى حزب اهل الكهف

كل سنه وانت طيبه يا حبيبتى انتى مل اهلك

Unknown يقول...

هاي دوددا

اعتقد ان الطريق مسدود
وانا ابدا محبش الطرق المسدوده محبش امشيها
خلينا ناخد طريق تاني بعيدا عن النقد ما دام مفيش حلول


هما ربنا ياخدهم لكن اعتقد ان الطريق التاني هو اننا نبدأ بنفسنا
وباولادنا اكيد لما الفرد يكون كويس المجتمع هيتصلح حاله


اسف علي تأخيري عليكي واسف علي الاطاله


تحياتي الخالصة

عروسة ننوسة يقول...

انتى جنينتينا معاكى
كل سنة وانتى طيبة

dodda يقول...

bar2ash
اشكر مرورك
من الطرق السالكه
بس المسدود محتاج اللى يفتحه
وانت لسه شاب لما تتمشى فى التراك من دلوقتى حتجرى وتسعى وتنحت فى الصخر امتى؟؟؟؟

المهم امك كبرت ومبقتش محتاج للبن
كل سنه وانت طيب وربنا يكرمك

dodda يقول...

عروسه ننوسه

الف مبروك الكتاب وربنا يكملك بعقلك كده
بعد الشر على العرايس الحلوين من الجنان
كل سنه وانت طيبه وبخير

مصطفى محمد يقول...

سلامو عليكو

يا سيدتي الفاضلة .. المجتمع الاستهلاكي يحييكي و الاقتصاد المحتكر بيصبح عليكي و جهاز حماية المستهلك بيمسي عليكي و حكومة محاربة البطالة و محدود الدخل أولا يتقولك هاي و الأسعار العالمية بتقولك بون جور .. خليكي فريش أمال .. فلنحمد الله أن هناك لبناً من الأساس..

:)

dodda يقول...

العزيز مصطفى
يا مساء اللبن الحليب الغير مخلوط ببودرة السيراميك
نورت يا فندم

وقشطه يا مان
والحمد لله الذى لا بحمد على مكروه سواه

snohe يقول...

كل عام وانت بخير بمناسبة شهر رمضان المبارك




شكرا

KING TOOOT يقول...

طول ما بنسكت لازم تخرب
نفس الكاس المر حانشرب
علشان تطرح لازم نزرع
و نواجه و نبطّل نهرب
وعجبي
KING TOOOT

بحبك يامصر يقول...

السلام عليكم
كل عام وانتى بخير اختى الكريمه
كأنك مش واخده بالك ان كل الاسعار راحت فى داهيه؟
لا وعلى رأى الالان بتاع الضرايب المستفذ ده


ولسه ولسه ولسه

تحياتى

(احمد سكر ) يقول...

ولسه

ولسه

ربنا يرحمنا والله

طب مااحنا مونكن نشرب النسكافيه بلاك

صوح

كل سنه وحضرتك طيبه

احمد

bastokka طهقانة يقول...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

Unknown يقول...

الحمد لله انا مبحبش اللبن
ايه يا دوددا ده متشديش في شعرك هدي نفسك
هي جت على دول يعني

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

dodda يقول...

snohe
وانت طيب
اشكرك انك فاكرنى
وكل سنه وانت بخير
ربنا يكرمك ويتقبل صالح اعمالك

dodda يقول...

king toot
ربنا يستر يا وليد

ليته يكون ذلك السكوت الذى اعرفه
ذلك السكوت الذى يسبق العاصفه
كل سنه وانت طيب

dodda يقول...

بحبك يا مصر
هو فاضل لسه ولسه؟؟؟
طب لحد امتى؟؟؟
ربك يعدلها
ويسترها علينا من اللى شفناه واللى لسسسه

dodda يقول...

يا سكر غى وجودك ليس للبلاك وجود
انت منور واحلى من ميت نسكافيه
وكل سنه وانت اطيب يا راجل يا طيب

dodda يقول...

طهقانه
اللهم امين
كل سنه وانت الى الله اقرب
رزقك الله الصيام والقيام على خير وجه
وتقبلك بقبول الصالحين

dodda يقول...

لموضه حبيبت قلبى
مش تشريى اللبن زى الاولاد الحلوين عشان تكبرى؟؟؟
اهى راحت عليكى وغلى ومش حتلحقى تشربيه
كل سنه وانت طيبه يا اصغنن دكتوره

dodda يقول...

قوس قزح
اللهم امين
ولكى مثله..ربنا يكرمك ويبارك فى اولادك
ربنا يعينك على تربيتهم بما يرضيه
الهم اعد علينا هذا الشهر اعوام واعوام نبتغى به وجهك
اللهم ارزقنا عملا صالحا خالصا ابتغاء رضاك
امين
كل سنه وانت طيبه وبخير

Dr.Mohammed Gohary يقول...

ربنا يخليكي


يلاااااااااااااا
كووووووول سنه وانتي طيبة يا أوختي
وبعودة الأيام

ههههههههههههههههههههه

أي خدمة

ادعيلي بقااااااااا

الباطنة عامياني

والامتحان بعد العيد

تحيتي و تقديري

Dr.m يقول...

السلام عليكم

كل عام وأنت بخير

هوني على نفسك مش كده
متحرقيش أعصابك بالشكل ده

وإن كان عاللبن أبو 6 جنيه
والأطفال محتاره تاكل إيه

فرمضان داخل والصيام مفيد
للأطفال زيهم زي القعيد

ولا الحوجه للبن البهايم
وأسعار ولاد ال.......

تحياتي لك
سلام

dodda يقول...

د.جوهرى
قول يا معين
ربنا معاك.. بالتوفيق
كل سنه وانت طيب يا طبيب

dodda يقول...

dr.m

رمضان كريم والله اكرم الاكرمين
لا ملجأ من الله الا اليه
وليه نظلم البهايم؟؟؟
الحمد لله على النعمه
والحمد لله اننا قادرين نصبر على الابتلاء ده

كل سنه وانت طيب وكل اسرتك الجميله بخير