عَمره
طبعا كلنا سمعنا كلمة العَمره ...
العربيه لما تقعدك كل يومين تلاته عند الميكانيكى والا الكهربائى والا غيرهم من المتخصصين
(فى تطليع العين والفلوس)...
تبقى فتحت بقها..ورقعت بالصوت الحيانى
"يا عم انت ملكش اخوات عربيات"
محتاجه عَمره لله
ومن قدم شىء بيداه التقاه(قلبت شحاتين) هى فعلا ممكن تكون مكلفه..
بس بعدها ترجع العربيه مشدوده ولا الزيرو..وعلى رأى الميكانيكى
"عروسه"
لما دماغى تقولى ان كل حاجه ليها عمر افتراضى..
وكل حاجه بعد وقت من استعمالها
"وخصوصا مع المصريين"
يلزمها عَمره
بصدق دماغى جداً
العَمره اللى انا بتكلم عنها بقى..
مش عَمره للعربيه..لاااااا دى عَمره للنفس
ماهى كمان النفس البشريه ليها طاقه يعنى احتمال ..يعنى عمر افتراضى
يعنى بتحتاج عَمره ونص كمان
بتتحمل النفس كتير معانا !!
معاناه نفسيه ومشاكل ضغوط ومتطلبات حياتيه لا تنتهى
خلافتنا مع الناس اللى حوالينا والاكتر خلافتنا مع نفسنا
الحاله الاقتصاديه العجيبه اللى كلنا بقينا فيها!!
والله بتشيل كتير النفس دى معانا!!!
تستاهل انك كل ما تقدر.. تديها
" واحد عَمره وصلحه "
مش كده؟؟؟
مش عند الميكانييييييييكى
العَمره النفسيه ليها مميزات جاااامده جدااااً
اولها:انت اللى تعملها بنفسك....
تانى حاجه :منغير فلوووووس خاااالص
وثالثا :ترجع النفس بعدها"عروسه"او عريس :O)
كل المطلوب تركيز وصفو النيه..واختيار الوقت المناسب
("بالليل الساعه2:30انسب ميعاد عن تجربه")وياريت يوم خميس
تبدأ المرحله الاولى للعَمره فى الحمام..
تاخد دش دافى وحاول تطول شويه تحت الميه وتسترخى ...
ممنوع التفكير..لازم تفصل المخ عشان السلوك الملمسه ترتاح
تخيل ان كل متاعبك تراب وبينزل مع الميه..
فى اخر الدش تتوضى وتستحضر نية التوبه
تطلع من الدش ملكش دعوه بحد...تدخل مكان لوحدك
صلى ركعتين لله بنية التوبه برضه..
الذنوب لما تتوب عنهاوتستغفر.. الحمل حيخف من على كتافك
ارمى حمولك على الله
سمى بالله كده وامسك المصحف..اقرأ من الاول خاااالص "الفاتحه"
ونيتك انك تبدأ خاتمه جديده....اقرأ بتأنى وتدبر ماتيسر
خلصت قرأه...ندخل على الذكر بقى...سبحتك معاك
سبَح استغفر..وحِد الله وصلى على الرسول..احمد ربنا على النعمه قد ماااا تقدر
اهم جزء بقى...الدعااااااء
اللى ربنا يفتح عليك بيه من الادعيه المأثوره والادعيه اللى من القرآن
ودعائك انت لنفسك ولاهل بيتك وكل اللى تفتكرهم من اصحابك وقرايبك
حتى اللى بينك وبينهم مشاكل ادعيلهم"ومتنسانيش"
اطلب اللى نفسك فيه.. دى الحاجه الوحيده اللى مطلوب منك تلح فيها..
من قلبك
اختم الدعاء بحمد الله والصلاة على الرسول..
خلصت العَمره
(لو بدأت فى الميعاد المتفق عليه ...حتخلص مع صلاة الفجر)
صلى الفجر وناااام
************
*ملحوظه:بعد العَمره بتاعت العربيه بيكتبوا "عفواًالسياره فى التليين"....
بعد العَمره النفسيه
" التليين "
انك تداوم على قرأة القرأن
مش لسه مبتدى فى خاتمه فوق اهه؟؟
كل عَمره وانت طيب
اللهم تقبل صالح اعمالنا
"ربنا لا تزغ قلوبنا بعد اذ هديتنا وهب لنا من لدنك رحمةًانك انت الوهاب"
امين
هناك 67 تعليقًا:
أول تعليق وصلحه
بجد احنا كلنا محتاجين عمرة يا دودا وبنقاوح وبنفضل نسوف وياخدنا موج الحياة منعرفش نقاوم ويفضل يشدنا لغاية ما نغرق ونندم ونقول آه لو كنا عملنا عمرة
بجد بوست جميل والنصيحة اجمل ..شكرا
ياااااااه قد ايه انا محتاجة العمرة دي اوي
ادعيلي اصلح نفسي واكيد انا كمان هادعيلك
بجد اجمل بوست قريته من فتر طويلة
جزاكي الله كل خير
تحياتي
الله يفتح عليكى
يا حبيبة الروح
تسلمى يا عسل :)
الله يكرمك ويحفظك ويجزيكى كل خير
أسلوبك روعة بجد ربنا يتقبل منك
عجبنى أسلوبك لو كل الناس بتفهم كده يااه ده كان زمان الدنيا أحلي بكتير
تقبلى مرورى وتحياتى ودمتى بكل خير
واقبلينى زائرة مستمرة هنا بإذن الله
جامد موضوع العَمره دا البوست جميل اوي
تحياتي
حلوه اوي موضوع العمره دي
يارب تقبل منك عمرتك
ونصيحه بما انك فاهمه في العربيات العربيه وهي في التلين مينفعش تشدي عليها يعني مش لازم كل يوم خمس اجزاء يعني قليل منتظم احسن كتير من كثير متقطع
ربنا معاكي
بجد فعلا كلنا محتاجين جو الاسترخاء ده والهدوء النفسي والبوست بتاعك مشجع جدااااااا
دودا تسلم ايدك بجد علي البوست الرائع ده
والي الامام
ااااااه انتي هتقوليلي على العمرة لا ولا ايه بئى لما حظك يخليكي تسوقي ورا واحد لسه عامل عمره وبيلين في شارع ديق وعربيته كبيرة ومش عارفة تعدي منه وماشية على خطوته الرايقة
بيبئى هيجيلي السكر
انا خلصت امتحانات على فكرة بس استوييييييييييييييييييييييييييييييت
ادعيلي ربنا يستر فالنتيجة
دودا
انا من القراية بس حسيت انها فكرة حتودي التعب في داهية
بس التنفيذ كلام تاني .. انا شخصيا خايف اني في الدش برضه التفكييييييييييير كتيييييييييير
بس أد ايه نفسي اركز مع ربنا في ذكر من القلب
ربنا يكرمك على عرضك ده و عمرة مقبولة
:)
الله عليكي
فكرة تحفة و ان شاء الله اعملها و تاخدى ثوابى
تحياتى
بجد ماشاء الله عليكي..
الموضوع جميل وهادي جداً ومفيد..
واللي زاده حلاوة..طريقتك السَلِسَة في استطراد الموضوع..خطوة بخطوة..
أتمنى إننا كلنا ننفذ بجد ان شاء الله مش يبقى مجرد إعجاب بموضوع..
شكراً ليكي :)
بجد يا دودّا ربنا يكرمك
تدوينة بسيطة لكن فعلا من أهم الحاجات الى ممكن أقراها
قد ايه محتاجة لعَمرة أنا
:)
دودا
الله ينور عليكي بجد
تعرفي في زحمه الدنيا وفي الدوشه اللي إحنا عايشين فيها دي بننسي فعلا حجات ما ينفعش تنسي
زي قراءه القرآن ، الدعاء ، صله أرحام
نسيانا للحجات دي ومع إنها بسيطه بيزود الضغوط علي النفس أكتر مع إن الحل برضه بسيط أوي زي ما إنتي قلتي .. عمره
إن شاء هابدأ في عمل العمره دي لأني أتأخرت كتير أوي ونفسي قربت تزهق مني وتشتكي
شكرا يا دودا بجد ليكي إنك فكرتينا بحاجه زي كده
ايمن
اه والف اه من التسويف
سوسه التسويف بتنخر فى الخير لما تفسده
خير البر عاجله
وعقبال العُمره
unique
اولا نورتى..
ربنا يكرمك ويصلح حالك
ويتقبل صالح اعمالنا
ان شاء الله
واعملى عَمره بسرعه..اديكى عرفتى الطريقه
احلى ام يوسف فى بر مصر
ربنا يكرمك ويطمن قلبك
خديجه عبدالله
اهلا بيكى فى كل وقت..
وبجد ربنا يكرمك ويتقبل منك.. دعواتك جميله جدا
انا محتاجه الدعاء جدا نورتينى
egypt eyes
اشكركغلى ذوقك والزياره
واتمنى لك عَمره موفقه
wael
اللهم امين
واياكم
اكيد خير العمل ادومه وان قل..
ربنا يكرمك
dido
خطوه عزيزه
اسعدتينى بزيارتك..واتمنى انك تحققى المرجو من العمره
بالتوفيق
نوره الخشن
ربنا يكرمك وتنجحى
كده بقى لازم تعملى عَمره وتطلبى من ربنا النجاح
نورتى
مصطفىىىىى
ازيك؟؟
لاااا..كله الا الدش
لازم تفصل الكونتكت...
وقبل ما تبدأ تكون مجهز تماما انك مع ربنا بسس
توكل على الله..وعَمره موفقه
baker
ربنا يكرمك ..
ويا رب كل اللى بقرا البوست يستفيد
منه
الله يرضى عليك
امين
محمد فكرى
فعلا اكتر ما يسعدنى ان يستفيد اى انسان من كتاباتى
ربنا يكرمك
dr.roufy
سعيده بزيارتك
وربنا يكرمك ويتقبل منك
وعَمره موفقه باذن الله
mado
اراح الله قلبك يا قلب الحياه
ربنا يكرمك ويفتحهاعليك
الله ينعم عليك برضاه
انا دايما داعيالك
ربنا يوفقك..
هههههههههههههههههههههه
والله فكرة
ربنا يكرمك يا قمر بجد حلو ميعاد الخميس علشان بس تانى يوم اجازة تسلمى يا رب على الافكار الهيله
Appy
التعليق يتاعى ده محتاج حاجتين تعديل فى الاكصدام الخلفى وعمره موتور هههههههههههههه
الموضوع هايل بجد
والله بجد ربنا يجازيكي خير ويجعله في ميزان حسناتك وفعلا الواحد محتاج عمرة كل يوم والله
بس المشكلة اني مش باعمل عمرة للعربية باجيب موتور جديد علطول ينفع اجيب نفس جديدة وخلاص ؟ ههههههه
تحياتي
السلام عليكم
*********
اى انسان فى الدنيا نفسو يعمل عمره او حج ولكن فى الى يقدر وفى الى مش فى استطاعتو انو يفعلها ولكن نعدو الله ان يكون كاتبهلنا ان شاء الله وفى حديث
عن رسول الله صلى الله عليه وسلم
وهوا من صلى الفجر فى جماعه ثم قعد ذكر الله ولم يكلم احد حتى الشروق ثم صلى الشورق كانت لهو ثواب حجه وعمره
صدق رسول الله صلى الله عليه وسلم
اتمنا اكون ضيف خفيف
واتمنا زياره مدونتى من الجميع
نوره الخشن
لحقتى نفسك ...جربى بقى العَمره
وربنا يسترها معاكى
بيكيااااا
مبروك المدونه الجديده
ويا رب الفكره تنفع كل الناس
صوت من مصر..
اهلا باللى غايب من زمااااان
كل اللى كانو بيمتحنوا عذرهم معاهم
بالتوفيق ان شاء الله
hero
اللهم امين
يا كسلان عاوز تشترى نفس جديده
اللى بشترى عربيه زيرو ميبعهاش
وانت مستلم النفس دى زيرو
وتغييرها مش سهل بس اخرتها بعد العَمره اكيد خيرر
والا ايه؟؟
ادم المصرى
اهلا بيك فى اول مرور
نورت
وصدق الرسول
بس انا بقول عَمره..العمره دى بقى ربنا يكتبهالنا كلنا
امين
هنفذ كل اللي قولتيه بالظبط ان شاء الله ربنا يباركلك يا دودا يا جميله وان شاء الله هناخدي ثواب كتير
اول زياره ليا مدونه والله العظيم جميله جدا
بم اننا خط مترو واحد انت المعادي وانا حلوان اتمني التواصل بقي بين المدونات هوا المترو تلت ساعه وتبقي في المدونه بتاعتي ويشرفني التواصل بيكي يا دودا
اسمحيلي اكرر الزياره
دومتي يخبير يا دودا
سلام
حاااااااااااضر ياستي بس على فكرة عيزة اقولك على حاجة بخصوص البوست عندي الموضوع كلو فبركة خيااااااال يعني مش قصة حقيقية حصلت معايا انا اصلا من النوع اللي مش بركز فاشكال الناس لدرجة ان كان في مدرس بيديني في ثانوي سنتين صحابي هما اللي لفتوا نظري انو كان بشنب لما دخلنا الجامعة
عاااااااااااادي خاااااااااااااالص
"عَمره للنفس"
.
.
.
بتجيبي الكلام الحلو
ده منين
بصي
هديلك ثواب الدال على الخير
وحكون احد منفذي هذا البرنامج البسيط
فى تكاليفه...الثرى في نتائجه..!!
(:
بارك الله فيك
(:
انت بنت حلال عشان كده في شقة في بيتنا القديم فاضية لو عايزه تحجيزيها لأحد ابنائك ان شاء الله..!!
(:
إزيك يا دودا
أنا داخل أسأل عليكي قلت بالمره لما أقرأ
البوستات القديمه اللي إنتي كتبتيها
أول ما قريت قريت بوست
(ليله ليلاء) مش قادر أقلك يا دودا إيه الأسلوب ده ، إيه الجمال ده بس ما كنتش متخيل ابدا إنه بوست واقعي 100% كنت مفكره خيال كاتب ليس إلا
عرفت إنه واقعي من التعليقات مش قادر اقلك أثر فيا قد إيه بجد
بس معلش قدر الله وماشاء فعل وإن شاء الله ربنا يعوضك خير
قريت برضه بوست (جوابات)
قلت لأ بقي دي دودا بتقرأ افكاري
ده أنا برضه بكره الكيبورد لأ مش الكي بورد بس ، والتليفون الأرضي والموبيل والأيميلات وكل الحاجات اللي بعدت الناس عن بعضها ، فين الألفه والتراحم اللي كان موجود زمان فين الود اللي كان بين الناس ، دلوقتي أقصي حاجه يعملها اي حد علشان يطمن علي زميله إنه يديله رنه حاجه تفقع طبعا
بس بجد البوست ده بالذات خلاني أحس بحاجات جميله اوي
معلش يا دودا أنا رغيت كتير أنا عارف بس كان لازم بعد ما قريت كلامك الجميل أقلك كل اللي حسيت بيه اعذريني بقي
ألف تحيه ليكي يا دودا ولمدونتك الأكثر من رائعه صحيح إبقي سلميلي علي مي بهاء انا عارف إنكو صحاب طبعا
أسف للمره الأخيره إني طولت أوي كده
السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
فنانه مفروسه
الف اهلا وسهلا
المدونه نورت بيكى
وربنا يكرمك ويتقبا صالح اعمالك
وياريت تكررى الزياره ده شىء يسعدنى
نوره هانم الخشن
بالرعم من كل ده بوست جميل فعلا
دايما اختيارك للصور بيعجبنى
ربنا يوفقك
بيتنا القديم
يا رب كل اللى يقرا البوست يعمل بيه
كلنا محتاجين للحسنات
والبيت القديم بيتى وبيتك وبيتنا كلنا
انا محتلاه اصلا ;O)
السلام عليكم ورحمه الله وبركاته
اعتذر شده اختى الكريمه
لانى مسحت التعليق الخاص بك
لسبب واحد فقط
ان هناك من يدخل المدونه كثير وسوف يرى تعليقك وسوف يدخل هذه المدونه التى ذكرتيها وبهذا نكون اعطيناها سمعه وشهره فى وسط يمكن يكون الكثير لم يسمع عنها شىء
وبخصوص الرد على هذه المدونه يكون بالمقاطعه
انتظر من حضرتك كتابه تعليقك مره اخرى
وجزاكم الله خيرا
والسلام عليكم
madooooo
العزيز جدا جدا
انا متأكده ان فى بينا كتير مشترك
وانا من هواة قرأة البوستات القديمه
وانت تطول براحتك كل كلامك بيدخل الدماغ علطول
نورت يا قلب الحياه
بوست ليله ليلاء كان صعب عليه جدا
بس الحمد لله
والتقدم العلمى مازال بين بين
نقبله ام نتأفف منه
والسلام يوصل ان شاء الله
دمت عزيزا وجميلا ومبتسما
أرواحنا وقلوبنا وعقولنا وبيوتنا وشوارعنا كلها تحتاج لهذه العمرة حقا، المشكلة أننا دوما فى انتظار جودو الذى لا يجىء .. تحياتى لمدونتك الجميلة .
الله عليكى
بجد بوست رائع
و انا الحمد لله طبيعى بلاحظ نى لما بداوم على صلاة الفجر حاضر
نفسيتى بتروق
بجد طريقة العمره اللى انتى كتبتيها
احسن طريقة
سلامى ليكى
أبنتى الغالية /دودا
جزاك الله عن هذا البوست خيرا
و أنتى كما قلت سابقا إنسانة نقية
قريبة من الله
بارك الله فى عمرك و لا تنسينى بنيتى
من صالح دعائك
دمتى روح شفافة
جميلة الوصفة دى اوى
وسبحان الله وقت قريتها لها قبل معادها
يعنى النهارده الخميس و الساعة واحدة و نص تقريبا
جزاكى الله كل خير
بجد انى قريت الكلام استرخيت
حسييت انى فعلا عملت عمرة
ربنا يكرمك
جزاك الله خيرا
موضوع رائع اختى الكريمه
كلنا محتاجين نعمل عمره لحجات كتيرررر اوى
وضيفى فعلا عليهم من عندى
عمره للعربيه
ههههههههه
تحياتى اختى الجميله
اخيكى
احمد
ايهاب رضوان
عندك حق..والحمد لله ربنا اتعم علينا نبقى عبيده
واللجوء لله يريحنا
ربنا يكرمك
شكرا لمرورك
نام يا مصرى
الله يرضى عليك..المداومه مطلوبه جدا
وخصوصا الفجر
متغيبش كتير كده
ابتى
افتقدتك كثيرا
دائما ما انتظر زيارتك
وكلماتك التى تطيب روحى
دمت وبارك الله فى روحك الجميله
ربنا يخليك لينا كلنا
قوس قزح
ملكة الالوان
الحمد لله ان الوقت كان مناسب
ويا رب تكونى استفدتى من الكلام
دائما ما تسعدينى بمرورك
funckydoctor
حسيت انك عملت؟؟؟!!!
يعنى مش حتعمل ؟؟؟
ربنا يكرمك
نورتنى
سكر!!
انت صحيت امتى؟؟؟
ربنا ييسرلك العمرتين
ويعينك بالعمره النفسيه على عمرة العربيه
الله عليكي يا دوددا
كلنا بنحتاج العمرة دي من وقت للتاني
وفعلا بتفرق اوي اوي
ربنا يجازيكي عنا خير للتذكرة ويهدينا جميعا
سنووايت
يا جميله..
ربنا يرضى عليكى ويكرمك
نورتى
بارك لك الله فى عمرتك فى بلدك
واكرمك بعمرة فى حرمه الشريف
وزيارة رسوله الكريم
واتم عليك فضله بحجة
منذر
http://live.gph.gov.sa/
البث المباشر من المسجد الحرام بمكة المكرمة
منذر
نورت المدون
وتشرفت بالمرور الدولى من السعوديه ارض البركه
ويارب تكون ابواب السما مفتوحه لدعائك الجميل
امين
موضوع العمرة دة طبعا موضوع مهم جدا بس لازم الى يعملها يكون محترف علشان ممكن يغير قطعة مهمة تضيع معاها حاجات مبترجعش لاصلها
ارق امنياتى بالستر ثم الستر
ابو حنين..
نورت
ربنا يسترها معاك دنيا وأخره....
يا رب ميكونش ورا الكلام حاجه انا مش فاهماها!!!
فاحيانا ما تنتاب المرء ظاهرة اذكى اخواته...
امممممممممممم
عندك حق عمرنا كمان بيحتاج عمرة او انا عاوزة اقولها بتعبير تانى ان ان كل واحد فينا بحتاج ان يقف مع نفسه او يحاسب نفسه
"تحياتى"
nonni
نورتينى
وربنا يلهمنا نعمل الخير ونراجع نفسنا ونصلح اخطاءنا
إرسال تعليق